ليل السهر من جنونه تنبت أحلامي
على ارض مستقبلي واقطف تناهيدي
يا ضيقة الصدر وش دخلك ف ايامي؟
أنا كذا! كل يوم أعيش به عيدي
مبسوط بالحزن .. يمكن أعشق آلامي!
وإن كان ودك تزيدي ضيقتك زيدي
يا سهل دنياي لو هي صعبة أرقامي
يا شح غيمي! ويا ما اوسعك يا بيدي
ويا حلو حزني إلى من صار متسامي
يشتاق للدمع يستانس لتنكيدي
كني غدير وكأنه من عمر ظامي
ولاعمري اخلفت مع حزني مواعيدي
والا السهر .. من جنوني تنبت احلامي
على نجومه .. وهي تقطف تناهيدي
زايد الرويس