الحمدلله انا ماعندي مشكله في هالامور مع كبار السن ...
او مع غيرهم ..
احس هذي امور متداوله ومعروفه
//////////////////////////
شموخ سلوم النسوان معروفه
بس الحمدلله حنا ما نقول كل هالكلام ..
يعني مثلا مانقول ارحلوا
نقول هلا ومرحبا ومسهلا حياكم الله
نور البيت .. واستاسع المكان ..
بيتكم ومكانكم ...
عاد اللي يقهرني
لاقلت هالموشح لوحده واخرتها تقول يسلمو
ودي اصفقها تصفيق
ابقولكم مره موقف صار لي مع وحده من المعلمات
مره انا ومعلمه من اهل القصيم
كنا بحصه احتياط
وجت بنت بدويه شيبانيه بثالث متوسط
البنت امها مطلقه ومربيتها جدتها والله لو تبين قوليلها شيء يعورني
تجيب لك انواع الخلطات والاعشاب
شقرديه تعجبك ..الله يذكرها بالخير
المهم لبت منها تروح تجيب شيء من غرفة المعلمات
يوم جت قلت لها سلمتي ,, ردت الله يسلمك
قلت لاتعبتي .. قالت لاندمتي
ما ادري وشلون هالمعلمه قبعت فيها
ليه تقولين انك تندمتي للمعلمه
وطبي فيها والبنت تبي تفهم الاستاذه وهذيك تقول ياقليلة الادب
انا يوم دخلت البنت ضحكت وقلت للمعلمه يا القرويه يا الفاهيه
تقول لاندمتي ترد علي
قالت المفروض تقول تعبك راحه
قلتي هذا حنا يا اهل المدن
البنت بدويه وش يعرفها بكلامنا
وبس