ياهلا فيكم وجعل ايامكم نجاح وافراح
باقي ماخلصنا من الاختبارات وبعض الطلاب والطالبات سوو لهم حفله نجاح كيف عرفت
جاني طلب من قصر من قصور الافراح الساعه تسعه الصباح ويوم وصلت الموقع ركبت وقالت الله يخليك بسرعه علي النابيه أنا مدرسه وعندنا حفله تخرج ونسيت في البيت بعض الاغراض بنروح نجيبها ونرجع والحفله بتبدا الساعه تسعه ونص واتل السياره بسرعه
واكل المطبات عشت الدور كاني أنا الي عندي حفله تخرج
وتجيك ذيك المطب الي ماشفتها وتطير السياره طيران تقول طياره مقلعه وتطيح منها عبايه خفيفه كانت حاطتها علي رأسها والظاهر الشوشه شعرها اخترب كانت رابطته ومسويته حركااات
قالت ياخي شفيك حنا قلنا بسرعه ماقلت لك طير فينا وقامت تعدل في نفسها
. وصلنا النابيه وجبنا الاغراض وسكري برضه دداق الطبلون قالت الله يخليك ورانا حفله وانتبه من الورد لايتكسر
المهم وصلنا مكان الحفل في وقت قياسي
واخوكم سكري قام يفزع ونزل الاغراض بنفسه ودخل فيها داخل الصاله
واشوف اشكال والوان من بعيد المتخرجين ماشاء الله . كل هاذا ياسكري عشان مايتاخرون عن الحفله كفووو والله
جات المدرسه وقدمت لي الشكر علي المجهود القياسي وقلت تبغون اجلس معكم حتي تنتهي الحفله تراني حاضر ويجلس برا اذا تبون اي شي
عطتني حسابي وقالت الفكككه الفكككه
فكوا المزامير والطبوول بدت الحفله
عقب ماتطمنت أن الحفله بدت والدجيه والحركات غادر الكابتن موقع الحفل متمنيا لهم التوفيق والنجاح
انتهت رحلتنا من يوميات ركن المشاوير.. الي القاء