السلام عليكم ورحمة الله وبركاته جميعا ً
حبايبي << بدينا
الحقيقة انا لي اكثر من سنتين وانا اتابع ما يستجد في عالم البهاق الغريب العجيب
كل ماكتب عن البهاق في الإنترنت تقريبا ً قرأته ولكن الشهادة لله انكم بهالمنتدى ماقصرتوا
كفيتو ووفيتوا (و الشكر موصول للجميع )
انا عندي بهاق طرفي من اربع سنين ولا عمري فكرت
اروح لدكتور الا مرة وحدة عشان اشوف وش سالفة البقع اللي بعدين قالوا انها بهاق
وقبل 6 شهور تقريبا ً سمعت عن موضوع العلاج بالتبييض طبعا ً طلع في راسي الشيب
وانا ادور على الإبرة اللي يقولون تبيض واحسن من كريم البنكوين ويوم عجزت القاها رحت
للمركز الوطني لعلاج البهاق والصدفية بجدة واخذت موعد مع الدكتور أحمد العيسى . كنت انا
اقوله المعلومات مو اهو يقولي . كل ما يقول معلومة عن البهاق أكملها أنا . ( الله يخلي النت
)
ومن قلتله عن موضوع الإبر . قالي مافيه شي اسمه ابر التبييض !؟ ! وأنا أرد عليه لا الإبر
موجودة وانا بالفعل لقيتها لكن الدكتور الله يجزاه خير كان واضح عليه الإستغلالية نوعـا ً مـا
وانا بعدها سألته عن مخاطر التبييض قالي عادي الا الاشياء اللي كلنا نعرفها من ناحية الشمس وكذا .
السؤال الأهم الأن ؟!
ليه كثير ما ينصحون بالتبييض ؟! هذا اللي أتمنى أحد يجاوبني عليه
كل الحـب لـكـمـ !! تحيـاتــي