منتديات قصيمي نت - يارب تغنينا عن الشين بالزين

منتديات قصيمي نت (http://www.qassimy.com/vb/index.php)

- خـيـمـة الشعر والموروث الشعبي (http://www.qassimy.com/vb/forumdisplay.php?f=12)

- - يارب تغنينا عن الشين بالزين (http://www.qassimy.com/vb/showthread.php?t=707721)

يارب تغنينا عن الشين بالزين

الموتر اللي ماعجبك ياريش العين
وضعه جديده وحالته مستقره

والله لو ان عمره تعدا به سنين
يبقى جديد ولا تناظر لعمره

جديد باسمي من سنة عام الالفين
او انه قبله بكم سنه ما يضره

سفاري صالون وعلى الجنب بابين
ماعابه الا ريحة الزيت والحره

يفز بالطلعه وهو بنمرة اثنين
فزّت كريمٌ جاه ضيف بمقرّه

تشهد له الساحه وذيك الميادين
محدٌ يغلبه لو تعيدون الكره

قال اجلبه للساحه والناس حاظرين
هات السفاري وادع كلٌ يحضره

ويعجب عيون رجاجيلٌ ثريين
وتجيك سومه تفرح القلب وتسرّه

قلت الطلب مرفوض محنا مطيعين
وخل السفاري لمن يحبه ويقدره

لو سامه اطنخ الرجال بملايين
لاعطيه نظره هو وفلوسه تحقره

وانا فؤادي فيه طعنات سكين
ياليت سوّام ياخذه بخيره وشره

الموتر اعرفه ما يغري السوّامين
مير اني صابر وساكتٌ ماتشرّه

مكينته تنقص مع الوقت علبتين
والورشه مايصبر وكل راتب يمرّه

من شافن من الهنود يقول اهلين
هالمره دفرنس والا مايلقم نمره ؟؟

اصحاب السطحه كلهم لي قريبين
لاحتجته يابو فلان سطحتك حظره

يارب تغنينا عن الشينِ بالزين
وتزين حالي بألف مره ومرّه

وسلامتكم
اتمنى تعجبكم