21-01-17, 05:59 PM
|
|
|
ليتك عرفتي وش هو دمع الرجالي
السلام عليكم ورحمة الله وبركاته
مشتاق لك بالحيل ياراس مالي
من ساعة اقفيتي بقلبي حريقه
اتذكر ايام(ن) مضت والليالي
وانا عيوني لجلك شوفك شفيقه
ياكيف ابوصلك ويرتاح بالي
لاشك وصلك صعب ماله طريقه
عشنا ثمان سنين ماله مثالي
ياجمل ايام العمر العتيقه
كل يوم اشوفك يالحبيبه قبالي
واسمع لصوتك كل ساعه ودقيقه
حبيتك ويعلم بحبي الوالي
اغليتك وروحي لروحك شقيقه
قدرك ياروح الروح بالحيل عالي
وجذور حبك في فؤادي عميقه
بنيتي بقلبي من ارسى الجبالي
واليوم في قلبي جبال من الضيقه
والحين وينك يابعد كل غالي
ياكيف حبي زال واطفى بريقه
لا تحسبين اني عن الحب سالي
لا والله اكتبها وعيوني غريقه
رحتي وانا ميّت ولالي مجالي
وتنتهي قصة محبه عريقه
ليتك عرفتي وش هو دمع الرجالي
وهمومي بسبتك حولي طويقه
كتبت لك شعري ودمعي همّالي
ياليتها توصل كيف الطريقه
وسلامتكم
واعذرونا على القصور
|