العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
الفلوس تصنع النجاح ...!
السلام عليكم مره كتبت موضوع وقلت اتمنى اشوف وزير كان فقير أصلا...يعني مو من عايله كشخه .نبي نغير عايلة فارسي ويماني وال الشيخه ....الخ نبي نشوف وزير كانت سيارته كورلا في الجامعه وعايش على مكافئته ولكن اعتقد ان هذا الشيئ مستحيل لأن الوزراء وكبار المسؤلين يصنعون صنعا..ويصنعون اولادهم من بعدهم قبل كم يوم قلت خل افتح الفيس بوك واشوف زملاء الجامعه وش الدنيا بهم .. لقيت واحد منهم صار مخرج مشهور....وواحد صار شاعر ونزل له ديوان ..قريت بيتين من قصايده مغصني بطني...وواحد مدير ادارة في احدى الوزارات...وواحد مدير اداره في شركة ابوه...كل الي تكلمت عنهم من الطبقة المخمليه..وعلى فكره كلهم تخرجوا بمعدل مقبول أو جيد اما الأخ عبدالله السهلي راعي الثوب المعفط والشماغ الي مدري كم موديلها فخبري به انه نقل الى جيزان نقل تعسفي وراح احكي لكم نبذه عن المملوح ابوعابد ابوعابد الوحيد الي جاب درجه كامله في احد اختبارات الرياضيات بالجامعه على الرغم ان الدكاتره قالو في احدى الفقرات فوق مستواكم...وتفاجأ الدكتور ان ابوعابد حالها...سوى كذا الدكتور ابوعابد كان يذاكر ساعه وتكفيه استعداد للاختبار ...بينما غيره مايكفيهم 5 ساعات وفي النهايه اخونا راح ضابط ...وصاروا ينقلونه من ديره لديره انا ماقول حطوا ابوعابد وزير ولكن عالاقل استفيدوا من عقليته خصوصا ان المملكه الان متجهه على حسب علمي لانتاج الطاقه النوويه السلميه وقد نحتاج امثال ابوعابد العقول عندنا تدفن دفنا بقصد وبدون قصد...والأغبياء ينصبّون بدون وجه حق ....... قد تدلون بدلوكم في هالموضوع وتثرونه بأقلامكم الفوشيه
|
#2
|
||||
|
||||
وعليكم السلام
أحيانًا يا عذب تكون المشكلة في الشخص نفسه مو في الي حواليه والي المفروض انهم يقدرونه معنى كلامي أن الشخص يدفن نفسه بنفسه , ما يظهر قدراته طبعًا ما أدري وش السبب , بس اعتقد أنه مثل الي مستبعد أنه راح يكون له شأن ..! مثل صاحبك هذا ..إذا كانت عقليته فذة وش موديه للعسكريه ..! واحد مثل هذا المفروض يدخل قسم ينمي فيه عقليته مو يحجرها ..! ومعروف أن الي في السلك العسكري مالهم مكان ثابت , كل مره في مدينة ولا قريه ولا هجره إلا إذا لك واسطة قويه أو ظرف قاهر ما يخليك تقدر تنطنط من مكان لمكان .. أنا ما أنكر أنه احنا عندنا قتل للمواهب مو تنمية ... بس في نفس الوقت الشخص يتحمل جزء من الإهمال .. يعني لو دخل قسم يناسبه وبعدين كمل دراسته وابتعث وأخذ الدكتوراه مو أفضل من ضابط ..! إلا عندك بعض الناس تتجه لما اتجه له غيرها , ولا أنها ما تعرف تحدد بالضبط الي يناسبها أو الشي الي تبيه بالفعل ..! وتحياتي لك ..
|
#3
|
||||
|
||||
8
8 8 ميسم استثمار العقول البشريه مو بالسهوله الي انتي متصورتها وأكبر من مجرد نجاح ذاتي .......يعني مثلا صديق عذب المذكور ممكن يطور دراسته في الخارج مثلا .....او يلقى له 100 حل ........ ويصير شخص أكثر من مجرد ضابط في جيش .. "لكن استثمار العقول (كـــثروة) مثل التنقيب عن الذهب " يحتاج لامكانات هائله والعباقرة من أشد الشخصيات حساسيه ....... البيئه ألي يرتاح فيها مو أي كلام واذا ماوجدها .............بدل مايصير عبقري ......يطلع عاله على أهله والمجتمع لأنه شخصيه (مغيره) ان ماغير للأفضل سيغير للأسوأ أحيلك ..... الى دراسات علماء النفس عن الموهوبين
|
#4
|
||||
|
||||
أهلا عذب السجايا .. دستور يالساحل الشرقي
المشكلة يمكن في كل الدول العربية مو بس عندنا يتم وأد الموهوبين اذا جاز التعبير .. مدري سمعت قبل فترة انوا فيه بالسعودية دار لرعاية الموهوبين وماني متأكد يمكن أكون متوهم أو ملخبط بالمعلومة عموما الأب والأم بداية لهم دور بإكتشاف طفلهم اذا كان موهوب ومن ثم توجيهه ومتابعته .. ما أنتظر دور كبير من المدرسة لأن الغالب اللي يعملون فيها هم موظفين وليسوا معلمين بالمعنى الحقيقي .. تنمية الموهبة من سن مبكرة ضروري جدا متى مالقت البيئة المناسبة وأتوقع هالبيئة مو متوفرة عندنا زي اوروبا وأمريكا وانتم عارفين كيف يرعون الموهوب ويهتمون فيه ويوجهونه ويتابعونه وهذا كله يندرج تحت مسمى الاستثمار اللي أشارت له توليب .. شوف العدد الكبير من العلماء العرب اللي عايشين بأوروبا وأمريكا بعد ان تم إستثمارهم بطريقة صحيحة وأوجدت لهم بيئة مناسبة لتطوير مواهبهم وأفكارهم فصاروا قادة في المجالات العلمية المختلفة وتفوقوا على الأجانب ودفعت عليهم تلك الدول بسخاء وبعدين صارت تدفع لهم وتقدم لهم العروض المغرية عشان يستقرون عندهم لدرجة منح الجنسية بالنهاية هنا محد حولك وبعد عشرين سنة بعد محد حولك .. وسلامي لخويك عبود ..
|
#5
|
|||
|
|||
في كندا بالنسبة لمن يطلب الجنسية الكندية الاولوية تمنح للموهوبين!
|
#6
|
||||
|
||||
كلامك صحيح ومقنع جدًا..والبيئة الخصبة راح تساعد على استثماره وتنميته .. لكن هل كل شخصية مثل شخصية هذا الرجل تدرج من ضمن العباقرة ..؟ يعني خلينا نقول مستوى الذكاء عالي , لكن ما وصل لدرجة العبقرية وهذولا كثر عندنا ..وفيهم من طور نفسه بنفسه وعندي نماذج حية أشهد عليها اعتمدت على نفسها اعتماد كلي , وطلعت لأعلى السلالم لا واسطة ولا من يدعم غير مجهودهم وكفاحهم واصرارهم .. وفي المقابل توجد شخصيات اتكالية إن وجدت من يدعمها , أو كان شعارها (مكانك سر )..حتى لو تميزت بعقلية ممتازة , للأسف هي بنفسها تساعد على دفنها ..! العباقرة في رأيي حالة أخرى مختلفة ..
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |