18-04-10, 06:44 PM
|
|
جيت أبوس الحظ ولكن شفتني ضيعت خده
|
|
|
|
|
اقتباس: |
|
|
|
|
المشاركة الأصلية كتبت بواسطة الشيعوف |
|
|
|
|
|
|
|
سلام عليكم
ماكان ودي أدخل لكن موضوع بصراحة يستاهل .. وجاي بوقتة بالحييييييل
تصدقين كنت جالس أمس مع 2 من ربعي وهم يعتبرون بدو اصلاّ وفصلاّ وجالسين نتكلم عن هذا الموضوع
هم من أشد المعرضين عن هذي العادات وكل واحد عطانا سالفة من القصص اللي حصلت لقرايبهم
يقولي الأول إني حضرت عرس ولاحصلت أبو العروس وأخوانها وعمانها وبصراحة أستغربت من اللي يستقبل الحضور اللي من طرف العروس..؟
هذي العادات توجد في القرى أكثر من المدن وشياب متمسكين فيها وظالمين عيالهم وبناتهم
واحد منهم يقولي إني أعرف شخص تزوج وعمره 32 تقريباً عايش كل عمره بالبر يقول في ليلة زواجة خذ الحرمة من بيت أهلها ويوم جت تركب قدام قالها أنقلعي أركبي ورى وركبت الحرمة وطلعبها تحت كبري بعد ماخذ عشاء له ويوم جت بتاكل معه قالها أنقلعي هنااك إذا خلصت تجين تاكلين فضلتي..؟
بعضهم يعتبر المرأه ولاشي في حياته
وعطانا سالفة ثانية يقول هذا أبو يقول لواحد من أخوياااه عيالي مافيهم رجال الا واحد قاله ليش..؟
قال هذا ينام معي بالمقلط والباقين مهوب رجاجيل ينامون مع حِريمهم...! عقليات متحجره ماتعرف قدر للمرأه وماكثرهافي قرانا...؟
عطانا واحد من اللي جلست معم يقولي جااء واحد يخطب أختي وهو بدوي مثلنا الرجال جااء يقول أنا قابل بكل شي متى نحدد الملكة والأمور الثانية قال تعال ياحبيبي هي على كيفك شف البنت وهمن قرر قال عادي انا قابل قاله وأفرض من طرف أختي ماقبلت هي من حقها تشوفك بعد ماصار مشاده مع ابو صديقي ليش يخليها تشوفة ويشوفها قال يابوي كل شي ولا الدين هذا شرع الله ولازم أطبقة ...
يمكن استرسلت بالكلام والسواليف ماجبت هذي السواليف تعميماً على البدو فية من البدو من يرفض هذي العادات ويحاربها...! لكن ودك من يمشي على هذي العادت يخطه بحفره ويكب قاز علية ويشب فيه عشان مانشوفها في مجتمعنا..
|
|
|
|
|
|
وعليكم السلام
أفا وماودك تدخل وولد اختي المزيون يقول لك ملهبا ملهبا
كلنا بدو بس تقدر تقول تطورنا شوي يعني تعلمنا وتثقفنا وخذنا المفيد وتركنا الغير مفيد..وملتزمين بعاداتنا وتقاليدنا ولله الحمد..
بالنسبه للقصص اللي قلتها أنت هاذي بصراحه ماتعجبني أبد والله يعين اللي زوجها كذا..
يعني وش فيها اذا كلت زوجته معاة والا ركبت جنبه بالسيارة ليش ماهي أنسانه مثله جعل للحكه
بس ماقلت لي انتو عندكم هالعادات بقبيلتكم وجماعتكم..
يعني اذا اختك تزوجت أو بنت عمك تحضر عرسها وتستقبل الضيوف وتوزع البطايق بعرسها وكذا والا تجلس بالبيت وماتروح للعرس؟؟؟
أبد ماسترسلت بالسوالف الموضوع موضوعك وتحت أمرك..
تسلم على المرور
|