الموضوع
:
الربيع سوف يجتاح الخليج العربي .
عرض مشاركة واحدة
#
20
16-12-12, 04:19 AM
شقيان
Banned
اقتباس:
المشاركة الأصلية كتبت بواسطة الغـــــــامض
حياك الله شقيان وعسى ايامك والسامعين كلها ربيع
بالنسبه للمقدمه الا ملاحظين هالشي وعلى قولة المثل عمر الشقي بقي
وليه ما تطول اعمارهم وكل شي يجيهم بالاشاره ولو يكح قامت الدنيا علشانه
المهم اللي يطول بعمر ملكنا والباقين ماعلينا منهم
نرجع لموضوعك
الحديث عن الفقع ذو شجون وواضح من نوعية الاسئلة ان عندك اطلاع كبير في هالمجال
وصدقت هو مايستفيد الا من مطر الوسم ويقولون ان نصف المربعانيه وسم ولا يظهر الا بعد
تقريبا سبعين يوما من اول مطره وله اماكن معينه يطلع فيها ومن علامة وجوده الرقروق ولهذا قيل دور الفقع
عند الرقه باللهجه العاميه وهو مثل يضرب ان فلان ملازم دائم لفلان
تصدق مره شقيان جونا ناس حول ديرتنا يقولون وشلون شجرة الفقع يحسبون له شجر زي الجزر
واشهر انواعه الزبيدي وهو اللي ينبت بالحزوم والارض الطينيه ولونه ابيض
ومنه الخلاسي وهو اللي ينبت بالنفود ورائحته قويه ولونه رملي بس تنضيفه اصعب من الزبيدي
اما مع الاكل فله نكهه لا تقاوم مع المرقوق المطازيز الشوربه والاكثار منه قد يسبب ببعض
المشاكل لذا قالوا الاولين اذا جاء الفقع صر الدواء يعني احفظه واذا جاء الجراد انثر الدواء
يعني ارمه باعتبار ان الجراد علاج
ورائحة الفقع مميزه جدا بالذات الخلاسي وهي تشابه لرائحة شيئين بس مانيب قايلهم
والحديث في هذا المجال يطول ويمكن ارجع
الا تعرف العرجون شقيان سبق واكلته ؟
اهلا بشاعرنا المبدع .. الله يحييك ويبقيك
اشكرك على هالمعلومات اللي اتحفتنا بها .. ولكن السؤال الاكثر اهميه عندي ماجاوبت عليه
الا وهو لماذا لاينبت الفقع الا في امطار الوسم ؟
وانا بصراحة عندي فضول عجيب لازم اعرف كل شيء
انت تقول رائحة الفقع تشبه للشيئين بس مانت قايلهم .. طيب وش السبب ماتبي تقول
نتمنى انك ماتخفي علينا اي معلومه تعرفها وبصراحه انا مصر اعرف شنو يشبهون ؟
يالله علمنا شوقتنا بصراحه
العرجون اللي اهو الطراثيث .. ايه اعرفه بس ما عمري اكلته
هذي صورة العرجون صح والا انا غلطان
مشاركة هذا الرد في
Google
Facebook
Twitter
Digg
أنت معجب بهذا.
التوقيع
شقيان
مشاهدة ملفه الشخصي
البحث عن المشاركات التي كتبها شقيان