|
يا نساء هل الثوب اذا لبس اكثر من مرة فيها شيء؟؟؟؟
السلام عليكم ورحمة الله وبركاته .....وبعد
السؤال |متى ننتهي من مشكلت <الثوب مشويف> كما تعلمون اخواني واخواتي الكثير من النساء الله يهديهن تكلف على زوجها بشراء فساتين الأعراس والمناسبات...<طيب ماقلنا شي نجيب فستان > لكن المشكله ان تفصيله كما تعلمون من الخمسميه الى 15 الف واكثر ويكلف الرجال نفسه وتجده يتسلف احيانا وبعدين نوديه للخياط ويرجع عدة مرات للخياط وسع........ظوق ..........حط كرستال ... حط تطريز ......حط شيفون اومادري وشسمه ....واخرتها لبسه واحده في عرس وبعده ياعيني للأرشيف ......حتى اشعار اخر وكما تعلمون ان التى تلبس الثوب اكثر من مرة تعتبر جريمه عند المجتمع النسائي والسبب انه شايفينه بعرس فلان .....يالله العقل طيب اذا صار مشيوف وبعدين وش يبي يصير..........يعني يخرب او يصير خيشه مثلا .....وازيدكم من الشعر بيت حتى الذهب اذا لبس اكثر من مرة يعتبر جريمه لدى النساءويقولن للتي تلبسه <كادته> ........اليس هذا من الفسق..... الى متى وحنا على العقليات هذه........ياخي انا عندي ثوبين من العام البسهن للدوام والبيت وكل الناس شافته ماضرني شيء.....تعجبت اثناء متابعتي لقناة بدايه في احد الأيام امراه تأجر فستان الليله بالأف ريال ........سبحان الله ,,,,,,, صار شقه ....... الله يصلحكن يابنات . ارجو التفاعل مع الموضوع ومعذرتا على اللأطاله والله الموفق..... |
اي مافيها شي اذا تفتشل تلبسه مره ثانيه
مع احترامي لك موهدوم دوام أهو ! عشان يتكرر لبسه عني انا اذا قاطه عليه مبلغ وقدره ألبسه مره ثانيه عند ناس مختلفين وبعدين هذا مااسمه فسق .. ربك يحب يشوف نعمته على عباده |
ها1الصراحة
انا اغلى فستاان شريتة باالفين يعني موغاالي مرهـ عادي البسة مرتين بس اكثر من مرتتين عند نفس الناس لا فشلة واذا خلصت منة اهدية على احد مو ارمية انا ضد اللي تضييق على زوجها وتغصبة يدفع خلاص اذا زوجي مايقدر اعتذر بس اذا عادي يدفع مثل زوجي لييش احرم نفسي بعديين هذة كلمة زوجي لا تحرميين نفسك من شي انا مستعد ادفع قـولو ما شـاءاللة0 (qq22)(qq22) |
تبي الصراحه فيه حريم ماينعطون وجه مايبقى زواج الا رايحة له ومايهمها زوجهاوانا اعتبرها قلت ادب في الحرمه اللي تخلي زوجها وعيالهامن المغرب مرميين عند اهلها ودايره من قاعه لقاعه بالنسبه لي اكثر من ثلاث زواجات في السنه ماحضرثلاثه وكافيه ومو كل سنه والله يعين الرجال اللي مرته تجامل الناس على حسابه. وحبيت اضيف انو غير تكلفة الفستان بالمبلغ الفلاني فوق الالفين فيه تسريحه ومكياج توصل للالف يعني التسريحه ب500 واحياناً اكثر اذا اضافت حشوات واكستينشن والمكياج كذلك. بس مو معناها ان الرجال يحرم زوجته توسع صدرها بس بالمعقول. |
(q31) معلومه جديدة شكلي ابفتح محل خياطه و العب على هالمخفات << طبعا انا ما اقصدكم انتم انا اقصد اللي تروح وتشتري فستان بالاف وتلبسه مره وحده ... اللهم لك الحمد على نعمة العقل
الله يعين من الحين شكلي ابهون عن الزواج الدعوه فيها الاف (qq89) من وين نجيبها الفين ريال اروح اعرس فيها على وحده اجنبيه ابركلي (qq6) يا ملحهن ما يصرفن .. ويقولون ان فساتينهن من ابو ريالين ^ ^ الله يعين الحين الحريم بيقرون هالاكلام ثمن خذ يا ردود (q69) اذا زوجتي ما تشتري غالي منب ماخذ اجنبيه . بس لازم تصير حبيبه بارك الله فيك اخوي على موضوعك اللي مهب رائع (qq60) يضيق الصدر الله يعطيك العافيه وانا معك بكلامك |
فيما يتعلق باللبس والحلي
فالنسا عقولهم صغيره جدا ويغارون بسرعه للاسف ذلك من قله الايمان بالله والخوف منه ولا وش دخلني في فلانه وعلانه انها شافت ملابس زوجتي ملبوسه ان شاء الله مليون مره حريم اول ايام الفقر كانو اكثر عقلا واكثر ايمانا واما اغلب حريم اليوم مع الطفره والمال اصبحو مجانين ( لا اعمم لكن حسب ما ارى الاكثريه) |
وش نسوي محيطنا النسائي يحتم علينا عدم تكرار البس وطبيعة الانثى تحب البس وتعشق التجديد
حنا صراحة نعاني من هذه النقطة و خسرنا مبالغ هائيلة في هالخلاقين واحمدو ربكم والله لو لبسكم انتم يامعشر الرجال مو زي موحد كان قلتم نفس مقولتنا الشهيره هذه البس مشيوف علينا من قبل لكن المجتمع والمحيط يقول ادفع ولا تحسب للخسائر الدنيا فانيه والفلوس تروح وتجي |
اقتباس:
ياأخت انا ما اقول لا تلبسن زين لكن بالمعقول الله جميل يحب الجمال يعني وش فيها اذا لبسته ثانيه وثالثه ومليون مره ......... اقسم بالله لو تخلصنا من هذه الظاهره كان تحسنت الأمور الماديه لكثير من الناس ألا تؤيدوني وبعدين للمره الثانيه اقول هذا فسق بعينه وعلمه طقم ذهب مثلا ب 5000 يلبس مرة او مرتين وبعده لا يلبس لأنه مشيوف بالله هذا ماهو فسق الله يهدى الجميع واشكرك على مداخلتك |
اقتباس:
ثانيا ماشاء الله عليك الله يديم عليكم السعاده اما بالنسبه للثوب ابو الفين انتي تقولين ماهو غالي ؟؟؟؟؟؟؟؟ اجل وش الرخيص برايك .....الله يوفق الجميع.... |
اقتباس:
انا اؤأيد كلامك واشكرك على مداخلتك |
| الساعة الآن 07:11 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir