تكفون ساعدوني والله منزنق
 

السلام عليكم ورحمة الله وبركاته
مساكم الله بالخير جميعا
هذي اول مشاركة لي في هذا المنتدى وهي الصراحة طلب مساعدة
الموضوع ومافيه:
انا طالب ابي اروح ادرس برا السعودية ومطلوب مني توصيات من الدكاترة عندي في الكلية ,وتكون طبعا باللغة الانجليزية فابي خدمتكم هنا.

انا اذا رحت للدكتور اقوله اكتب لي توصية (طبعا التوصية للي مايعرفها يعني خطاب يتكلم فيه الدكتور عني انه درسني ويكون فيه مدح غير مبالغ فيه ) يقول الدكتور مااعرف او يكتب توصية بلغة مكسرة .

واذا رحت لرئيس القسم (طبعا رئيس القسم لازم يوقعها وهو دكتور سعودي دارس في امريكا ) يقرا التوصية ويقول هذي التوصية بلغة ركيكة يعني مااعجبته المشكلة انهم ذا الدكاترة عنده.يالله الله يكون في العون.

عشان كذا اللي طالبة منكم الله يجزاكم خير ويوفقكم دنيا واخرة توصية تكون بلغة انجليزية معقوله عشان اسكت بها رئيس القسم.
انا داري اني بكلف عليكم بس والله محتاجها قبل الساعة 6:30 يوم السبت الجاي عشان اروح اوقعها.

تكفوووون تكفووووون والله مضطر جداااااااااااااا.

وهذي توصية للي يبي يساعدني و يبغى يعرف كيف:


To Whom it may concern:
I have known (Mr.) for nearly 4 years. I have taught him a number of undergraduate courses related to Physics and have found throughout that his diligence, dedication and hard work inspire other student as well as producing for him high grades in classes. He is friendly, serious, assiduous and mature in his attitude to his work. Should he be given a chance to pursue his postgraduate studies, he would make the best of it. I would, therefore, recommend him to have a chance to pursue his higher education and I have no hesitation at all in recommending him for the position he applied for


ملاحظة ياليت تكون التوصية غير مبالغ فيها وتكون معقول ،،،،،وعادي موب شرط تكون طويلة.
لان بالعربي انا معدلي( 2.35) لان رئيس القسم يقول خلها معقوله واصلا لازم عشان يكون فيه مصداقية.

الله يجزاكم خير دنيا واخرة
والله يرحم والديكم

وعليكم السلام اخوي سلطان
هلا و مرحبا وانشالله بنساعدك

بس انت تبي زي هالتوصية ونجري عليها تعديلات علشان تصير مضبوطة ولا تبيها باسلوب ثاني؟؟
انت تخصصك فيزياء؟

ان شاءالله يفيدوك الاخوان

هلا والله ومرحبا بالجميع

الف شكر على ردودكم
الله يرزقكم الجنه

انا ياطويل العمر تخصصي فيزياء اي نعم ((بس تبي الصراحة من جنبها))


وبالنسبة للتوصية هذي لا الحمد لله هذي موافق عليها انا ابي وحده ثانية ولازم تكون مختلفه عن هذي عشان مايقولون اللي ابرسلها لهم انها توصيتين زي بعض ومايوافقون علي.

انا حاط التوصية ذي بس عشان اوضح الصور لكم لا اكثر .

اما اللي انا ابيها لازم تكون غير, بس يعني تكون شبيهه بطريقة الكتابة ،يعني مدح للطالب وانه يستحق ان يكمل دراسات عليا ومن هالكلام .

والف الف شكر للي ردوا واللي بيردون واللي ماردوا بعد

سوف اتواصل معك

To Whom it may concern:
MR. AHMED ALHAMED WAS ONE OF MY STUDENTS AT THE UNIVERSTY OF KING SAUD PHYSICS DEPARTEMENT FROM 2004 TO2008 . I have taught him a number of RADIOLOGY courses HE WAS A FOLLOWER AND RELIABLE STUDENT.HE WAS A HARD WORKER,FRIENDLY AND HE GOT THE ABILITY TO LOOK FOR THE INFORMATIONS THROUGH DIFFERENT REFRENCES IN THE ASPECT OF PHYSICS AND RELATED ASPECT
I AM SURE THAT HE WILL DO WELL
ALL THE BEST
DR. SAAD
PHYSICS DEPT
KING SAUD UN.

السلام عليكم
الف شكر اخوي ارواق المساء ادع الله ان رئيس القسم يوافق عليها

مع العلم اذا فيه احد عنده غيرها ياليت يحطها عشان اذا رد الدكتور اي شي يصير عندي غيرها .

اما بالنسبة لاخوي emooo ، التوصية اللي تلقهاه عند الكلية جاهزة انا شايفها تكون على شكل جدول فيه تقييمك ممتاز او جيد جدا اوجيد اوغيرها بس هذي تكون توصة متعارف عليها اذا بغيت اقدمها هنا في السعودية اما اذا كانت برا السعودية لازم تكون على شكل مقالة .....

وبيض الله وجيهكم ماقصرتوا،،،،،،،،،،،،،
وانا في انتظار المزيد

why?