والله يا بعض هالعمالة لاعبين فينا لعب ؟؟ واحنا دلوخ !!!!!!!!
 

للاسف كنت اتعجب كيف يغتنون هالعمالة وكيف يحولون هالالوف المؤلفة لديارهم ؟؟

واكتشفت السبب وانه بسبب دلاخة بعضنا وانا اولهم للاسف ..

موقفين بسيطين ينبئون عن الواقع ..

المدام قالت لي قبل كم يوم اشتر فنايل وسراويل ترى ما عندك !!

قلت وين راحوا تو شاري 4 من كل نوع !!

قامت تناظر فيني وكنها تقول اييييييييييييييييييه كليتهم !!

المهم توكلت ومريت حراج بن قاسم "" كنت اظنه ارخص سوق "" وشريت درزن من كل نوع .. سراويل .. وقصير .. وفنايل ..

بكم يالحبيب ؟؟

قال السراويل بمية وغشرة والقصير بثمانين والفنايل بتسعين ..

المجموع 280 ريال ؟؟

منا منا قال مكسبي فيها بسيط ..

عطيته 280 وتوكلت على الله !!

ويوم الخميس الماضي كنت معزوم عند واحد قال ابوديك مطعم شعبي على كيف كيفك بس تعال لي المحل ونطلع سوى ..

المهم وانا رايح له مريت المعيقلية قلت اوقف وادور شي يبونه الاهل ..

مريت محل عنده نفس البضاعة اللي شريتها من الحراج ..

لقافة وحب نكد على نفسي سالت العامل بكم لو اخد درزن من كذا وكذا وكذا ..

حسبها العامل .. تدرون بكم طلعت ..

230 ريال ..

الفرق 50 ريال يا ناس !!

لكن وش نقول !!

==

موقف ثاني واحد من الاخوان راح يغير زيت لسيارته وقف عالحفرة وقال للمعلم بكم ؟؟

قال سيارتك تحتاج 6 علب بـ 115 ريال ومعها نغير السيفون !!

قال بمية ينفع "" مسوي ذكي ؟؟ ""

قال العامل بمية وعشرة عشانك ..

قال طيب ..

والعامل يشتغل قال فلتر الهواء يباله تغيير ترى يضر سيارتك ثال اخونا غيره ؟؟

خلص العامل قال 180 ريال ..

كيف ؟؟

الفلتر بخمسين لعيونك ..

منا منا ..

المهم عطاه 150 بالمطاق والعامل يقول خسرتنا 30 ريال .

يقول خويي رحت لورشة ثانية حسبها قال بنسويها لك بـ 145 ريال ..

التعليق لكم ..

والله ياخوك لاتقهر بنفسك شي طبيعي ذا ولاهو دلاخه ولاشي بالعكس
لأن مافيه تسعيرة واضحة ومع التقليد الكبير تلاقي فروقات بالأسعار حسب موقع المحل ومكانه ....إلخ

يعني خل نحسبها بطريقة ثانية لو بغيت تشتري من محل باقصى الرياض بفارق 50 ولا 100 ريال يوم تحسب الوقت والتكلفة للمشوار والزحمة على حساب فرق هالشي تلاقي ماتسوا هالتعب كله لاضرب مشوار << هنا تفكير الغالبية الأقرب ولو بفرق وريح راسك لأنه مو كل شهر بتشتري لبس جديد غير انننا نجهل بالأسعار لمثل هذه لانها غير مدرجة ولا متدوالة يعني عند العام من الناس ولكن المصيبة يوم تشوف فروقات بالسلع الغذائية بمراكز كبيرة وسلع يومية خاصة وتختلف من موقع لأخر هالشي يوضح لك ان الشغلة خبط لزق ومختبصة بس بحادثة قريبة مثلا وذكرت بسبق اتوقع عن احد البائعين للأسمنت يبيعه ب22 وتسعيرة ب15 ولاهمه احد لين صارت مناوشة وشكوى عليه وتدخلت الأمن وسحبوه من الموقع اللي سافط به هالشي يوضح ان معرفة الناس بسعر السوق للاسمنت خلاهم يكتشفو تلاعب هالبائع والشكوى عليه ولكن جهلنا بالأسعار يوقعنا لجشع البائعين دوما


والله يخلف عليك بال50 ريال ههههه يعطيك العافية اخوي

(vv)(vv)

مشكورين ربي يسعدكم (vv)

اشكر الله الفرق بسيط مرة اخوي اشتري جاكيت 180ريال وحصل في محل ثاني 80 ريال نفس الصناعة ونفس الخامة

هههههههههههههههههههههه


ياحليلك ياحبوب الساحات رايح حراج ابو قاسم تشترى فنايل وسراويل

ومسوى هالصجه واللجه عشان خمسين ريال


طبيعى من مكان لمكان يختلف السعر على حسب الجوده

عندك افضل شىء للملابس الداخليه القطن المصرى منتاز



تصدق عاد ياحبوب الساحات احنا فى دول الخليج نشترى اغراضنا باسعار سياحيه فى بلادنا


مره من المرات جانى واحد باكستانى قالى اذا بغيت تشترى شى قولى انا اشتريلك >> ايام البنيان

قلتله ليش

قال انتم يزيدون عليكم السعر ... بس احنا ناخذ بسعر ارخص بكثير

شفت اشلون

احنا الوحيدين فى العالم اللى الاجنبى ياخذ سعر ارخص من المواطن

ههههههههههههههههههههههههههههههههههه
ههههههههههههههههههههههههههههههههههههه
غصب انفقعت مرارتها
كل شيء عندكم توكم شريتوه


وهو يكون قبل سنتين