السلام عليكم ورحمة الله وبركاته
عدت اليكم الأن احنا في الويك اند الهوس فملي ماعندهم نت عشان كذا دخولي قليل
المهم احس في الاسبوعين الي راحت اني تطورت شي بسيط وصرت احس ان الانجلش جدا سهل
المهم العايله الي انا عندهم اخذين المساله بزنس يعني مافي براكتس معهم كثير.
المهم صرت اتكلم مع اي احد في الشارع اسأل عن عنوان اسال عن فندق اسأل عن شارع اسأل عن رقم باص . وادخل المطاعم اسأل واخرج لين طفشوا مني. الطلاب من كثر ما اسأل فيهم ملوا مني يعني مثل كم قاعد هنا متى جيت وش عاصمتكم وهااااات من الاسئله والله احس اني مررره زودتها بس ياعمي ما همني فيهم المهم اتعلم انجلش.
العاده الجديده صرت استرق السمع يعني في البااااص تتكلم وحده وزوجها تحصل اذني معهم صح اني مافهم كثير بس احاول اركز معهم. ياخوفي تقعد معي هذي العاده في السعوديه.
اليوم رحت واشتريت سبع قصص للأطفال مثل الساحر الطيب والقط الكبير وغيره.
عشان اقراها احس اني رااح استفيد.
والله صعبه جاي ادرس ماجستير واقرأ قصص اطفال .
اخيرا اريد تعليقاتكم وتوجيهاتكم.