|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#511
15-07-09, 04:17 PM
|
|||||||||||||||||||||||||||
|
|||||||||||||||||||||||||||
ندو انتي عملتي تقشير قبل والا أول مره بتسوينه لاني افكر اسوي لكفوفي متبقعه بشكل كبير ومتعبتني ووش بيضتي من جسمك ؟وكم لك تستخدمين الكريم؟ معليش عالاطاله وشكرا.. تحياتي..
|
|
#512
16-07-09, 03:29 AM
|
|||||||||||||||||||||||||||
|
|||||||||||||||||||||||||||
اهلين ياقلبوو لا ماكد سويت تقشير عند عيادة بس انا سمعت انة يسرع عملية التبيض اما على التبيض بيضت وجهي ورقبتي تفتيح ويديني لحد الكوع مو لدرجة البهاق لان وجهي مافي بهاق فعلشان كذا مااهتميت ليكون لدرجة بهاقي اهم شي الجسم يوصل لدرجة البهاق لان البهاق عندي بجسمي 
|
|
#513
16-07-09, 04:13 PM
|
||||
|
||||
|
بناات في ذمتكم جاوبوني
مادري يمكن انا استخبلت مع البنكوين لكن بصرااحه لما تشوفون بنات كاشخاات ولا مسويين برونز ماتجيكم اراده قوويه انكم تحطوون البنكوين ..؟؟ بنات والله انا لما اشوف التلفزيون واكون كسلانه يجيني نشاط غير طبيعي ولا لما اروح عرس واشوف البنات اتمنى ان لون جسمي يكون موحد الحمدلله رب العالمين بس ان شاءالله اول مابيض بجرب البرونز لان خاطري فيه مع ان انا احسن من الف بنت تسوي برونز لان لوني نادر وبالاحرى الوانا نادره احنا الي نستخدم البنكوين الي هو (((لمرضى البهاق فقـــــط)) < حق الناس المتطفلين من الخارج.. والحمدللله على كل شي بنات والله البنات الحين قاموا يستخدموون ابر وحبوب وكبسولات بس عشان التبييض حمدوا ربكم على النعمه الحمدلله الف مره واحنا بناات وبيااض يعني بكره الشعراء تكتب فينا قصايد هههههه
|
|
#514
16-07-09, 06:26 PM
|
||||
|
||||
|
هلا والله وغلا بالعنود ؛؛؛
لا ما تخبلتي ولا شي هذا الواقع !!! حتى أنا لما أكون جالسة مع البنات كل همهم البشرة وشلون يصيرون بلون فاتح وأبيض وبدون مكياجات ويحطون خلطات ليلياً وشيل وحط وأنا من داخلي أضحك وأقول سبحان الله الكل مو عاجبه النعمة اللي هو فيها وما يعرف إنها نعمة إلا إذا فقدها اللهم لك الحمد والشكر، طبعاً هم ما يدرون عني ويقولون يا حظك مرتاحه ما تحتاجين خلطات !!! شفتي شلون حنا بنعمة والحمدلله من قبل ومن بعد ( هذا وأنا للحين ما استخدمت البينكوين!!! وحده مغرورة!!!) شدي حيلك واخلصي ولكل البنات اجتهدوا علشان نرتااااااااح وبالتوفييييييق للكل ودائماً وابداً الحمد لله والحمد لله والحمد لله .
|
|
#515
16-07-09, 07:20 PM
|
||||
|
||||
|
ههههههه يا العنود ضحكتيني
فديت عيونج اه بس اه متى نخلص ونجي في يوم من الايام ونقعد نقرا سوالفينه في صفحتج يا العنود ونقعد نضحك تصدقين انا مضايقه يا العنود بموت من الضيقه احس اني ماراح اخلص لانه قبل كنت استخدمه مرتين علشان اجازه والحين مره وحده استخدمه احس اني على كذا ماراح اخلص والادهى انه من كم يوم طلبت كريم البنكوين وطلع خربان والحين بيردونه وهذي يوميات كدوووووووووووووووووي
|
|
#516
17-07-09, 03:13 AM
|
||||
|
||||
|
خواتي الحبيبات شلونكم والله اني اتصفح بالنت ولقيت سواليفكم وجمعتكم كأني قاعده معاكم ناقصنا شاي ومكسرا خخخخ
المهم بشاوركم انا طلعلي بهق بس مومثل الناس بقع مدورة في اذراع وجوانب الافخاذ والصدر بس بدرجة متفاوتة يعني مو مرررة ابيض ... بس الوجه والكف والقدم ماجاني انا محتارة حيل لانه قام يزيد مجرد ما امر بظروف نفسية واجتماعية بس انا افكر بالتبييض هل هو سهل ؟ لان بالكويت قالولي علاجك الاشعاع وبيني وبينكم رفضت لان ادري بعالج شي وبيطلع عقب بقع بمكان ثاني وشالله حادني!! ودي ارتاح علما اني موظفه في مدرسة وانتو عارفين الدوامات والله اخاف التبييض ياخذ وقت كبير؟ قولولي اشرايكم ابيض او اعالج؟؟ وجزاكم الله خير ويارب تشفي كل مسلم مبتلي
|
|
#517
17-07-09, 03:45 AM
|
||||
|
||||
|
حيااااك الله أختي صبورة بين أخواتك ؛ جعلنا الله جميعاً من الصابرين؛؛؛
بالنسبة لأسئلتك يمكن البقية أكثر مني خبرة في هالموضوع لأني مثلك ما بعد بديت بالتبييض!!! وراح أقولك اللي أعرفه/ بالنسبة للي يقرر يتجه للتبييض لازم يكون البهاق اللي فيه نسبته كبيرة بحدود 80% من مساحة الجسم أو أكثر !!! وبعد يكون ما استجاب لكل أنواع العلاجات!!! أما إذا كنتي تستجيبين للعلاجات والأدوية وتحسين فيه تحسن ما أنصحك تتجهين للتبييض وتعالجي والشفاء بيد الكريم؛ والله يكتب لك الخير أختي وحياك مره ثانية وإن شاء الله الأخوات ما يقصرون معك.
|
|
#518
17-07-09, 04:46 AM
|
|||||||||||||||||||||||||||
|
|||||||||||||||||||||||||||
كدووووووي حبيبتي ان شاءالله راح تخلصين ونخلص كلناا لان كلنا قطعنا نص المشوار والحمدلله شي اففضل من لا شي  وبخصوص الكريم حبيبتي حمدي ربج انتي بديتي يعني مو توج مابديتي انتي الحين في بداية المشوار والكريم راح يجيبون لج غيره افضل منه وراح تبتدين تحطينه وصدقيني اسبوع او اسبوع ونص مايأثروون لاتضايقين صدقيني مايأثر هذا كله اذا انتي مصمممة عالتبييض وبالنسبه انج تحطين مره وحده ولا مرتين حمدي ربج ياابنت انج تحطينه من الاساس شي افضل من لا شي يعني مره افضل من انج مااتحطينه كلش ربي يوفقج وبقولج شغله حاولي تنظمين وقتج مثل ماكنت اسوي على ايام الثانويه نظمت وقتي وقمت احطه مرتين فاليووم  السالفه كلها سالفه وقت !! ربي يوفقج ان شاءالله وشوفي بقوولج بما ان هالصيف انلفونزا الخنازير  والكل ماسافراذا خلصتي تبييض انا عازمتج على حساابي سفرة لندن الصيف الجاي ..عاد قبلها بنروح المركز الوطني وبنعبي شنطة سفر كاملة بنكوين 
|
|
#519
17-07-09, 04:48 AM
|
|||||||||||||||||||||||||||
|
|||||||||||||||||||||||||||
صح كلام اختي جاية متأخر انا مابتديت استخدم البنكوين الا لما جربت تقريبا كل علاج انتي سألي الدكتور وحاولي تراقبين البقع هل هي تنتشر او لا لان على كلامج ان البقع عندج خفيفه وصغيره ومتعددة اما انا والله جسمي خارطة من قبل لا احط البنكوين حاولي انج تتخذين قررارج عشان ماتندمين بعدين واستخيري واسمحيلي اذا صعبنا عليج المووضوع لكن احنا نقولج هالكلام لان اذا استخدمتي البنكوين مامنه رجعة ..
|
|
#520
17-07-09, 07:29 AM
|
|||||||||||||||||||||||||||
|
|||||||||||||||||||||||||||
مرحبا اختي صبوره بفضل الله وحياك الله بين خواتك  بالنسبه للتبييض ياعزيزتي يتطلب منك شجاعه وصبر واذا انتي شايفه ان جميع العلاجات اللي استخدمتيها ماجابت معاك نتيجه وان بهاقك نسبته كبيره انا انصحك بالتبييض ووفري على نفسك وقتك وتعبك وجهدك خذيها من قاصرها مثل مايقولون وتوكلي على الله وكل شي يبي له وقت ويبي له صبر وبالذات البنكوين >>>>> وحده متعقده من البنكوين.. عالعموم عزيزتي استخيري قبل كل شي والله يكتب لك اللي فيه الخير .. والله يشااااااااااااااااااااااااافينا جميعا عااااااااااااااااااااجلآ غير آجل ياااااااااااارب العالمين تحياتي اختك دلـــــع عجمـــيه 
|
|
| مواقع النشر (المفضلة) |
| الذين يشاهدون محتوى الموضوع الآن : 21 ( الأعضاء 0 والزوار 21) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
