العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#201
|
||||
|
||||
رد: سناب سوالف قصيمي الكتابي
والله ياسكري جعلك ماتشوف سنابات سفرتنا
صراحه استمتعنا جدا بس اخر الرحله تهاوشنا علي القطه 😂😂😂🙈 بس بصراحه رحله كانت اروع مايكون ولاول مره نطلع سفره بناتيه كانت اشبهه بالمغامره وخاصه كلنا مامعنا رخص قياده ..<<< اول لو وحده منك معها رخصه اسلمها السياره وقت مانمر عند نقطه التفتيش بس كل النقط الي مرينا عندها كانوا سهلين لينين ماشددوا 🙏🏼 بس الي ماعجبنا بالمنطقه ان مولاتهم تسكر الساعه 11 عكس مولات للرياض الي الساعه 1 مفتوحه رحنا الاثنين اول يوم كان راحه سكنا في فندق ميلان بالخبر كان فندق روووعه صراحه اعطيه عشره علي عشره ,, احنا ثلاث بنات قطتنا من الف ثلاث الاف غير شامله السكن << علي حساب والد احدي الصديقات جعل عمره يطول وخيره كثير ،، ماقصر كريم ابن الكريم بس بنته ذلتنا ذل بهالمبادره كل ماقلنا شي قالت ترا ابوي دافعن ايجار الفندق نسكت على طول لين زعناها وقمنا نهاوشها ويومن من الايام خليناها بالفندق نايمه ماصحيناها وطلعنا صحت مالقيتنا دقت علينا وينكم قلنا طالعين فندق ابوك خلك جالسه فيه لين نجي 😂 كان اذلهم بعد انا بتانكى البنزين 😂😂🤪 بس فطنت والا تالي اثاريني اعبي البنزين علي حسابي ماخذ من قطتهم مافطنت الا واحنا طالعين من الدمام واعبي بنزين وافطن قلت الحين خلصت قطتنا وهي ماتشمل البنزين ،، تعالوا بنات وشلون خلونا نحسب يله يوم الاثنين يوم الثلاثا يوم الاربعا يوم الخميس يوم الجمعه ونحسب ونحسب ونحسب هههههههه وكلا يذكر شي رحنا وجينا وهنا وهناك وشرينا ورحنا ولعبنا وتعشينا وامينه الصندوق تقول ونسيتوا العمال قلنا وش عماله قالت الي اعطيهم صدقات <<< الله لايقبلها قولي امين عساك تصدقين من القطه .قالت ايه كل ماشافت عامل مدت له 5 ريال او 10 وانا اقول ماشاء الله عليها كل هذي صدقات ماتوقف ابد ههههههه <<< يوميا قالت عشان ربي يبارك في قطتكم مابارك بها لو علمتينا صارت صدقه مباركه بس مالك حق تصدقين من ورانا ... للحين اقول جعل الله مايقبلها 😱😂 بس كانت من اسعد الرحلات ماخلينا ملاهي بمول ماركبناها ملاهي الشرقيه مميزه او اني مليت من ملاهي الرياض طبعا مانطلع الا العصر علي طول سيدا للمولات نخلص من المول نطلع نتعشي طبعا مانحب عشاء المولات والمكان مايشجع تاكل فيه مكشوف والاكل اغلبه وجبات سريعه ماتبرد الخاطر والكوفيهات عندهم مميزه جدا راقيه عشره من عشره وعجبتني شبرتهم كل يوم نطلع نصور فيها لازم ناخذ فيها لفه وهاك التعليقات 😂😂 والبحر نمر عليه مرور الي جلسنا علي البحر في الحبيل والي عجبني فرق الانقاذ بالجبيل ابراج فيها منقذين يراقبون الاطفال ويطلعون الناس الساعه سته خلاص انتهي وقت السباحه ومولاتهم مو حلوه ابدن ماطولنا بالجبيل من العصر الي الساعه 12 احلي شي عندهم المنتزهات والبحر بس تفوز الشرقيه ومولاتها👍 والي مو حلو بالشرقيه تحديد نسبه السرعه القياده يعني يحددون السرعه 110 قبل لاينتهي الخط تقل السرعه الي 100 طيب اصبروا الين ينتهي الخط ماعجبني يعني تكلفت وانا اتابع السرعه تعبت طول الرحله الحمد الله رحنا وجينا مامسكني ساهر هذا من نجاح الرحله السعيده !!!!... وبس سلامتك صراحه اتمني تكرر رحلتنا للشرقيه في الشتاء سكري حالي معجب بهذا.
|
#202
|
|||
|
|||
رد: سناب سوالف قصيمي الكتابي
سكري حالي معجب مرره مرره بسناب رحله الشرقيه 🤚🏻😁 رحله مميزه واكشن بس هالي تصدق من القطيه😃 والا الثانيه الي تبي تذلكم عشان ابوها دافع تكاليف الرحله😁 بس اعجبتيني يوم تردين لها الصاع صاعين يوم تذلينها بقيمه البنزين😇 بس اهم شي ان الطريق سالك هاذي توصياتي وانتم ماتدرون لرجال المرور انهم يسهلون مهمتكم 😀 شكلك ياسكري تبي تذلهم وانت ماسويت لهم شي 🤭 والله وصرتو يالبنات تقطون وتطلعون سفرات مثلنا 😄 ماشاء الله عليكم حتي الجبيل ماخليتوه في حاله دقيتو سلف له 80 كيلو حتي حنا ماسويناها 😀 بانتظار رحله الشتاء وتقييم رحله الصيف عشره علي عشره🤚🏻 روعة ملاكـ معجب بهذا.
|
#203
|
|||
|
|||
رد: سناب سوالف قصيمي الكتابي
🤚🏻 شحالكم ياقسم الترفيهي 🤚🏻
هاذي جوله خاصه في القسم خلونا نوريكم شايفين المكان فاضي مابوه احد😕😷 مادري احد جاء من الاعضاء اليوم قيه اشوف اثار بس مو مبين ان احد جاء فيه🥱 اغلبهم جايين بالخفاء مايبغون احد يدري عنهم 😇 خليني اوريكم القسم هاذي صاله الطعام من غير كراسي 🤢 تعالو اوريكم خلني اشغل النور عشان تشوفون 😎 وهاذا المكتب الي تشوفونه الي لونه اخضر المدير الترفيهي للقسم مدري هو موجود ولا رايح لجيرانا الاقسام الاخري يسوي سنابات عندهم 😁 طيب حنا اولي منهم 😃 عادي عادي هاذي حريه شخصيه كل واحد يسوي سناب بمزاجه وماله دخل باحد 😎 تبونا نطلع فوق السطح نوريكم غروب الشمس😎
|
#204
|
||||
|
||||
رد: سناب سوالف قصيمي الكتابي
ً
انت دايم اذا دخلت المنتدي امر واخذ جوله هنا اشوف وش جديدك جوله وش زينها بس بلاط الدرج توه ماخلص انتبهوا لاتطيحون معه << كلا علي همه سرا ً سكري حالي معجب بهذا.
|
#205
|
|||||||||||||||||||||||||
|
|||||||||||||||||||||||||
رد: سناب سوالف قصيمي الكتابي
انا يوم اجي امس اخذ جوله ريحه المنتدي كلها فكس قلت بس هاذي روعه جايه القسم😄😄 لاني عارفك امس جايك ملخ مصع قلت بس هاذي هي مافيه احد غيرها متمرخه في الفكس الين عجزت 😂 انتي انتبهتي للدرج ماطلعتي ترا الدرج الحين كويس وفاتك البارح سناب غروب الشمس ونبي نعوضها لك باتسر في شروق الشمس 😄
|
#206
|
||||
|
||||
رد: سناب سوالف قصيمي الكتابي
اي والله باليوم مرتين امرخ بفكس
كانك تدري والله ،، كانها خفت علي الحمد الله بس لامن اشتغلت فيها شدت على شوي ... مافيه شي اسمه ارتاحي الشغل شي لابد منه ،،، بس الحمد الله احسن بكثير واستعمل كريم الدكتور الله ينفع به ولا يتكل عليه ،، بني ادم ضعيف والله
|
#207
|
|||
|
|||
رد: سناب سوالف قصيمي الكتابي
مساء العلم والمعرفه والتكنولجيا🤭
اليوم السنابات عن بعد شغاله وهو بالفصل عن بعد وهو يسوي سناب يقول انا قاعد بالفصل ادرس وهو علي الكنب وحاط المخده وهو يسوي سناب معاد باقي الا يقول للمدرس ارفع يدك خلهم يشوفونك بالسناب 😁 يعني اليوم حفله بدايه العام الدراسي عن بعد البعض مو عارف ومتورط ويش يسوي والي حاط المايك والمدرس يسمع شخيررره 😂 والي يقول لخدامتهم ويش الغداء مايدري ان صوته وصل لوزاره التعليم😁 طيب استفسار الي يدرسون ليلي عندهم دراسه عن بعد او يطلب الله ❤😆 بس الحذر يالشيبان باخر الليل وانت عندك حصه رياضيه عن بعد خلي السماعات والدراسه والمايك بعيد 😀
|
#208
|
|||
|
|||
رد: سناب سوالف قصيمي الكتابي
|
#209
|
||||
|
||||
رد: سناب سوالف قصيمي الكتابي
ههههههه
من بيدرس عن بعد ؟ ربعنا ماعندك احد مادرسوا عن قرب يدرسون بعد 😂 خاصه الاولاد الله يخلي المدرسين الخصوصين سكري حالي معجب بهذا.
|
#210
|
|||||||||||||||||||||||||
|
|||||||||||||||||||||||||
رد: سناب سوالف قصيمي الكتابي
اما في هاذي صادقه يالله من قريب عاد كيف من بعيد😇 علي حسب معلوماتي انهم بيأجلون الدراسه حتي اشعار اخر يقولون ماعرفوا الطلاب يدخلون علي المنصات الحين هاالمنصات ويشهي نسمع فيها وماندري ويشهي زي ماقلتي ياروعه ويشلهم والبعد 🤭 روعة ملاكـ معجب بهذا.
|
مواقع النشر (المفضلة) |
الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |