استحضري عقلك معي للحظه وفكري بمنطقيه ...
الخمس سنوات اللي عشتيها بقلق وخوف وتفكير سلبي
... عدت بسلام وانتي باتم صحه وعافيه
لازلتي على قيد الحياة ياعزيزتي
ولازلتي لحد الان تكررين نفس الخطاأ ..
حرمتي نفسك من الحياة الطبيعيه سابقا ولازلتي على هذا
حرمتي نفسك من السعاده والاستقرار
حرمتي نفسك من التمتع بالحياة كل هالسنوات ..
مو حرام اللي جالسه تسوينه بنفسك . . ؟؟؟
ايام وسنوات عدت من عمرك عشتيها بقلق وخوف وتفكير .. ليه طيب ؟؟؟ .. تتوقعين هالشي بيمنع الشئ اللي مكتوب لك ؟؟
الموت اللي انتي خايفه منه كل هالسنوات ماجاك ...
لان ربي ماكتب انك تموتين لحد الان .
.
مهما خفتي ومهما قلقتي ومهما فعلتي دام ربي ماكتب لك الشي ماراح يصيرلك ...
عيشي حياتك واستمتعي فيها بمايرضي الله .. ولاتحملين نفسك مالاتطيق،..
صدقيني لو فيك امراض الدنيا كلها .. وربي كاتبلك الحياة بتعيشينها ..
والعكس صحيح
عمر المرض والعافيه ماحددت مصير الانسان .
فاللي جالس يصيرلك كل هذا من الشيطان ..
يبيك تكونين ضعيفه متشائمه قلقه غير مؤمنه بقضاء الله وقدره ...
هو حصله مدخل وقدر يسيطر على شيئ منك ...وصدقيني اذا ماردعتيه وطردتيه بقوة ايمانك وتفائلك راح يتمادى اكثر واكثر
بس انتي ماشاء الله عليك انتبهتي لنفسك وهذاك تبحثين عن حل لان وضعك مو عاجبك ..
معناته انك ماشيه صح ... وباذن الله بتتخلصين من هالحاله اللي فيك بسهوله ..
فيه كم نقطه لازم انبهك عليها
تاكدي تاكد تاااام ان كل شي ربي يكتبه لك فيه خييير حتى لو انتي ترين عكس ذالك ..
سواء من موت او مرض او فقر او تاخر زواج او طلاق ...الخ
فلاتشيلين هم شي ..
الشيئ الثاني .. ان الله رحيم .. ورحمتة وسعت كل شي ... وهو قادر سبحانه وتعالى ان يرحمك ويرحمني برحمته فلاتخشين لقااائه مادمتي مؤمنه به
الشي الثالث لازم ياعزيزتي تشغلين نفسك ....
اذا ماشغلتيها اشغلتك هي ...
الفرااااغ مرض قاتل .. ابتعدي عنه ..
انتي عمرك تسعه وعشريتن .. يعني بعز شبابك وحيويتك ..
استغلي هالشي ...
ابحثيلك عن عمل ...
او اللتحقي بدار تحفيظ للقرآن
او كملي تعليمك ..
ادخلي نادي ..
اختلطي بالناس واجبري نفسك على هالشي .
اهم شي مايكون عندك وقت فراغ تفكرين فيه بالاشياء السلبيه ..
والاهم ابتعدي عن الوحده ... حاولي قدر استطاعتك ماتجلسين لوحدك حتى وقت النوم ..
الرابع والخير .. تذكري قوله تعالى (ومن يعرض عن ذكري فإن له معيشة ضنكا) ... البعد عن الله سبحانه وتعالى والتقصير في خقه سبب لضيق الحياة وكدرها
بالنسبه للنغزات اللي فيك ولخبطت الدوره فاتوقع انها من نفسيتك ..
معروف ان النفسيه لها تأثير على الجسم كله .. وخصوصا الدوره الشهريه ..
لكن انتي عشان تطمئنين روحي واكشفي وريحي نفسك ....