|
وش بينكم وبين جيرانكم
السلام عليكم
إنشغلنا في حياتنا , الله لا يشغلنا إلا في طاعته , عن كل ماهو جميل , فلم نعد نطعم للحياة أي جمال إلا في قليل من أمورها . من الأمور التي فقدناها هي ( جيرتنا ) , نعم الجار الذي غبنا عنه وغيبتنا عنه مشاغل الحياة ومنها , الإنترنت . كنت منهمك في الإنترنت , وهاوشتني الوالدة تقول ( كب المروح اللي أنت طايح علاه ) جاوبتها وكانت تبيني أودي المرقوق اللي مسويته لجيراننا . ويوم جاء من بكرة جيراننا عطونا في قدرنا غداء ( هل جزاء الإحسان إلا الإحسان ) كانت من أروع لحظات حياتي , لأنها قلت جداً عندنا إلا في الشهر مرة أو مرتين. منظر أتمنى أن لا يغيب عن حياتنا . قال رسول الله صلى الله عليه وسلم : (( يا نساء المسلمات لا تحقرن جارة لجارتها و لو فرسن شاةٍ )) متفق عليه وعن أبي ذر رضي الله عنه قال : قال رسول الله صلى الله عليه وسلم : (( يا أبا ذر ، إذا طبخت مرقة ؛ فاكثر ماءها وتعاهد جيرانك )) رواه مسلم سؤالي لكم أحبتي : كيف وضعكم إخواني أخواتي مع جيرانكم ؟ ومتى آخر مرة أطعمتم بعض ؟ . |
والله يااخي انا حالتي صعبة .. مااحب الجار ولا اتمنى لهم مكروة .. اشعر بأن الجار قلق نفسي .. عشان كذا منذ نزولي بمنزلي لم ازرهم ولم اطعمهم ولا لمرة واحده هذا الصدق وشكرا لك اخي |
اقتباس:
اقتباس:
وفيه منهم مقربين جداً لدى الوالده خاصة اقصد بمقربين : قريبين لنفسها وليس من القرابة اخر مره اطعمونا هم قبل شهر تقريباً ومره بالسنة :) |
ياااه
الجيران بدلا من سؤالك متى اطعمتم بعض ليكن السؤال الافضل متى شاهدتهم بعض او متى تكلمتم مع بعض انت تتحدث عن احوال ما قبل العولمة تتحدث عن سنوات تجاوز الثلاثين عاما عندما كان الجار جار اما الان تغير الحال واصبح بعض منهم للاسف الجار عار |
سؤالي لكم أحبتي : كيف وضعكم إخواني أخواتي مع جيرانكم ؟
الوصع عـــــــــــــادي جدا اهم شي مافيه مشاكل ومتى آخر مرة أطعمتم بعض ؟ يوووو من زمـــــــــــــــان والله مااذكر بالظبط بالتوفيق يارب اختكـ-غروكـ |
أنا للأسف ماحب احتك بالجيران .. ماعدا جارتي اللي معاي بنفس الدور .. كنت اشوفها بصلاة التراويح .. وادري أنها جارتي واسوي نفسي ماادري .. (qq167) لحد ماكفشتني .. (qq152) واخذت رقمي وزارتني .. وبعد ماتعرفت عليها .. صراحة .. تحسفت على السنين اللي راحت وماعرفته .. وأخر مرة اطعمتهم .. بعيد الضحية ارسلت لهم لحمة .. (qq22) عاد الصدق والله دايم نطعم بعض .. حتى يوم الخميس كانت صايمة وارسلت لها بسبوسة .. (q41) |
سلم لي على الوالدة الله يحفظها ويجزاها خير ومع الأسف ياخوك الأوضاع مش طيبة يا رجل وصلت المواصيل إلى أن الجار لا يأمن جاره وقد قال صلى الله عليه وسلم : ( والله لايؤمن , والله لايؤمن , والله لايؤمن, قيل : ومن يارسول الله ؟ قال : الذي لايأمن جاره بوائقه) أخرجه الشيخان من حديث أبي هريرة رضي الله عنه ما تشوف المنازل الجديدة وكيف يرفعون الأسوار ويزودون "شنكو" بعد وأمست منازل "الحريم" والرخوم(q39) لكن الحمد لله منزل الأهل بين الأقارب ومازال بعضهم "يتعشون" (جميع) أما قهوة المغرب فهي مما لابد منه إذا كنت متواجدًا "وبالخدمة":danc854: |
اشكرك علي الالتفاته الجميله
|
نعلم حقوق الجار ونحفظ الأيات والأحاديث الشريفه وكما قال نبينا محمد صلى الله عليه وسلم في معنى الحديث ان الجار يرث الجار لكن مشكلتنا قلة الوازع الديني مشكلتنا العنصرية القبلية احيانا اقسم لك بالله انك تخجل ان تعزم جارك خشية ان ينفلت رجل من الجالسين ويتفوه بكلمة تجرح جارك وقد حصلت امام عيني مشكلة الجار مشكلة عامة جميع الناس يشكون منها حتى اصبح الوضع عادي تسلم على جارك سلام من بعيد رفعت يد فقط ربما ماحل بنا من علامات الساعة الضغرى الله اعلم موضوع في الصميم جدا سلمت يمينك والف شكر لك |
جزاك الله خير اخوي الثبيتي ذكرتني باِطعام الجارلها ذكريات |
| الساعة الآن 10:06 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir