منتديات قصيمي نت - حلمي الجميل ...ويومي الجميل ...اللهم لاحسد !!

السلام عليكم
اليوم كان يوم غير عادي بالنسبة لي وراح أحكي لكم التفاصيل ولكن أرجو من مفسري الرؤى تفسير رؤياي أولا

حلمت اني شفت الملك عبدالله بن عبدالعزيز ال سعود وسلمت عليه بحراره وبشرني انه طيب ...وكان الحلم في بيئة عملي..يعني في الشركه
وللأمانه والله ان الملك حفظه الله وعجّل بشفائه كان في قمة الطيبة والتواضع والإحترام <<< حرّه يادكتور cardiac

أما بالنسبة ليومي الغير عادي
فراح أقول لكم تفاصيله

صحيت من النوم ولبست ملابس العمل شغلت السيارة واتجهت للعمل كعادتي اليومية ولكن سرعتي كانت 80.5كم/ساعه فوصلتني على الفور رسالة من ساهر لأني تجاوزت السرعة المحددة بنص كم/ساعه

وصلت المكتب ودخلت موقع الجوازات الالكتروني وجددت جوازي وأضفت البنوتة "لمو" معي وعبيت الأبليكيشن الخاص وسددت الرسوم وجتني رساله على جوالي مفادها ان جوازي سيكون في صندوق بريدي من بكره

دخلت موقع البلدية وأبشركم لقيت منحة الأرض الي قدمت عليها من سنه ..نزلت وموقعها معقول يعني على بعد 20 كم عن مركز المدينة

وعلى طول ماصدقت خبر واخذ رقم الصك ورقم البلوك والأرضية وادخل موقع الصندوق العقاري دخلت بياناتي ..كلها ثواني الا وتجيني مسج على جوالي ترن ترن..عزيزي العميل لقد تم ايداع مبلغ 500 ألف ريال لحسابكم..مع تحيات البنك العقاري (نحو مجتمع خال من الايجار)

دخلت موقع للمكاتب الهندسية واخترت لي تصميم فله على كيفكم وسددت الرسوم وارسلو لي التصميم على الايميل

وبعد ها بثواني دخلت موقع البلدية مره ثانيه www.بلديهcom.
واستخرجت تصريح بناء...تصدقون ماخذ مني خمس دقايق على بعضها

دخلت موقع شركة الكهرباء اطلب عداد كهرب وابشركم صدرت الموافقه حالا باعتماد عداد كهرباء خاص فيني...اشغله وأطفيه على كيفي ولا راح احتاج اشبك سلك من عند الجيران

وادخل موقع غرفة وزارة التجارة وألاقيهم حاطين لستة بالمقاولين المصنفين في المدينة الي يعتمد عليهم ومؤهلين من قبل الوزارة وطلبت منهم عرض سعر لبناء فلتي وخلال 10 دقايق جاني حوالي 10 عروض أسعار قيمتها معقوله جدا..وعطوني كلهم ضمان على المواد لمدة 25 سنه

فتحت موقع سبق ولقيت خبر "اغلاق مطعم بمدينة الخبر" واناضر اللوحه وطلع المطعم ذا انا مشتكي عليهم ..لقيت قزازه في الكباب صورتها وارسلتها لفرع وزارة التجاره وعلى طول أخذوا الأكشن المناسب..

فتحت ايميلي والاقي خطاب اعتذار من مدير الخطوط السعودية وتذكرة مجانية مقابل تأخير رحلتي من جده للدمام خمس دقايق

جاني رسالة على جوالي من مستشفى الدمام المركزي تذكرني اني لازم اسوي فحص كامل مجاني قبل نهاية السنه ...تصدقون نسيته

أدري في ناس من الدول المجاوره مقهورين

(q47)