[أقول في هذي المناسبة]

صباح / مساء الخيرات شباب
وبدون مقدمات طويلة ، رايح أدرعم في الموضوع مباشرة !!
عاد تعرفون الآن ( النت ) في أغلب البيوت ..
وماصار فيه أي تحفظ من الأسر ، فالأولاد والبنات جالسين عليه
في أغلب الأوقات ، ومنتديات ، ومسن ، وفيس بوك ، وتويتر ...وحركات وسكنات وبركات ..
وتعرفون الشباب عندهم عاطفة وودهم يفرغونها في حلال او حرام ..
ومافيه أحسن من إنك تشوفلك بنت وتخاويها ، وسوالف ، ودردشة ، وإهداءات
بس كيف تجيب هـ البنت ، وإليك بعض الطرق :
أولا : إسم المعرف لا زم يكون جذاب ولطيف ، مثلا :
وطن ، أوطان ، إنسكاب ، إنسان آخر ، البعيد
طلال ، البدر ، نواف ، الشفق ، المطر ..
وابتعد عن الأسماء الخشنة والمركبة والقديمة ، مثل :
عاشق الصحراء ، أبو صالح ، وأقول في هذي المناسبة
ثانيا : الصورة الرمزية لازم تحط صورة تخق عندها البنات ؟!
وبالمناسبة البنات يحبون صور الأطفال الحلوة ، مثلا :
طفل مبتسم ، أو يحمل وردة ، أو حزين أو كاشخ ..
وبإمكانك تحط صورة رمزية لشاب بس لازم تكون جميلة
وتتأكد من ذلك بنسبة مليون%
وإياني إياك تحط صورتك لا سيما إذا كنت راعي خشة مثل خشة البعير ..
إلا إذا كنت متلثم أو معطي الكمرا قفاك
ومتكي على فكس آر أو رنج أو سيارة كشخة ..
ثالثا : التوقيع لا يقل أهمية عن الصورة الرمزية
و أكرر لا يقل أهمية عن الصورة الرمزية ..
لذلك ضبط لك فلاش أو وشوفلك واحد يضبطه ..
أو حط أبيات شعرية لطيفة ورائعة
أو حط عبارات أدبية من عبارات شكسبير أو غيره ..
المهم تلفت النظر ..
رابعا : المشاركة تبدأ من قسم الترحيب والتهاني
ومو تنط للمشاركة في قسم الحوار والنقاش وتتهاوش مع خلق الله ..
وركز على الموضوع الأول
ولذلك فر جميع المنتديات علشان تلقى موضوع ( للترحيب )
ويكون نايس بمعنى الكلمة..
ورد على كل عضو يرحب فيك ، وخليك لطيف ، وناعم ..
خامسعا :روح للموضوعات المثبتة تبع المشرفين والإدارين وأشكرهم عليها
علشان تضبط العلاقات معاهم
ويغضون الطرف عن تجوزاتك !!
سادسا : ركز على الأقسام الأدبية ( الشعر والخواطر والشيلات والقصايد )
أو الأقسام الترفيهية ( نكت ، وألعاب ، ومسابقات ) ..
وأبدا بالمشاركة فيها من غير ماتضيف أي موضوعات ..
ومثل ماقلنا إنت الآن مُلفت للنظر بالاسم ، والصورة الرمزية ، والتوقيع ..
فرايح تلفت نظر الجميع ، وخليك ( مرح ) ولطيف وناعم في هذي المرحلة ..
ومع دوام المشاركات رايح تشبك فيك كم بنت أو إنت تشبك فيها ..
بس هالشغلات لابد فيها من اللماحين
إللي يفهمونها وهي طايرة أو قبل ماتطير ..
لذلك لو ماكنت لماح فخليك في الأقسام الدينية والعامةوالرياضية أبركلك ..
سابعا : بعد تحديد الهدف ، استخدم الرسائل الخاصة
إما للاعتذار من خطأ بسيط لا يحتاج للإعتذار علشان تقول البنت : هذا لطيف وحنين مررررررة ..
أو للاستفسار ، وخليك ذوق ..
ثامنا : بعد كل هذه الخطوات تكون قد نجت في تحقيق الهدف المنشود
ومع الأيام إنت وشطارتك .. ؟!
تاسعا : المغزى من كتابة الموضوع في بطن أقول في هذي المناسبة !!

مشاركة هذا الرد في Google Facebook Twitter Digg

أنت معجب بهذا.