29-12-16, 05:48 PM
|
|
|
يالله يالمعبود رب البريّه
يالله يالمعبود رب البريّه
ياعالمٌ بالنفس واللي يجيها
الحمدلله كل صبح وعشيّه
الحمدلله واسمع اللي يليها
ياكبر همٌ شفت منه الاذيّه
الدمعه تفضح عاجزٌ لاخبيها
بكيت وابكي بين هذي وذيّه
شف لحيتي ودموع عيني تسقيها
ضعيف مالي حيلتن في يديّه
غير الدعاء النفس ربي يرضيها
فقير والفقير لإسمي سميّه
كم حاجتن بالنفس ماقتضيها
فقر الدراهم ماهو عيبٌ عليّه
الدِين نهجي والصلاة ماخليها
اصحابي كد تعدو الالف وميّه
احوالهم وقت الرخا ماعليها
لاحتجتهم الارض منهم خليّه
بلحضه صفحة الصداقه يطويها
وين الخوي اللي مايترك خويّه
اللي يجيني وجيتي يحتريها
وصيت روحي في حياتي وصيّه
ابترك المقفين وراحتي بشتريها
|