العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
ناح النواح والنواحه على بقره حاحا النطاحه !!
بسم الله وعلى بركة الله
والله يرخص الحديد من المفارقات الغريبه انه شوي شوي الشعب السعودي صار يتشابه مع الشعب المصري!! بنفس الخطوات نذكر زماااان لما كنا نشوف كيف المصريين كانو ينتظرون راس كل شهر يجمعون فلوس (الجمعيه ) والآن السعوديين ينتظرون شهر 10 عشان يبدأون جمعيه جديده يكملون فيها باقي اغراض بيت ولا يصلحون سياره ولا يسددون جزء من قرض و واذكر لما المصريين في المسلسلات يحسبون القرش فوق القرش عشان يشترون الشقه ومن احلام العائله المصريه انه يصير عنده شقه برضو الآن السعوديين يجمعون كم قرش يشترون شقه يحتمون فيها من نار الأجارات والمفارقه العجيبه اصبحنا مثل المصريين شعب النكته والسخريه من الوضع الإجتماعي نسخر من وضعنا بالنكت ويمقن يجينا من حافز ويمقن لا مرحله السخريه جت بعد مرحله الإنكار وهي مرحله غثيثه جدا" نقدر نلخصها بـ ابشرك حنا بخير ا!! شي يغبن لدرجة السخريه نتشابه بالمراحل الإجتماعيه مع انه نتخلف كثير بالثروات ومو كثير وبس الا فرق شاسع !! جا عصر الانفتاح وخلن اسميها مرحلة الفضفضه يقابلها انكار من الناس اللي فوق تشابه برضو حاله الفضفضه اللي لازمت الشعب المصري لين ضرب الامبير !! تهقون يضرب الامبير عندنا ؟ الله يستر التشابه هذا مخيف لدرجه !! بعد ماشفت وقوف الشعب وقفه رجل واحد ليبرالي على سلفي على رجل عادي وربة بيت عاديه كلهم نفس التوجه ونفس الهموم ونفس الغضب بالتويتر صرنا عيال التويتر يا جدعان وعظمه على عظمه هل من معتبر ؟ ولا الضرب في الميت حرام؟ لابد من كل مسؤول امامه لوحه (سل سابقيك ) * والبقره حلوب حاحا تحلب قنطار لكن مسلوب حاحا من اهل الدار > يرجى قرائتها باللهجة المصريه
|
#2
|
||||
|
||||
ههههههههههههههههههههههه الله يسعدك
والله ضحكت من قلب الله لايجيب لك هم |
#3
|
||||
|
||||
أهلين بنوته.. صادقه..
حتى بدينا نصير مثلهم مانعرف اللحمه إلا بالعيد.. الله يستر بس..من اللي جاي..
|
#4
|
||||
|
||||
ليه ننظر لكل الي حوالينا ولا ننظر لأنفسنا ..؟!!!
نستنكر ..نشجب ..نستاء ..ننتقد وكأن الكل يخطيء ونحن لااااا لماذا نتجاهل قول الله تعالى ( إن الله لا يغير ما بقوم حتى يغيروا ما بأنفسهم ) وهذا تفسير لجزء من الآية : . . الآية الكريمة آية عظيمة تدل على أن الله تبارك وتعالى بكمال عدله وكمال حكمته لا يُغير ما بقوم من خير إلى شر ، ومن شر إلى خير ، ومن رخاء إلى شدة ، ومن شدة إلى رخاء حتى يغيروا ما بأنفسهم ، فإذا كانوا في صلاح واستقامةَ وغَيّروا غَيَّر الله عليهم بالعقوبات والنكبات والشدائد والجدب والقحط ، والتفرق وغير هذا من أنواع العقوبات جزاء وفاقا ، قال سبحانه : (وَمَا رَبُّكَ بِظَلامٍ لِلْعَبِيدِ) . تحول النعم إما ابتلاء وإما عقاب .. ولننظر كم المسافة الآن بيننا وبين ديننا هل هي كما كانت أم تغير بنا الحال ..! وبعدها يحق لنا أن نغضب ونستنكر ونشجب ..! وحيّ الله بنوتة نورتي القسم بعودتك وبأول موضوع لك ..
|
#5
|
||||
|
||||
بنوته الخبر..
بقولك شيء.. احنا عندنا شيء اسمه (اللي وحد بلدنا ابونــا) ..لكن هي الحياة لازم تصعب..وبعد كل عسر فرجيـــــــن..اثنين...الله يعجل فيهن..
|
#6
|
||||
|
||||
|
#7
|
|||
|
|||
السلام عليكم ... حاجات كثيره نتشابه فيها مع مصر اجتماعياً تذكرون ايام الارهاب في مصر ؟؟ وقتل السياح والباص ووووالخ حصل عندنا نفس الشي ... وتم قتل الامريكي جونسون يوم حطوا راسه على شنطه السياره في منظرن يروع القلب حتى عادل امام حاربوه الجماعات الاسلاميه واهدروا دمه وقام يسوي افلام يتهكم فيهم ( ارهاب وكباب ) ( الارهابي ) وحنا عندنا القصبي تقمص الدور ! هو والسدحان وتهكموا بمن يسمون رجال الدين وسخر منهم اهدروا دمه واصدروا فتوى بحرمة مشاهدة طاش ماطاش ! هذولي مشهدين متطابقين .... وغيرهم اكيد مشاهد غابت عننا ! يقولون فيه اعتصام يوم 16 الشهر هذا الجمعه هذي اتوقع ! من خلال استقراء شخصي .... انصح اصحاب القرار يطلقون سراح السجناء قبل ان يتم الاعتصام هذا لقطع الطريق على اي فوضى او انا بصراحه اتوقع تقمبع الدنيا اذا صار فيه اعتصام فعلاً وان شالله يعلنون اليومين هذي اطلاق سراح السجناء ونغلق الملف هذا ... ونتقدم خطوه الي الامام في ارضاء المواطنين تحياتي لك
|
#8
|
||||
|
||||
هلَا بنوته الخبر شنوحك يالغاليه صدقتي الحياه صارت صعبه ولازم مجاهده من رب المنزل لتوفير المتطلبات وعساه يلحق وبالاخير يجازئ بالنكت اللي تنتشر عبر الاجهزه الالكترونيه وصارت تهمنا الكماليات اهم من الاساسيات تحيتي .
|
#9
|
|||||||||||||||||||||||||
|
|||||||||||||||||||||||||
قصدك نتقدم خطا وخطا وفتح ملفات كثر لمطالب المواطنين التي لاتعد ولاتحصا ..والتي تبداء بأخراج المساجين البريئين والمظلومين .. وتنتهي بالمطالبه بأخراج السجناء المجرمين الظالمين والخونه ^ ^ ^ ^ ^ تراني مانيب ضد المطالبه بأخراج السجناء المظلومين بل بالعكس اؤيد وبقوه المطالبه بخروجهم بس حبيت اعلق على هالجزئيه مجرد خربشات فقط لاغير
|
#10
|
||||
|
||||
اطلالة مميزة كما عُهد منك سابقاً
والله ياوخيتي مايضيق صدري الاّ وانا طالع من دوامي والموجه على برنامج داوود الشريان (( هموم المواطن )) من كثر ما اسمع المتصلين اني اجلس بالسيارة وانا قرفاااااااااااااااااااان ابي اناااااااااااااام بس لاسمعت هالشكاوي اقول نعنبوا دارهم مالقوا حل للمشاكل
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |