هيهات ينسى القلب شخص ٍ لعبّه
وهيهات يدله خاطري منك هيهات
سبك مديح ومدح غيرك مسبّه
تقول واذني صوتها تقول لك هات
ونبع الغلا عندك وعندي مصبّه
ومن الولا .. في خافقي لك ..ولايات
وطيفك حطب عيني..وعيني مشبّه
والشوق برد ٍ ما انقطع لو للحظات
ومكانك الصدر ولك القلب شبّه
بين الظلوع اللي فردها التنهات
ولك بيرق ٍ فالقلب حبك يهبّه
شامخ ولا هزه من العذل غارات
محبتك فالوقت ذا ما تشبّه
الا بخيمة بدو بين العمارات
ان شفتني ضايق واهوجس واسبّه
اخاف غدر الوقت.. والوقت دورات
لا تحسب ان دمعي نزل دون سبّه
ابكي من الفرقا وهي مابعد جات
اليوم كل امورنا..مستتبّه
وبكره ماندري وش معه من مسرّات
اربّ قلبك مثل قلبي اربّه
ما يخلفه شور العرب والمسافات
محمد بن فطيس المري