31-10-23, 10:14 PM
|
|
غيمة بيضاء عابرة تسير وينهمر منها قطرات المطر
|
|
|
|
مدونة الحوار الفكري المفتوح //هرطقات مسائية // أشياء بخاطري..
السلام عليكم ورحمة الله وبركاته
خاطرة 1
كنت استمع اليوم لمقطع كريم الشاذلي بعنوان دروس من فلسطين..
كان مقطع رائع حقاً بس كوننا ألفنا المشهد 🙃
و إنو من عاداتنا أننا نترك صلب الموضوع ونركز على الثانويات والقشور ..
فمخي تلقائياً بدأ يركز على بعض المفردات..
مثل كلمة النطع ،، لفتت انتباهي الكلمة.. لما قال ووصف ((الرّجل النطع))..
حيث أننا كما نعلم معناها بالعربية الفصحى بساط من الجلد السميك..
أما معنى الكلمة بالعامية فما مرت معي من قبل لإننا ما منستخدمها ككلمة عامية..
حتى ضمن المنتدى ما سمعت حدا كتبها من قبل..
لكن من سياق حديثه فهمت المعنى المطلوب..
،،،
خاطرة 2
المنتدى ليش هادي زيادة؟!
صحيح هو غالباً هادي لكن هدوء هالفترة أحسه مختلف؟!
أو ربما لإنو أنا أمتلك مشاعر مختلفة فهالشي انعكس على شعوري اتجاه المنتدى!!!
،،،
خاطرة 3
((هل في حدا متلي حاسس انه نفسه يبكي ((بصوت )) ؟؟))
على كل حال مو هاد هو السؤال اللي خاطر ببالي
السؤال الحقيقي هو هل تملك مكان تذرف فيه دموعك براحتك؟!.
ولا متلي ماعندك مكان؟؟
،،،
خاطرة 4
شعور مو حلو لما بلحظة من لحظات حياتك ومن دون مبررات،،
بتحس انو كلشي عم يتكدس عليك..
" أشخاص ، مواقف ، وتفاصيل "
بتصير بحاجة لفسحة صغيرة تكون فيها لوحدك كرمال تشوف العالم من نظرة مختلفة .
لتراقب وتشوف كل شخص كيف بينظرلك وشو بيتمنالك ..
لحظة صغيرة.. قادرة تخليك تشوف كل شي بطريقة أوضح..
،،،
خاطرة5
العلاقات بالعموم المفروض ما تكون مبنية على الواجب، وإنما على العطاء..
انك تقول كلمة لطيفة لأنها رح تفرّح شخص تاني
مو لأن لازم تقولها..
انك تساعد لأنك حابب تقدّم شي لهالشخص ،،
مو لمجرد انو لازم تساعده..
العلاقات الحلوة تُبنى على الودّ واللّطف والرحمة..
،،،
ومازال الكثير الكثير من الخواطر التي تتجوّل بالنفس..
بتحس أحياناً إنو نفسك تحكيها بس ماعندك ((مُستقبِل)) ،،
وأحياناً تشعر بسخافتها فتغير رأيك ..
الأسباب متعددة لعدم البوح..
والسبب الأساسي بالنسبة إلي هو التردد،،
التوقيع
|
خُـلِقَـتْ أكتافُ الرّجالِ لحملِ البنادقِ ،،
فإمّا عظماءُ فوقَ الأرضِ أو عظاماً في جوفِها..
،،،
أُعلّلُ النّفسَ بالآمالِ أرقبها مآآأضيقَ العيشُ لولآ فسحةَ الأملِ
،،،
لا تخبروني عمن يكرهني أو يتكلّمُ عنّي،،
أتركوني أحب الجميع ،،
وأظنّ أنّ الجميع يحبني..
|
|