|
متهاوش مع المدام
رزقنا الله بمولود من يسمي الاسم انا او هي كيف اقنعها وماهو افضل اسم ولد |
اولا الف مبروك المولود جعله الله من مواليد السعاده ورزقكما بره وصلاحه
ما اعتقد فيها شي سميته انت او هي انت ابوه الي بتربيه وبتبني مستقبله ولك حق وهي امه اللي تعبت عليه من حمله وولادته والسهر عليه والعنايه به ولها ثلاثة حقوق كل شي يجي بالاتفاق اذا منت مسمي على ابوك ولاعلى ابوها اتفقوا على اسم يعجبكم اثنينكم واذا تبي تسمي على ابوك برضه اقنعها بالهدوء والذوق وقل الثاني انتي سميه اللي تبين وهذا على الوالد واقل شي نقدر نقدمه له مع ان البر موب الاسماء بس بعض الاباء يحب ان ولده يسمي عليه ترى الانثى مخلوق ضعيف عاطفيا تقدر تأثر عليها بطريقتك الخاصه وتقنعها اهم شي التفاهم وماتاخذ الامور بحساسيه واذا ماتبي تسمي على ابوك عطها الحريه انها تسميه تختار له هي اكثر من اسم وتختار انت اللي يعجبك |
مبرووووووك
جعله الله من عباده الصالحين اللي يسمي المولود امه ... لانها هي اللي تعبت في حمله وولادته وبتتعب في رضاعته وفي تربيته والسهر على راحته افضل اسم ولد عبد الله .. عبد الرحمن ... فيصل .. سلطان نسيت اقول لك ان الولد بعد تعب امه عليه ينكتب بإسمك " عبد الله بن سمو الخلق " |
ليتنا نتخلص من الثقافه الذكوريه السائده والمستبده في مجتمعنا ولو في ابسط الاشياء على اقل تقدير
|
اقتباس:
شباب اليوم غير شيبان الامس |
مبروك ويتربا بعزكم
المفروض مختارين الاسم قبل لايشرف البيبي ودام السالفه فيها هواش ف الافضل تسوون قرعه بالاسماء اللي اخترتوها والاسم اللي يطلع يكون هو اسم المولود ولا اتفقو على ان الاولاد انت اللي تسميهم والبنات هي اللي تسميهم |
اقتباس:
والله ماضنتي يابو ليان في بعض الامور اتفق معك وبعض الامور مازالت جذورها ضاربه في الكثير من الشباب اعرف لك عوايل عندهم خمسة اولاد كل من تزوج اذا المولود الاول بنت على امه واذا المولود الاول ولد على ابوه كل الخمسه نفس الاسم ابو فلان واذا نادو بنت والا ولد جوا كلهم وكثيييير مثلهم اموت واعرف وش الحكمه ؟ |
افااااااااااااااا يذالعلم هذي يبيلها نشدت شيخ
اول مولود انت الي تسميه وهذاشي من حقك لاتخلي المره تغلبك وتميه علىابوهاونت جالس تحق راسك عبدالله محمد |
مبروك المولود جعله الله من مواليد السعاده ورزقكم بره
في المناسبه الحلوه ذي المفروض هي تعطيك ولدك وتقولك سميه انت هاذي هديتي لك واذا بتتهاوشون عليه خذها بالحيله دلعها وكلمتين حلوه وحبة راس وهديه حلوه وهي بتخليك انت الي تسميه قلبتوها هواش من الحين لطف الجو وافرح وكبر عقلك لا تاخذها بالعناد وتضيعون فرحة ولدكم الله يكتب لكم الي فيه الخير |
اقتباس:
هذا عين الصــواب الف الف الف مبروك اللافي <<< لانهم توهم ما سمو الولد (qq6) |
| الساعة الآن 09:02 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir