[. غيور]

اجل تبي الحريم يمشون !

يا خي اعرف لك وحدة كانت تمشي مع زوجها يدا بيد في شوارع الحارة السعيدة بعد صلاة الفجر وهم مستحيين وعيونهم بالارض ويرجعون قبل لا تطلع الشمس والناس تتلفت حتى البنقالية الله يقلعهم يطالعون باستغراب !
وبعدين صاروا يمشون في حارة ثانية مظلمة ما فيها احد عشان حكاية المستحى هذي .. مدري ليه تحس انك مسوي شي غلط .. الرجال لحية والمرة قفازات ويسوون رياضة ما احسها تركب
والكورنيش زحمة ومناظر حريمية مزركشة وغير مريحة
اما هناك في بلاد عجايز السنكرز فلابسة شورت ولا بدلة رياضة وتراكض .. لو في الخمسين .. ودك يسوون ممشى مغطى نسائي بحت عشان الحريم ياخذون راحتهم

واذا على السكر فهو وراثي من جيل الجدات في غالب العوايل السعودية .. يعني مو جديد علينا شي متوارث وكل جيل تصير الاحتمالية فيه اكبر

جداتنا جاهم على كبر وبعد معاناة في الحياة .. واكلهم حتى قبل ما يخترعون الحلويات كان مليان سمن وسكر .. الوالد عندهم تاكل طن سكر من هالعصيد وغيره .. يقولون عشان تتقوى ويتقوى البزر وهو كله مصنع ويضرها اكثر مما ينفعها !
ولا تلاقيها عال قلبها ابو الشباب وتحط حرتها في الاكل والطبخ ... ولا عندها شي ثاني تشغل نفسها فيه واغلب جاراتها يتنافسون مين تسوي اطباق اكثر واحسن !
وجا جيلنا على راحة وعادات غذائية غلط ومرض وراثي ينتشر كالهشيم حتى ان عايلة من العوايل جا السكر للاولاد كلهم سبحان الله - وهم سبعة يمكن او ثمانية - لان امهم كانت مصابة ولان عادات الاكل عندهم شينة .. و بعدين مشاكل مالية واسرية لها اول و ما لها تالي اللهم لك الحمد وين تبي الناس تستصح !

افضل شي انك تعود نفسك على الاكل قليل السكر وعلى الرياضة بدري حتى لو ما اصبت .. وخصوصا اللي عندهم احتمالية الاصابة اكبر

بعض عجايزنا " الظريفات " تاكل كورن فلكس وجلكسي بعد يوم التحليل وتحرم نفسها قبل التحليل حق السكر بفترة .. يحليلها خايفة من هواش الدكتور لها اكثر من خوفها على صحتها .. لما نقولها تقول ما ابي اموت وانا خاطري في شي

مشاركة هذا الرد في Google Facebook Twitter Digg

أنت معجب بهذا.