الموضوع
:
بَعَضًا من مراهقة الطعشات 👫
عرض مشاركة واحدة
#
47
09-01-19, 11:27 AM
الطرف الحنون
عضو نشيط جدا
رد: بَعَضًا من مراهقة الطعشات 👫
اقتباس:
المشاركة الأصلية كتبت بواسطة عساس الحيا
عدنا الى ذكريات الماضي
النبيطة »»تقريبا نفس نبيطتي
النبيطة سلاح طيور وبعارصة مكون من مغيطات ومعلوق وشطرطون ورقعة نعل او قماش سميك
النبيطة هذي لها ذكريات نصيد فيها العصافير او الحمام اللي بمدارس البنات
انا مستغرب الحمام مايجي الا في مدارس البنات ليش مدري
اذكر مره كنت غايب وقمت الصبح وجهز سلاحي وخميت ليه كم حصاة وانا امر من عند المدرسة الابتدائية ومحط ليه حمام بس طاحت بحوش المدرسه وسمحت صراخ وهربت
ومره انا وعيال الحارة جهزنا اسلحتنا وهجمنا على
الحمام اللي بالمدرسة وطلع الفراش وطردنا
ومن المواقف فيه شجر مليان طيور وبعد صلاة العشاء هجمنا عليه وصدنا كثيرر
واذكر كنت قبل غياب الشمس اجلس بالبرحه وتجي مجموعة عصافير بالمئات رايحات الى
اعشاشهن وانا اتقعد لهن ورمي عليهم حصاة يعني حجرة من النبيطه مره اصيب ومره لا
مواقف كثيرة الله يرحمنا ندمان على رمي العصافير
بخصوص النبيطات (أو النبابيط) هاك الحين ... كانت مشكلتنا الوحيدة اللي دايم تواجهنا اننا نلقى رقعة نعال زبيرية (الله يكرمكم) لانها هي اللي تتحمل وجلدها قوي .... والسبيل الوحيد اننا نروح عند المساجد ونحصل مثل الحاويه اللي فيها جزم ونعال قديمه تبرعت بها الناس لعل احد يستفيد منها .... وحنا هذي فرصتنا اذا حصلنا زبيرية علطووووووول نستولي عليها ونتقاسم الجزء العلوي والسفلي من الجلد اللي اذا لبس الواحد الزبيرية تكون فوق عظم القدم
وكنا نتفنن في اشكال النبابيط ... نجيب شطرطونات الوانها مختلفه ونحط لونين مع بعض او ثلاث الوان (على حسب المزاج) ونبدى نشرطن النبابيط ... حقتي كانت اخضر واحمر واسود .... وغيري ازرق وابيض وهكذا
مافيه قطو في الحارة الا وفيه فلقه
... وبيوت الجيران مستحيل يكون سورهم الخارجي لمباته مكتمله ... لازم وحده تكون مفضوخه
.... الله يعفو عنا
وكنا نتحدى بعض بلعبه .... نجيب قواطي المشروبات الغازية ونصفها (نحط اثنين تحت وواحد فوق) ونحط مسافة حوالي 15 - 20 متر .... وهنا يبدا الاكشن ... واللي يطيحهم من طقه وحده المغلوب يباشر على الغالب بعصير من البقاله والا حلاو .. المهم فيه جائزة
سقى الله ذيك الايام وياحلو ذكراها **** ايام من عمري مضت حاسبها ومحصيها
مشاركة هذا الرد في
Google
Facebook
Twitter
Digg
أنت و
سكري حالي
معجب بهذا.
سكري حالي
معجب بهذا.
التوقيع
الطرف الحنون
مشاهدة ملفه الشخصي
إرسال رسالة خاصة إلى الطرف الحنون
البحث عن المشاركات التي كتبها الطرف الحنون