23-04-10, 11:44 PM
|
|
لي صاحب لا شفت زوله تبسمت
|
|
|
|
كل يعود لاصل جده ومرباه
............ راعي الشرف يشرف والانذال يهبون
الفرع من عوده شرابه ومسقاه
......... والحنظله مره ولو تشرب مزون
الطيب كايد مير المناير تقواه
..............والهون هين تدنى عنه النفس وتهون
ناس على كسب المبره مبراة
...........وناس على كسب الفشيله يبرون
هذا على وضح النكأ كل ممشاه
..........وهذا الى شافوه ربعه يصدون
لاتامن الخوان لو زخرف حكاه
........... من خان بك مره يبي باكر يخون
واحذر ترى زول الرجاجيل تواه
............كم واحد يعجبك زوله وهو دون
باطيب الشارات من يوم منشاه
........ احذر عدوك لايغدرك على هون
ترى عدوك غايته فيك ومناه
........... يزرع فصدرك من قنا رمحه طعون
واللي رضع لبوة عدوك توقاه
.......... الجرو ولد اللبوة اللي تعرفون
|