08-08-12, 01:38 AM
|
|
ياكثرها سلوم العرب وش نحفظ وش نخلي
بس والله ضروري الواحد يتعلمها لأنه أحيانًا يلّخم ما يدري وش يرد وش يقول
وخاصة إذا الي قدامك كبير وله تقدير وينتظرك ترد عليه وأنت بس تطالعه وتبسّم
والله قمة الإحراج هههههه
وخاصة الصغار لازم يتعودون يسمعون مثل هالعبارات وغيرها من المصطلحات الي ما يوصلون لمعناها ..
أتذكر صار لي موقف وأنا صغيرة يمكن عمري 7 أو 8 سنوات كان عند أبوي ضيف وأعطتني أمي غرض أوديه للمجلس دخلت وحطيت الغرض قال لي الضيف (ياملا الصلاح) .. أنا ما أدري وش يقول وكنت أظنها مسبة لأن فيها ياملا ..!
مدري وش العلاقة بس أي شي يبدا بـ ياملا أحسه هوشه ولا مسبه
وحسيت بكلمته مثل السكين طعنت قلبي وتشرهت ومسكت العبرة لين طلعت من المجلس هههههههههههه
وكرهت صديق أبوي هذا مررره أحسبه يسبني وهو يقالك يمدح ما يدري أن العبرة قامت تخنقني تخنيق
التوقيع
|
حين أُجادلك في قناعة > هنا خُذها على محمل العِناد
وحين أُجادلك على مبدأ > هنا عليك أن تأخذها على محمل الثبات !
#هذا_أنا
|
|