|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#11
13-10-09, 02:27 PM
|
||||
|
||||
ياهلا اخوي محمد
بدايه موافقه باذن الله  وليس لي الحكم حتى تكتمل فصول الحكايه وان كان لدي احساس انك تملك قلم مبدع وراح تكون قصه غير 
|
|
#14
13-10-09, 04:10 PM
|
||||
|
||||
|
المشهد الثاني
احمد=ابراهيم يا ابراهيم انت يا دلخ قوم افطر تأخرنا على الدوام يا ابو المستقبل هههههه فديتك انت والمستقبل قوم يالله ابراهيم=يوووووه يا احمد واللي يرحم والديك خلني بس خمس دقايق والله مو قادر افتح عيوني احمد=هيه قوم يالله على الدوام قال خمس دقايق قال مع العلم انك رقدت قبلي وبعدين لا تنسى ترى اليوم المفروض انت تزهب الفطور مو انا بس انا عشان قلبي رهيف وشفتك غرقان في النوم سويت الفطور عنك يالله عاد قوم ترى ماراح ارجع واصحيك مره ثانيه ابراهيم=يالله ....صباح الخير يا احلا ابو حميد في الدنيا كلهااااا احمد=صباح النور يا ادلخ ابراهيم في الدنيا كلهاااا ههههههه نشفت ريقي يالدب وانا اصحي فيك ابراهيم=اوووووف ياربي فول بعد نفطر فول اااااه متى يارب تتوب علينا والله حاس ان نسبة الفول صارت بدمي اميه بالاميه احمد=هههههه استغفر ربك يارجل وقل الحمد لله يعني وش تبي تفطر حليب العصفوره ابراهيم=الحمد لله على كل حال .................................................. .................................................. .................................................. ................ احمد=ابراهيم طالع طالع يا ابراهيم هذيك مهاو نزلت من السياره اهي وصاحبتها يارب تحرسها يارب ابراهيم=ههههههههههه والله انا ادري انك صحيتني قبل الدوام بساعه عشان تقف تطالع ست الحسن والجمال. ياعم اصحى ياعم والله والله ما تدري عنك ولا تشوفك اصلا طالع فيها وش لون رافعه راسها شكلها مليانه تكبر احمد=وانت شعرفك انها متكبره ها قولي وش عرفك ابراهيم=هههههههه وش فيك تصارخ انا قلت يمكن يمكن على هونك ياروميو ههههههه .................................................. .................................................. .................................................. ................ احمد=ابراهيم الحين انت اسبقني على البيت وانا بعدين الحقك ابراهيم=هيه هيه قال اسبقني قال ما اروح الا رجلي على رجلك وبعدين ياخي ما بقى احد من الطلبه الا احنا واقفين في باب الجامعه ترى حتى شكلنا يفشل احمد=تكفى يا ابراهيم تكفى ابي انتضر طلعتها وبعدين الحقك روح قدامي طلبتك ابراهيم=ههههههههه لاحول طيب طيب انا رايح .................................................. .................................................. .................................................. ................ احمد=ابرااااااااااااااااهيم اااااااااااااه يابروهم اه شفتها شفتها مرت بسيارتها من جنبي .....بس خساره كانت مسرعه شوي وماقدرت املي عيوني من شوفتها ابراهيم=كانت مسرعه وليه مسرعه المفروض تصك بريك وتوقف اذا شافتك ههههههههه احمد=وليه تقف انشالله؟؟ وش اللي يخليها تقف؟؟؟ ابراهيم=انا اقولك ليه تقف عشان شافتك وانت شكلك زي المتسولين اللي يمشون في الشوارع يطرون من الناس المفروض منها توقف وتعطيك كم ريال لوجه الله هههههههههه احمد=والله انت اسواء شي شفته بحياتي يعني انت اللي مضهرك يوحي انك من الامراء ههههههه ضمهـا ياصـدر دونـك ضمـهـا
دام مالـك منـهـا الا الطـيـوف لمهـا بـيـن السـواعـد لمـهـا واحمله فوق الهـوى يالله وطـوف وشمهـا لا فـاح عطـره شمـهـا واعرف ان المسك من صنع الهنوف اعشقـه مـن راسهـا لا جدمهـا واكتب بوصفه من ارواح الحـروف هو به احد(ن) فـي لطافـة دمهـا يستحق اني افصـل لـه وصـوف يا هنـا ابوهـا ويـا سعـد امهـا حيث ناضرهم لهـا دايـم يشـوف ودام مالـي غيـر طيفـه واسمهـا اقضي ايامي معـه دون الحسـوف يامهـا كـلـي فديـتـك يالمـهـا والعواطـف كلهـا يمـك ضيـوف
|
|
#16
13-10-09, 06:41 PM
|
|||||||||||||||||||||||
|
|||||||||||||||||||||||
|
آلمشهد آلثآنيّ :
كلماتَ بـ ( روعـة وجاذبيّـه ) لم أجدها في غير إقتباساتك 
مُـذهله أحرف آلغزلْ تلك مُـتابع دائمـاً و أعلم أنها لم تكن الأولـى .. / بـ إختصار رائـع .. رائـع .. رائـع 
|
|
#17
13-10-09, 10:18 PM
|
||||
|
||||
|
اخواني الغالين لكم من اجمل التحايا واشكر لكم تفاعلكم ومتابعتكم وانشااااااالله بنرضيكم
اسف لاني ادمجكم كلكم برد واحد بس كل هذا عشان لاتكون مشاهد القصه متباعده فديتكم
|
|
#18
13-10-09, 10:37 PM
|
||||
|
||||
|
اخي محمد تعجز الكلمات عن التعبير عن مدي
اسمتاعنا بما طرحت قمه في الابداع وربي ا
|
|
#19
13-10-09, 11:43 PM
|
||||
|
||||
|
صباح جديد افاق من احضان الليل ليعلن للحياة عن نور يوم جديد دبت الحياة في المدينه المترفه وغصت الطرق بتزاحم الناس والسيارات
وبين كل هذا الكم الهائل من الحركه الصديقان احمد وابراهيم يواكبون السير الى المكان الذي يرتادونه كل صباح الا وهو الحرم الجامعي ابراهيم=احمد احمد هههههههه ياربييييييييي والله جايب لك معي خبر يسوى ملايييييين افرح ياعم افرح. احمد=الله يسعد قلبك يابرهوم وش السالفه سولف بسرعه ما عاد اتحمل. ابراهيم=لالا الا تقول وش ودك تعطيني بشاره عشان اقولك الخبر؟ احمد=يوووووه يا ابراهيم امانه لا تلعب باعصابي ليه انا املك شي فالدنيا كلها عشان اعطيك . يالله قول ولا تلعب باعصابي ابراهيم=هههههههه والله انا ادريبك على قولة نها نبيل كحيان ومنتف وقليل العطايا هههههههه.. طيب ياسيدي الموضوع بخصوص ... بخصوص..بخصوص.ههههههههه احمد=تدري عاد يا ابراهيم انك بايخ ولا عندك شي تتسلا فيه وتدري عاد ما ابي اسمع الموضوع الشرهه على اللي يسمعك ماهي عليك ابراهيم=يؤيؤيؤيؤ ابو حميد وش فيك وربي امازح والحين ادش بالموضوع دغري ولا يهمك. الموضوع ياسيدي يدور حول حبيبتك سندريلا افكارك مها مهاو ههههه احمد=مها وش فيها مها سمعت شي احد جاب لك طاري عنها احد لمح لك بش قول. ابراهيم=هيه هيه هيه اصبر شوي شوي كل الاسئله اللي قلتها ما تخص الموضوع الموضوع وما فيه انا وانا اخوك شخص ذكي واستبقك بالتفكير بقرون عديده ههههههه واليوم طرة في بالي فكره جهنميه راح اخليك فيها تقدر تقرب من مها. احمد=كيف يعني وايش هذي الفكره؟؟ ابراهيم=اليوم سمعت انه بعد عشرة ايام سوف تقوم الجامعه بمهرجان ادبي كي تتعرف على مواهب الطلبه وامكانياتهم احمد=طيب وش دخل المهرجان فيني انا ومها؟ ابراهيم=ياغبي وش فيك ما تعرف تقتنص الفرص اقولك مهرجاااااااان ادبي يعني للشعر وفعاليات ادبيه اخرى وانت شاعر وهذي فرصتك احمد=ابراهيم ياعمري ادري اني طفشتك بالاسئله بس شوي شوي معي ترى صاحبك متنح ولا عاد افهم شي يعني ذا المهرجان ايش فايدته لي ابراهيم=ياااااااااربي في ذا الدلخ هههههههههه انت وش فيك انا اوضح لك ياعم وش يفيدك المهرجان . وابيك تنفذ اللي اقولك عليه بالحرف الواحد اوكي. احمد=اوكي ابراهيم=هذا المهرجان يابو حميد الكل فيه راح يكون موجود يعني مها وغيرها وراح يكون فيه الفائز الاول والثاني والثالث والى اخره انا ابيك بما انك شاعر رائع ورائع جداً تكتب قصيده يكون لها صدى في الجامعه كلها ولازم تاخذ المركز الاول ولازم بعد تكون قصيدتك تتكلم عن الحب الحب الكبير اللي في داخلك الحب اللي ما تقدر تبوح عنه ذي فرصتك يا احمد عشان تتكلم عن حبك وقدام الناس كلها ومن دون تردد او خوف ذي فرصتك عشان يسمعك الغني والفقير ذي فرصتك عشان مها تسمعك ويمكن تحس فيك ويمكن تعجب فيك ويمكن اهي اللي تقرب منك مو انت اللي تحاول القرب منها ولا انت قادر . الحين فهمت ياغلاي الكره في ملعبك وذي فرصتك الوحيده احمد=فهمت فهمت يابروهوم ياااااارب ما انحرم منك يا اغلا واعز واحب صديق لقلبي انشاء الله بتوفق ادعي يابرهوم ادع لي تكفا ابراهيم=يااااارب يا احمد يااااارب .................................................. .................................................. .................................................. ........................................ وضع ابراهيم خارطة الطريق امام طموح احمد في اعلان الحب وبدأ الصراع مع الوقت حيث ان الايام كأنها خيلاً جامحه لا يلجمها شيء كانت مسرعه لكنها تمر على احمد ببطىء ياترى ماذا سيفصح عنه ذلك المهرجان ياترى ماذا سيكتب احمد وهل سيحالفه الحض في النجاح كل هذا سنشاهده في المشهد الثالث
|
|
#20
14-10-09, 12:36 AM
|
||||
|
||||
|
أغبطك على آسلوُبك فـ آلكتآإبه للمره المليوٍوٍن
ولأن مُتابعه هذه الأسطر ممتعـه حدّ الجنوٍوٍن اتمنى أن تستمر .. فـ آنآ آنتظــر بشـده (آلمشهد آلثآلث) ..
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
.gif){kind=icon}
العرض العادي
