العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#11
|
|||||||||||||||||||||||||
|
|||||||||||||||||||||||||
طب يمكن زوجها معه ربو والا حساسيه ولا يقدر يروح للحدايق وعنده بعد فوبيا من البحر ولا يقدر يروح يعني لا تحبكينها بالحيل انتي
|
#12
|
||||
|
||||
يسعد صباحك ضغط
وحمدالله ع السلامه وين الهدايا بالعاده الي يسافر يجيب هدايا حسيت سؤالك ينم عن تشاؤم وكأنك تبي تمسك المتزوجين وتسطر فيهم مخمسات يعني كفوف ليه اعرسو علامك عليهم بالنسبه لنا يالي نريد الزواج الزواج مؤسسه عظيمه ورباط مقدس مثل ماذكرت ياضغط لكن للأسف في مجتمعنا على أهمية هذا المشروع الكبير الاانه يتم في الغالب دون تخطيط اودراسه انا زيك هاالسؤال يحوووووس براسي كل ماحطيت راسي على مخدتي أسأل ها السؤال وعلى فكره كرهت المخده معه وصرت مانام عشان مافكر ولايجي في بالي هاالسؤال التالي البنات الي يتزوجون كيف تزوجو هم مايحسبونها مثلي والاانا موسوسه وادقق واجد ياربي هذا زواج مولعب يعني خلاص ماغيرالابلقب العن من اللقب الي يخرعوني منه>>على فكره باقي دون هاللقب 3سنين آآآآآآآآآآآآآآآآه من مجتمعنا واقعد افحط بها الأفكار وفعلاهوكيف الناس تزوج وليه تزوج يعني مرحلة التفكير بين الرفض والقبول كيف تمر ع البنات الي تزوجو ياخي انا اشوف ناس تدرعم عادي ع الزواج ماتخاف طيب حنا ليه نخاف ونحسبها زين اجاوبك انا الزواج عندي مشروع ضخم وكبير مستحيل ماادرسه ابي ابو ابنائي انسان يفخرون فيه يعرف يربي عنده هدف كبيرللأمه ابي عيالي اربيهم لله ولطاعته يعني يفخر بنا الرسول بكره بين الأمم (كاني حاستك بتقول كيف يفخر بكن وانتن مسنترات بالمنتديات بس ماتدري النيه عليها اجر) الزواج مؤسسه تستمر حتى في الأخره صحيح فيه حور عين للرجل وبرضوا زوجته اذا صالحه بتكون معه الزواج سكن نفسي لكلا الطرفين موبس الغرض منه نخلف ونعف نفسنا القطاوه تخلف الحيوانات تمارس مع بعض علاقات حميميه اشكال والوان يعني هذامو انجاااااااز مشكلة مجتمعنا يااسفي عليه اهتم بالقشور وترك اللب الولد يتسنع بعدالعرس البنت مالها الابيت زوجها قمة التخلف نقع بسوء اختيار بسبب ها العجله وتتبعها مشاكل لاحصرلها ومن قال انونختار الي يختار مواحنا تخيلوووونتزوج ومانختار ياناس بيجامه وهي بيجامه تنام فيها وتقضي وقت راحتك و..الخ من مهام هالبيجامه تختارها بتمعن وتمحيص والشكل ورسومات ميكي كاوس>>ياحبي له هالفار فمابالك بأنسان أو انسانه تشاركك باقي الحياه الولد أمه وأخته تجي تختار هوالي يبي يعرس والاهي وتشرط ومهزله كأنهم طايحين من السماء والبنت يبدأعليها التضليل الأعلامي وآآآآآآآآآآآآآه من هالتضليل وانامن ضحياه لمرتين ع التوالي يلمعووووون بالمعرس لومايسوى حذوته وانتم بكرامه مادري كأن البنت نعجه والاحاشي يتجملون فيها دون اي وعي بمشاعر ذا المسكينه تلقى الأب يقول عيب عطونا بنتهم عيب نردهم وابوه رجال سنافي ياخي هي تبي تاخذابوه والاالولد ويرد الاب الولدمايعيبه شيءيتسنع بعد العرس تعقله المره يآآآآآآآآآآآآآآآآآهمي طيب موكفو كيف ذا الادمي يبي يكون هوبابي للجنه مايستاهل فيه ناس تحس نفسك خساره عندهم موغرور بس جدوالله الأهل احيانا يحسبون انفسهم ادرى منا بمصلحتنا وهم العكس احيانا يكونوبتصرفاتهم يفتقو جروح والام ماطابت ضغط انا على قناعه كبيره رغم تهكم من حولي بي وبطريقتي في التفكير وانني اقودنفسي لامحاله لأحرز على لقب عانس بهذا التفكير الاانني اصروبشده >>احس اني رئيسة دوله الزواج حقوق وواجبات على كل الطرفين وسبب من اسباب الجنه وانه عباده نتقرب الى الله به والاحاديث كثيره في ذلك كماغيرها من الطاعات ولهومجرد نخلف عمرالخلفه ماهي هدف اساسي صحيح نعمه الله لايحرمنا منها بس الأصل مهم هوالي بعيش معه حتى لاكبروعيالي رفيق دربي بهالمشوار الباقي من الحياه لذلك لابدان يكون زوجي في مالي قلبي وعيني يعني كبيربهيبته بطيبته رجل مخبرومنظرموعفن اسحبه بخشمه ولاقاسي يمد يده الكمال لله لكن رجل يستحق ان يكون زوج وأب ليس مستحيل هذا الامر ولم ينعدم الرجال لكن لن أقدم على هذا المشروع دون قناعة بالشخص اوتمحيص واسأل الله ان لايكلني لنفسي طرفة عين معليش طولت حيل بس من حرمافيني ياضغط وربي كان البنت مرتكبه جريمه لوماتزوجت وكلااااااام يهد الحيل مجتمع يقهرمادري وين يبي يوصلنابس تزوجوودرعمو وكل الناس كذاوش براسك الزواج والله مولعب وربي مولعبه ياربي الي تزوجوا كيف تزوجو هم مثلي يفكرون والاانا موسوسه
|
#13
|
||||
|
||||
بطله يا بنت وش ذا اتفق معك في عدم التسرع والوسوسه الحاصله لكن كلمة اجيب منه عيال واربي وعلشان يكونون فخر للامة الاسلاميه هذي شعارات اكل وشرب عليها الزمن البنت تبي الزواج علشان يقولها رجل احبك بصدق ..يختارها من بين كل البنات ...... وصدفه ومن بين كل الناس علقني تبي واحد تعطيه اغلى ما تملك .....تبي واحد ما يكون بينها وبينه حجاب تبي الحب والشوق والانفاس الدافئه ...تبي تحس بأنوثتها ....تبي تصير حلوه بعيون رجل ...تبي تسمع كلام حلو قبل النوم ...تبي حق شرعي لا تلام عليه وتبي تصير زي كل البنات اللي تزوجو ....تعيش اللحظه وتنغمس فيها بكل تفاصيلها ...تبي مملكه تكون فيها مستشاره ...تبي ملك مطلع على ادق تفاصيل احاسيسها ومشاعرها ورغباتها وملبي لها تبي قياده ولو كانت تلك القياده تؤدي الى ما لا نهايه عندها اشياء خفيه لا تستطيع ابد البوح بها الا لزوجها ولا تقدر تسويها ابد الا مع زوجها ومع كل ما تريده تلك الفتاه تبقى تلك الامور حبيسة جدران الصمت ...واذا سئلت اجابة بالجواب الروتيني .... هي مقيده بسلاسل الحياء ...وما اجمله من حياء الشاب نفس الطريقه يبي زوجه يعيش معها ادق تفاصيل عنفوانه ويمارس معها ما ينقصه لأكمال رجولته ....يبي امور تحدث له في تفاصيل يومه ....من جيته من الدوام الى وقت نومه يبي حب وشوق ولهفة ويبي اعتناء واستقرار نفسي لرغبات جسده اما اكمال نصف دين وتكوين اسرة هذا كله كلام يتحدث عنه الجميع ...مجرد غلاف لكتاب منزوع الصفحات الداخليه اسعدني جدا تواجدك حياك
|
#14
|
|||||||||||||||||||||||||
|
|||||||||||||||||||||||||
كل ماذكرت ياضغط هومانريده لكن يمنعنا البوح به الحياء يبقى حبيس نفوسنا بداخلنا لايطلع عليه احد نكابر نجالد انفسنا بالعمل لننسى مانفتقده وكاننا قدنسينا انفسنا معه وعندماياتي الفراغ وكأن بركان من الافكارينهال علينا ليس لنا اي ذنب انماهي احلام متأخره طال تأجيلها وأعيانا التغافل والتناسي وحالت دونها الاقدار
|
#15
|
|||||||||||||||||||||||||
|
|||||||||||||||||||||||||
يابختكم عمدكم لابتوبات تقدرون تكتبون كلام طويل << داخلة من الجوال .. جرة العبد في التفكير والرب في التدبير ماقلنا درعمي على غير هدى مع ان اختك في الله اكبر مدرعمة في هالحياة بس قاعدة تفكرين في تفاصيل لايمكن تكتشفينها الا بعد الزواج ومضة ... الزواج مهم بس مو اهم شي بالحياة والسعادة مو مرتبطة بالزواج والعنوسة ماعادت النظرة لها مثل اول شكلي باتكفخ اليوم الله يرزقك بالزوج الصالح
|
#16
|
|||||||||||||||||||||||||
|
|||||||||||||||||||||||||
بعض المرات اتعجب من مقدرة الانثى على اخفاء مشاعرها وخصوصا عندنا هنا تصرخ من كل شي وتشتكي من كل شي الا الاحاسيس والمشاعر تكبتها بطريقه عجيبه للغايه
|
#17
|
|||||||||||||||||||||||||
|
|||||||||||||||||||||||||
هذي الومضه خاليه من احساس الانوثه مخالفه للفطره ومن يستطيع مخالفه الفطره
|
#18
|
|||||||||||||||||||||||||
|
|||||||||||||||||||||||||
البنات قاعدين يتنازلون عن ابسط حقوقهم بسس عشان تحصل على زوج اذا ماكنت متأكدة او على الاقل حاسة ان هالزوج بيسعدني فالعنوسة ارحم من اني ارتبط بنصف رجل (معدد) او شايب او شاب من بيئة ماتناسبني << هذي وجهة نظري من زمان انا بطبعي مو رومانسية واجد او الحياة علمتني اكون كذا انت تقول المرأة تتزوج عشان الكلام الحلو واشباع العواطف و و و صدقني ياضغط الكلام هذا احتمال 90 ٪ ماتحصله واسأل المجربين .. يمكن في البداية رح يتحمس بس بعد كذا انسى الزوج ماتتحرك مشاعره الا في حالة وحده ................. والزوجة اشباع العاطفة عندها مقدم على ........ الحياة الزوجية في زمننا صارت جهاد الزوجة حتنصدم كثير ... الرجل يبي يسهر كل يوم يبي يسافر يبي يقفل جواله ولابتوبه بالنسبة لي ماتحمل حياة مثل كذا وشفت اخواتي وقريباتي تقريبا كلهم يشكون من ازواجهم ... الحياة الزوجية ماصارت استقرار وامان مثل اول وخلاص مارح اتكلم اكثر
|
#19
|
|||||||||||||||||||||||||
|
|||||||||||||||||||||||||
هلاريمه وليه خايفه من التكفخ يعلم الله انك غاليه يابنت تمونين والله صحيح السعاده موفي الزواج نستمتع بحياتنا بالطريقه الي تعجبنا بس لمن تفضين وتحققين كل الاحلام يعني توضفين تعمرين تجمعين فلوس تساعدين اهلك وغيره وغيره الوقت الفاضي ياريمه يقتل انامن العام باكمل ماستر بس الدنيامعاكسه معاي بس في النهايه رغم كل المكابره الي نظهرها وخاصه قدامكن يالمتزوجات ماجانا الوذا غيرمنكن لاتزعلين مادري ليه انا انثى وفطرتي اكبر مني والنظره للعنوسه الناس المتخلفه واجدوتسمعين من الكلام الي يغث وتلميحات اففففففففففففففف فعلاقرف اناماكنت كذا بس حطني الله بمدرسه ارهقني نفسيا بعد عزله فضيعه ولاشافن شيء بس يهاوشن وينتقدن ولاجويسولفون كرشني بطريقه مفارقها الذوق من زينكم احاول اتخيبل اني مافهم وانا النار ذابحتني ريما المجتمع هوهوماتغير متخلف وغبي وطالما ماعرستي انتي فتاه غير مرغوبه ومعرضه للأنحراف مايسترك الاالرجل هذا تفكيرهم
|
#20
|
|||||||||||||||||||||||||
|
|||||||||||||||||||||||||
لبى قلبك يالغلا لاااااااه اجل خالك يقول وين تودين فلوسك ؟؟ جد مايستحي اسمحي لي الا انتي وين تودين فلوسك النار ماتحرق الا رجل واطيها مارح اتكلم عن احساس انا ماجربته بالنسبة لي تزوجت في بداية العشرين فما كنت متلهفة كثير .. لكن صدقيني نظرة المجتمع تغيرت .. هذا اللي اشوفه حولي يمكن اللي ماتزوجت تتحسس من اي حركة شيلي سالفة كلام الناس من راسك واياك اياك توافقين على شخص ماتقتنعين فيه لمجرد انك تكونين زوجة ما املك لك الا الدعاء الله يرزقك بالزوج الصالح الطيوب الحبوب الكوول
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |