09-04-22, 09:33 PM
|
|
رد: سناب سوالف قصيمي الكتابي
اليوم رحت للخياط ابي اخيط ثوب العيد المهم وانا اساله عن أسعار الثياب دخل علينا واحد وقام يسلم علي الخياط بحراره قال اسمع تبيني اسوي لك دعايه
وتفصلي ثوبين مجانيه .. الخياط قال لا هاذا موسم ولايحتاج دعايه والكل بيفصل يقول حتي الجن بيفصلون المهم دخلت بينهم بالحوار قلت انت تسوي دعايات بالسناب قال نعم قلت مين معي قال معك اخوك حمد السبيعي وانا عندي متابعين قال خذ سنابي وعطاني سنابه المهم الخياط رفض انو يسوي دعايه وعقب ماراح جلس الخياط ياخذ مقاساتي قلت تعرفه هاذا قال ايوه هاذا زبون قديم عندي بس تفاجئت يوم يقول بيسوي سناب الظاهر انو صار من المشاهير هو يقولها وهو يتهزا يقول المشاهير يسوون سنابات بخمسه آلاف ريال وهاذا يبغي يفصل ثوبين مجاني عشان الدعايه يعني انو ماعنده سالفه يقول الحين كل الناس بيفصلون مايحتاج دعايه الا في في وقت فيه ركود.. المهم انا رحت للبيت واشوف سنابه والله ماعليه مهوب سهل ومشهور ومعروف وعنده متابعين . بس كسر خاطري يبغي يفصل ثوبين مجاني عشان يسوي له دعايه عاد يوم اخذ الخياط المقاسات لي قلت كم المبلغ قلت لازم تسوي لي دسكاونت عشان اسوي لك دعايه .. بس الحياط راسه يابس وعنيد
هو لو سوي لي دسكاونت كان قلت اسم الخياط حقه عشان اسوي له دعايه ... كفوا ياسكري ياصاحب الدعايات
|