الموضوع
:
سكري بعد التقاعد شغال مشاوير في اوبر وكريم
عرض مشاركة واحدة
#
206
24-04-19, 04:16 AM
الموج القادم
من نجوم المنتدى
رد: سكري بعد التقاعد شغال مشاوير في اوبر وكريم
اقتباس:
المشاركة الأصلية كتبت بواسطة سكري حالي
صباح الأجواء الممطره صباح التفاؤل والنجاح مع تمنياتنا للي عندهم اختبارات بالتوفيق والنجاح
امس واليوم كل الطلبات للمدارس . امس الساعه سته الصباح خذيت طالب بالثانوي مع اخوه وحنا بالطريق مصور سناب أنا بالطريق للمدرسه رايح للاختبارات وشكلي بجيب العيد قلت خليك متفائل قال ياشيخ أنا لي شهرين مارحت للمدرسه ورايح بدري عشان اكلم المدير لو مادخلوني الاختبار قلت وينك فيه هالمده قال نتشارك مع واحد عندنا كشك جوالات وعينا خير فيها ونسينا المدرسه قلت الله يوفقك والتفت علي اخوه قلت انت اي صف قال ثاني ثانوي . قال اخوه الكبير هاذا بعد بيسوي مثلي ويقول اذا مانجح بيسوي كشك جوالات.قلت والنعم متأثر فيك
. المهم يوم قربنا من المدرسه قال هاذي المدرسه تجيب لنا الاكتئاب نزل هو وأخوه وماندري ويش صار معه مع المدير. الطلب الثاني برضه من المدرسه بس عقب انتهت الاختبارات الساعه عشره وكانوا اكثر من سته طلاب قلت كيف الاختبارات والي قال كويس والي قال نص ونص. قلت وين رايحين قالو نبي نروح لاقرب فوال . وحنا بالطريق واحد يقول طلعوا فلوسكم الي معكم عشان نحاسب فيها والباقي نفطر فيها واحد يقول معي خمسه ريال والثاني يقول معي عشره والثالث يقول نسيت فلوسي والاخير يقول مفلس مامعي شي
ياسلام علي التعاون ذكروني زمان يوم كنا نطلع بعد الاختبارات وتروح لمطعم نفطر ونجمع الفلوس الي مع كل واحد والي معه والي مامعه فلوس حيااه
واتذكر ايام الاختبارات بالليل تتجمع في بيت واحد وعددنا اكثر من ثمانيه طلاب يقال لنا تذاكر سواء
وكل واحد يجيب شي مهم ونقراه والثاني يقول اتحداكم هاذا السؤال مهم وبيجي في الاختبار . ويجي يوم الاختبار وفعلا الاسئله أغلبها من المراجعه الجماعيه
. ولما نطلع من الاختبار نروح نفطر ونطلع الاسئله الي جات بالاختبار وكل واحد يقول اجابته . الله زماااان الحين الاختبارات تغيرت والطلاب الحين ليله الاختبار كلن
علي جواله .
انتهت رحلتنا من يوميات ركن المشاوير
ياريت الزمن يرجع ويرجع وقتنا الاول ... الي اللقاء
ماشاء الله معينين خير من الكشك.
بس العلم شى مهم
المهم قلبت المواجع اتذكر ايام زمان الآختبارات
كانت ايام جميله
ماصدق اخرج من الآختبار عشان الفطور
فول قلابه
ورحله موفقه
مشاركة هذا الرد في
Google
Facebook
Twitter
Digg
أنت و
سكري حالي
معجب بهذا.
سكري حالي
معجب بهذا.
التوقيع
https://m.youtube.com/watch?v=RLHnZPRT9AI
الموج القادم
مشاهدة ملفه الشخصي
إرسال رسالة خاصة إلى الموج القادم
البحث عن المشاركات التي كتبها الموج القادم