15-07-12, 03:12 AM
|
|
|
ويل قلبي كم تحمل وانفجر...!!
ويل قلبي كم تحمل وانفجر=من سبايب عابسه بحجاجها
ياعلي قله اذا تبغا الاجر=لا تغرقني بعرض امواجها
اتعبتني بين ترغيب وزجر=الله اكبر ضايع(ن) منهاجها
ماسوا بالصوت اطوح له واجر=حسرتي ويلوعني مخراجها
ياعلي لا ياعلي قلبه حجر=مادرت بي كيف انا محتاجها
يانديمي لي خفوق(ن) قد وجر=يوم حطت فوق ضلعي صاجها
اه من فكر(ن) تبعثر وانهجر=ضامي(ن) ينطر ضيا لعاجها
من مغارب شمسنا حتى الفجر=في عيوني فارشه ديباجها
ويل قلبي كم تحمل وانفجر=من سبايب عابسه بحجاجها
|
التوقيع
|
|
|
|