[الموج القادم]

اقتباس: المشاركة الأصلية كتبت بواسطة سكري حالي     السلام عليكم ..... واسعد الله اوقاتكم ومشاويركم بالراحه والطمأنينه أينما كانت وجهتكم معكم شخصيا الكابتن سكري حالي من احد كباتنه اوبر وكريم تقاعدت قبل سنه ونص تقريبا واعتزلت الناس وجلست لحالي لاشغل ولا مشغله رايج جاي على افياش اللمبات وتطفيه المكيفات بس اسكر دوره المياه اذا دخلتها تعرفون الحين فاتوره الكهرب الف وخمسميه الى الفين هاذا وانا ابالبرنامج حقهم فاتوره التقسيط الميسر الله يسرنا علينا وعليكم ... المهم في يوم من الايام زارني احد الزملاء في البيت وشافني قال شفيك تغيرت عقب التقاعد قال عطني الاستماره والرخصه والتامين وسجلني في اوبر وارسلهم قال خلاص يومين ويتفعل حسابك قلت ياخي وتعب ومادري ايش قال بالعكس بيغير من حياتك شوي وتكسب منه شويه دراهم .. ويوم سمعت فيه دراهم قلت ماعليك ازهل الشغله .. وبعد يومين جاني التفعيل وجاني الطلب وارتبكت مادري وين اروح وانا في البيت جيت مسرع طاير تقول حاله طواري حصلت واطلع من اليبت والجيران يطالعون في وكأني ماشفتهم ولا سلمت عليهم ومسكت الخط على اللوكيشن . وصلت للزبون ومادري قمت اضغط على الجوال ماعرفت في البدايه وضغطت على بدايه الرحله وانا في الطريق وأول ماركب معي سويت له نهايه الرحله وعقب ماوديته اجي ابي اطلع الحساب ماطلع لاني قمت اضغط قي الازرار وبعدها قلت معليش ترا هاذي اول رحله لي احلي تقييم للكابتن سكري وبعدها كم يوم عرفت الشغله بس فيه اشياء جديده علي لما يركبون الجنس الاخر ويقعدون يسولفون ماتعودت اقعد اتسمع وانسي اللوكيشن واضيع الطريق واذا خلصوا من سوالفهم تنبهوا شافوا الطريق بوادي وموقعهم الي طالبين بوادي وبعدها خلاص تعودنا واول مايركب الزبون انسى انه موجودوينزل وانا اطالع الطلب الثاني .... بس فيه احداث كثيره تحصل لي وبجيب كم حدث ..... مره من المرات ركبوا معي خمس بنات طبعا ماقلت لكم سيارتي كبيره من نوع الجيب .. وفي نهايه الرحله قالت وحده منهم ويش نوع العطر الي معك .. قلت والله هاذي زوجتي كانت معي وبخت العطر في السياره ..... عاد اخوكم سكري يوم يروح للبيت ابي اعرف نوع العطر طبعا ماقلت لزوجتي ويش نوع العطر يمكن هي تفهم وشكلها جايبه نوع زين عشان هي بتعرف ان احد بيسأل عن العطر وبجي انا اسالها عن نوع العطر بس قديمه تمشي علي وجيت ادور وافتح في الشنطه عشان اعرف نوع العطر ماحصلته وكل ماركبت معي في السياره قلت معك عطر رشي خل ريحه السياره تتغير فيه بعض الزباين متعلمين فيه واحد مصري ركب معب وسوالف انا وياه طبعا هو كان يشتغل مدير مبيعات في الجنوب عند عبد اللطيف جميل في قسم بيع السيارات المنتهي بالتملك ويقول عرفت انها ربا لانها بيعتين في بيعه وقدمت استقالتي وبعدها جاني الخير من كل مكان . ولما نزل مني دعيت له في ظهر الغيب ان الله يرزقه ويزيده من فضله ....... بس حكايه العطر ماراحت مانسيتها من يومين وديت زبونه من حي الطبيشي الى مجمع دارين مول واشم ريحه ذاك العطر الي يفوح معها صراحه ريحه شقت خشمي وحسيت عقبها بأنتعاش وكذه وريحه زينه مره وترددت ابي اسألها عن نوع العطر الي معها جلست افكر اقول في نفسي اسألها ولا مأسألها وقعدت فتره افكره قلت يمكن تزعل وكذا وانا ماشي في الطريق قاعد اقول اسالها ولا مأسألها وجلست فتره متردد وقلت ل ها بعد فتره من التفكير والتمحيص قلت لها اختي ويش نوع عطرك .. شوي وصاحت بصوت عالي وقالت انت الحين وين مودينا بعدت الطريق غلي وانا مستعجله عندي دوام انت ماتفهم ضيعت اللوكيشن والموقع عشان ابي اسألها عن نوع العطر وعقب مانزلت بالموقع بعد مالفيت لغه كامله على الكورنيش واتفشل منها وياخساره كنت ابغى نوع العطر الي معها هاذا الي هامك ياسكري المهم جلست عقبها رايح جاي وتعبت من المشاوير وعندي سياره جيب ويصرف بنزين وانا مثل الخبل كل ماجاء طلب قمت ونقزت له حتى لو كان بعيد .... الحين انا متقاعد وابي ارتاح لقيت نفسي في دوامه كبيره وصرت معاد اشتغل الا اوقات بسيطه جدا وفيه ناس متقاعدين الراتب ضعيف وفاتوره الكهرباء الفين وخمسميه والبيت بالتقسيط من مؤسسه التقاعد مده خمسه وعشرين سنه ةالله يكون بعونهم .... فكرت اني انزل كم موضوع باجزاء كل رحله فيها حدث انزل موضوع واسمي الموضوع حكاوي اوبر وكريم الجزء الاول .. والي بعده الجزء الثاني وكذابس والله خلاص تعبت وماقدر صحتي راحت البركه فيكم نخليه لكم وردودكم الي ركب في اوبر وكريم ويقول لها الاحداث الي صاؤت وتقييم الكابتن بعد نختم موضوعنا بأخر رحله اليوم الصباح جاني طلب وانا بالطريق لها كلمتني قبل ماوصل لها وقالت روح جيب لي خبر من بابا خباز وجيبه لي .... اناماني مرسال بس احيانا الواحد يبي يخدم الواحد رحت والله وجبت لها خبز ووصلتها لها ويوم عطيتها الخبر عطتني بس قيمه الخبز والمعجنات وقلت لها وين حسابي قالت انا بألغي الطلب عشان يجيب قيمه الالغاء لك بعدين هاذي نهايتها ... مشااااوير ياقلب العناء مشاوير مشاوير ويش ذنبي انا

ههههههههه

سكرى ياليل الوناسه قسم موضوعك فله
استمر يابطلً
وهذا رزقك

انا بعد بسوى مثلك بس بعد التقاعد بعد 25 سنه الله العافيه
بس قصه الخبز هههههههههه

الله يسعدك ويرزقك من واسع فضله
الدنيا تجارب

مشاركة هذا الرد في Google Facebook Twitter Digg

أنت و سكري حالي معجب بهذا.

سكري حالي معجب بهذا.