العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
الشبيحة يغزون السعوديه ويتمركزون في العاصمه !!
السلام عليكم ورحمة الله وبركاته الجميع يعرف ان مصطلع الشبيحه ظهر في سوريا وهم عصابات الاسد التي تعيث في الارض فسادا ولكن للاسف يوجد في مجتمعنا من هم يسيرون على خطى الشبيحه ويشوهون الدين ويضيقون على المجتمع يهجمون كاسراب الجراد التي تاكل الاخضر واليابس ثم يختفون فجأة كخفافيش الظلام هل عرفتوهم ؟ انهم ما يسمى بالهيئه !! اليكم قصتي ... جئت الى الرياض زائرا لها وابتهجت عندما شاهدت التطور والتغير الملحوظ التي تعيشه الرياض ذهبت الى برج الفيصليه وهي اول زيارة لهذا البرج وباذن الله اخر زياره من غير شر دخلت بعد صلاة الظهر مباشره كي اتغدى في المطاعم واتفرج على البرج واخرج حيث ان هذا الوقت غالبا ما يكون ميت ولا يوجد فيه لا زحمه ولا عوائل وعندما انتهيت من التمشيه نزلت من السير الكرهبائي الذي يودي الى الدور الاول ثم الى البوابه الخارجيه واثناء نزولي كانت بنت وراي وشوي اسمعها تتكلم التفت واذا بها حاطه شيله بس على راسها ولابسه عبايه مخصره وشكل الله يعين الشباب اذا راو مثل هذا المنظر المهم تتكلم وتقول احسن يا ثقيل عطنا وجه !! ورب الكعبه ابتسمت قلت الثقل صنعه جالس استهبل على اني خلاص وصلت الارض وبطلع من البوابه .... شوي وبدون مقدمات الشبيحه في وجهي قالوا اش جالس تقول للبنت قلت والله ما قلت شي هي اللي جالسه تتكلم قالوا تعرفها من اول انت قلت لا والله ما قد شفتها واسالوها قبل ما تطلع عشان لا تتبلوني طبعا هي تلتفت من عند البوابه وتضحك والله العظيم المهم طلبوا اثباتي عطيتهم قالوا يالله على الجمس !! قلت اي جمس يرحم امك ما سويت شي قسم باالله ما طرتها ولا عطيتها رقم ولا لي نيه وهي اللي بدت بالكلام وكانت وراي قال مشخص وهالعطر وتقول ما جيت تعاكس !! يالله قدامي ع الجمس قلت في نفسي الله يلعن لحيتك ذي تبيني اجي السوق بثوب نوم المهم رحت عند الجمس قال يالله اركب في الشنطه قلت ماني راكب ما سويت شي قال بتركب والا اجيبالشرطه والمباحث قلت ماني راكب اتصل على الرئيس المسؤل عنهم وقال يا شيخ في هنا واحد يقاوم مقاومه شرسه وعيا يركب !! طالعت فيه وانا شوي وانجن قلت الحين لحيتك ماليه وجهك وما تخاف الله تكذب وتقول قاومت مقاومه شرسه !! وين المقاومه المهم جاء خويه الثاني قال اش في ذا قال عيا يركب قال ودك نشنقله !! قسم بالله ان هذي كلمته قلت ما دام الدعوه شنقله نركب بكرامتنا ركبت وودوني مركز الشرطه وتوقفت 24 في حجز زباله والله ما يسكن فيه الا الحيوانات وانا اردد حسبي الله ونعم الوكيل طبعا الوصخ المنحط هذا حق الهيئه يوم وصلنا المركز قال قول للضابط انها هي اللي كلمتك وهي اللي تحرش فيك عشان يفكونك !! طبعا قلت للضابط الله يوفقه قلت يقول اقول كذا وكذا هل صحيح قال اقول سيبك من هالاشكال يبي يورطك اكتب بس انك رحت للفيصليه تشتري بعض الاغراض وطلعت وما سويت شي ولا تكثر كلام اخذت واعطيت مع النقيب قال لي والله بالحرف الواحد ذولا عندهم نقاط كل ما مسكوا واحد يحسب له نقطه واذا مسكوا سعودي متلبس في قضيه لهم 500 ريال والاجنبي الف قلت ليه الاجنبي قال عشان الدوله تسفره توقفت 24 ساعه وطبعا رئيت في الحجز شباب كلهم ماسكينهم الشبيحه وحدثوني باشياء لولا انهم اقسموا بالله على كلامهم ما صدقتهم واختصر منها شاب عمره يمكن 18 وسيم قلت وش قضيتك قال علك !! قلت وشو قال علللللك قلت كيف قال اقسم بالله انهم مسكوني في السوق يقولون ليه تاكل العلك بطريقه مايعه !! قلت وش دخلهم فيك قال ما ادري يبون اكلها كذا وقام يطقطق اسنانه بقوه هههه ولو ان العسكري اللي على الحجز ناداه مره وقال وين ابو علك والله ما كان صدقت يا اناس يا عالم يا عقلاء لا يجيني واحد ويقول ماهم سوى او حاله شاذه ورب الكعبه يمكن 80% منهم كذا ما عند الواحد منهم الا شهادة سادسه ابتدائي وكان خريج سجون وحق حشيش وسربته واقسم بالله يا واحد من الجماعه عندنا شغال في هيئة مكه انه متزوج 11 مره وكل شوي يطلق يعني عشان انت في الهيئه يا زباله بنات الناس عندك لعبه تطلق وتتزوج وانا والله كلي ندم واسف وواعتذر من الله على كل موضوع كتبته سابقا في المنتديات ادافع فيه عن هولاء الوحوش الهمج . واخيرا خرجت واخذت تكسي ودتني للفيصليه اخذ سيارتي وهناك نزلني وواجهت شباب متجمعين قريب من البوابه جاء جمس الهيئه صاح واحد من الشباب " يا عيال انحاشوا جو الشبيحه " ومن هنا اتى عنوان موضوعي ولا اقول الا حسبي الله ونعم الوكيل على من ظلمني الله يبلاه في نفسه وعياله . والله يعينكم يا اهل الرياض على من شوه جمال هذه المدينه الراقيه . رعب الصمت سترى حروفي تسير في عقلك
|
#2
|
||||
|
||||
ماقدرت اكمل والله لو إني واثق من نفسي ..لا العن ابو سكافهم بلا تردد
انا يوم وصلت كلمة يالله على الجمس ماقدرت اكمل ..انت ما اخطيت كان المفروض توطأ على رقبة من يعترض لك ..
|
#3
|
||||
|
||||
^^
يا اخي اسمراني ذولا مثل الحريم مصدقه كلمتهم عن الشرطه انا ما سويت شي انحبست 24 ساعه اجل لو توطيت في بطنه كم راح انحبس ؟ ورب الكعبه اني جلست افكر في التوقيف اول ما اطلع اروح ادوره واحرق وجهه بالاسيد بس قلت ولد العن الشيطان وما راح يضيع شي عند الله
|
#4
|
||||
|
||||
الهيئة ضفافة كل ضايع فلا تستغرب أكثريتهم سرابيت قبل ,
ماحصلو ا وضايف الا في الهيئة ..شغلتهم ملاحق في العالم ورمي بلاوي الله يكفينا شرهم ...
|
#5
|
||||
|
||||
شوف
لونك منت غلطان ما ركبت بالجمس انا ما ادافع اما انك رخمة" ما فيك حيل وخواف او انك مذنب ومستسلم اسمع والله ثم والله وانا ما اخطيت لا أخذ حقي بيدي وعند الشرطه انكر بس من كتابتك احس انك مخطي فاصل عندما يكون الشاب في بحبوحة من العيش ولم يجرب اولا" السجن ثانيا" الغربه ثالثا" العسكرية فليس لدية اي تجربة بالحياة وراح يكون مخمه للي يسوى واللي ما يسوى وينوخذ حقه وهو واقف مثل ؟ تريونا عدنا اسمع لو كنت واثق من نفسك ما ركبت بشنطة الجمس بس تصدق انها ريحه بس اذا اخذ السواق مطب تنغث كبدك وصوت الشكمان شي يوم يدوس السواق سنعود اكره الهيئة وما اطيقهم والله لا يوفقهم لانهم غير مؤهلين للقيام بدور الحسبة كلهم ولا استثني احد فاصل طويل والله لو يقسم الله واتزوج بنت اوباما لا ادووس لحية اطلق واحد فيهم وما يجيني شي لكن اذا نزلت العجراء بناكل سجن وكم جلده لا وفقكم الله يااصحاب السوابق يامتصنعين اللحية من اجل الرواتب لكن السجن ارحم بعد تكفيخ الواحد منهم وجره من لحيتة
|
#6
|
|||||||||||||||||||||
|
|||||||||||||||||||||
يا خي والله ماني رخمه ولا مذنب كيف اضربه عند البوابه وموجودين كل السكرتيه والرايح والجاي ثم انكر !! راح يكون علي مية شاهد بعدين ياخي هم اثنين ودببه والله اقدر لواحد بس اثنين صعبه شوي عموما شاكر لمرورك والله لا يحطك ولا يحط مسلم بين ايديهم
|
#7
|
||||
|
||||
لو تعرف الرياض مضبوط كان عرفت إنّ البنت من الأساس كان قصدها توقعك؛ وهذا نهج النساء من نوعها نسأل الله السلامة والعافية بمعنى هي ضحكت، لأنها متعمّدة وشاهدت الهيئة يراقبون في تلك اللحظة، وكلّمتك لأنها تريد الاستمتاع بهذا المشهد عند أبواب جامعتنا البنات من شاكلتها يذهبن لسيارة "الثقيل" ويطلبون منه ينزل القزاز...فيعتقد إنهن يحتجن مساعدة....ولكن الحقيقة هي أنهن يردن ايقاعه في المشاكل
|
#8
|
|||||||||||||||||||||
|
|||||||||||||||||||||
والله يا ديفا اني الى الان شاك انها متعوانه معهم لا الحادثه غريبه جدا وحصلت في ثواني معدوده وبدون سابق انذار
|
#9
|
|||||||||||||||||||||||||
|
|||||||||||||||||||||||||
لا لا أتوقع لهذه الدرجة لكن الفتيات من هذا النوع يذهبن باستمرار للفيصيلية والمملكة، وهن دائمًا يتكلمن كثيرًا فالحاصل إننا نعرف جيدًا معنى أن تحادث الواحدة منهن رجل لم يلتفت لها.... ولكن الأمر عادي جدًا بالنسبة لهن يرغبن في التسلية....وتحلو لهن جدًا إذا كانت الهيئة موجودة
|
#10
|
||||
|
||||
نفس المووشكله يآبعدي
وآنآ آشهد آنهم شبيحه الله يهديهم ويدلهم على الحق حتى لآ يشوهون سمعة الدين .. وآنآ وقفوني آسبوع كآمـل والسبب بس آني طآلع من الحلآق ودربي لآزم على السوق .. وزودهآ كم قضية منهآ دورآن بالسوق وترقيم ويعلم الله كلهآ تسذب .. بس عآد زودتهآ معآهم شوي يوم عرفت ان التوقيف لآ بد منه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |