|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع |
التقييم: 
|
انواع عرض الموضوع |
|
#841
13-10-10, 09:10 AM
|
||||
|
||||
ربشه وينك :
ابي اجيب سالفة حبوب الخروع ..
|
|
#842
13-10-10, 10:29 AM
|
||||
|
||||
|
كنا انا واخوي علي : مسيرين على قوم عمتي ام سعود ..
ولدها سعود اكبر مننا ولا كان يلعب معنا بس كنت العب انا وعطاالله واخته سعدى واخوي علي .. كنا بالإبتدائي بس ناسي بأي سنه اربع خبلان خخخخخخخخخخخـ كنا نلعب بحوش بيتهم .. وبعد شوي شفنا ( طلال ) ولد جيرانهم .. يوايق علينا من فوق الجدار قريب من شجرة الخروع اللي ببيت قوم طلال بس ان اغصانها واوراقها طالع على بيت قوم عمتي عاد يوم شفنا طلال : قلنا له .. ياويلك نبي نحرش عليك ابوك .. نبي نقول طلال يوايق على بيوت الناس .. قال انا ما ابي اوايق على احد انا طالع على الجدار عشان آكل من الخروع الخروع له ثمره غريبة الشكل : كنها كوره ولها زوايد كنها شوك بس ما تبط وداخل كل كوره مجموعة حبوب ( بذور )  قال طلال انه يبي ياكل من بذور الخروع قلنا له : ليش هو ينوكل .. قال ايه ينوكل .. قلنا ياخوك اقطع لنا .. وخلنا نشوفك تاكل بعيوننا قام يطلع البذور من الكوره وياكل قمت اسوي مثله اول بذره اكلتها بغيت اطرش من مرارتها .. وبعدين شفت طلال ياكل كثير قمت ازرطها زرط ولا اقرشها .. لين وصلت حوالي : سبع مدري ثمان مدري وش كثر بالضبط انتهت سالفة طلال والخروع .. ترا الشله الخبلان اللي معي بعدما قلت لهم ترا طعمها مر .. ازرطوها زرط سمعوا كلامي وقاموا يزرطون البذور .. لين نزل طلال .. الكلام هذا بعد الظهر .. يوم جاء المغرب .. وانا تقوم بطني تعورني وترتفع حرارتي وبعدها بساعه يطيح اخوي علي بنفس المشكله ونروح للطبيب .. وعطونا علاجات .. ما قلنا لأحد وش اكلنا .. يوم تأخر الليل .. تقوم بطني تعورني .. وكل شوي رايح لدورة المياه .. وقمت بعد كل شوي اطرش <<< اعزكم الله فيه واحد صديق ابوي كان عندنا ثاني يوم .. سأل ابوي قال قله وشهو ماكل .. هذا تسمم .. المهم اني اعترفت : بالسالفه قال : خلوهم يكثرون من الزبادي ودامهم قاموا يرجعون وكل شوي بطونهم تطلع اكيد انه صاير لهم غسيل معده طبيعي .. وان شاء الله ما عليهم خلاف ترا عطاالله واخته سعدى نفس المشكله صارت لهم من جد يا شباب : حسيت اني بغيت اموت من التعب ووجع البطن .. ترا خوي ابوي قال خلوهم يكثرون من الترويش .. الحين كل ما تروشت بعد صخونه تطري علي سالفة الخروع بعد فتره قابلنا طلال وقلنا له .. ياخوك وش صابك من الخروع قال ما صابني شيء .. يقول طلال : انه كان يجدع البذور من وراء راسه وهو فاتح فمه كنه يحطها بفمه وهو يتسذب .. كان فعلا يبي يوايق علينا وحنا نلعب ويوم قلنا نبي نحرش عليك طرت عليه هالخدعه عشان يضحك بها على الخبلان خخخخخخخخخخخخخخـ وغدان وما حد يواخذنا .. الحين لو اي واحد يقول .. كل اي شيء .. لازم يكون طعمه حلو خخخخخخخـ اقصد لازم اعرف هل ينوكل او ما ينوكل .. احس اني كبرت وصرت افهم شوي
|
|
#843
14-10-10, 05:02 AM
|
||||
|
||||
|
بداية احلامي : اول ما صرت اسوق زين
وأروح اودي للغنم علف او اودي غرضان للراعي كنت حاط على برنامج بالراديوا .. قصه وقصيده .. قصه وابيات وبعدين راعي البرنامج يشيلها على الربابه اذكر اني تمنيت اني اصير مذيع بالراديوا .. واستمريت احلم اني اصير فعلا مذيع حتى بعد الثانويه : دخلت قسم اعلام وتخرجت بكالريوس اذاعة وتلفاز .. وبعدين توظفت بوظيفه مالها علاقه بالاذاعه والتلفزيون ( تيسرت امورها واهل الشور قالوا لي هذي احسن لك وازين راتب ) بس الحين اغلب اعمالي اعلاميه بالمكان اللي اشتغل فيه ..
|
|
#844
14-10-10, 05:03 AM
|
||||
|
||||
|
حبيت وحده كانت تجي مع ابوها يم وقفة الغنم ( الحراج )
ابوها شريطي .. ويجبها معه .. نفس عمري ( بالابتدائي ) دايم اذا رحنا نجلب طليان مع ابوي .. حيل اهتم بنفسي واكد شعري عشان تشوفني ذيك البنت مع انها مو مثلي .. ولاهي حاسه بشيء بس انا اتميلح وبس اجرجر الطليان بالحبل كني قوي اذكر بالخميس اللي بعد عيد الفطر ما طعت اروح مع ابوي لسوق الغنم سويت حالي مريض لأننا اعتمرنا برمضان .. وابوي خلانا نحلق موس خخخخخخخخخخـ صرت اصلع .. وما بي البنت تشوف راسي اقرع .. ابطيت ما اروح للسوق لين طلع شعري وبعدين صرت اروح ولا عاد شفتها ..
|
|
#845
14-10-10, 05:11 AM
|
||||
|
||||
|
حبيت وحده كانت تجي مع ابوها يم وقفة الغنم ( الحراج )
ابوها شريطي .. ويجيبها معه .. نفس عمري ( بالابتدائي ) دايم اذا رحنا نجلب طليان مع ابوي .. حيل اهتم بنفسي واكد شعري عشان تشوفني ذيك البنت مع انها مو مثلي .. ولاهي حاسه بشيء بس انا اتميلح وبس اجرجر الطليان بالحبل كني قوي اذكر بالخميس اللي بعد عيد الفطر ما طعت اروح مع ابوي لسوق الغنم سويت حالي مريض لأننا اعتمرنا برمضان .. وابوي خلانا نحلق موس خخخخخخخخخخـ صرت اصلع .. وما بي البنت تشوف راسي اقرع .. ابطيت ما اروح للسوق لين طلع شعري وبعدين صرت اروح ولا عاد شفتها ..
|
|
#846
14-10-10, 05:12 AM
|
||||
|
||||
|
صراحه كنت : مدلل حيل .. مو بمقاييس الدلال حق هالايام .. كنت مدلل بس في ملازمة ابوي
ابوي الله يطول بعمره : كان ما يدانينا نلعب مع احد .. حتى بالشارع ما نطلع بس دايم نروح معه للغنم وللعزايم .. واللي نبي يجيبه لنا .. اما لو نطلع نلعب بالشارع .. يصرعنا يقول تلعبون مع الدشير ولا يداني يشوفنا نلعب كوره .. ولا حتى نتابعها على التلفزيون عمل عندنا عقده من الكوره حتى يوم بديت ادرس .. صرت ما احب العب كوره اذا جت حصة الرياضه : ما اجيب ملابس واحيان كثيره يخلوني القط القواطي ومعي مجموعه .. نلقط القواطي من حول ملعب الكوره .. لأننا نتفسح به وقت الفسحه عادي : اهم شيء ما العب كوره خخخخخخخخخخخخخخـ على طاري الكوره : مره كانوا عندنا قوم عمتي ام سعود .. وكان فيه مباره للهلال : عاد عطاالله يموت بالهلال ابوي مدري وين كان .. مدري معزوم وإلا كان عند الغنم عاد جاء والمباراة شغاله .. وعطاالله فاتح فمه على التلفزيون على دخلت ابوي علينا .. جاء هدف للهلال .. قام عطاالله ونقز على ابوي يحبه ويقول .. يا خالي هدف هدف ابوي سطره على وجهه وقال : غدي غدي غدي .. هالحين ما تحب خالك إلا عشان الهدف لا عاد اشوفت تناقز ولا تبحر بهالكوره حقت الدشير
|
|
#848
14-10-10, 06:59 AM
|
|||||||||||||||||||||||||
|
|||||||||||||||||||||||||
وجعخ .. اكيد تقولين تراني قاعده اضحك على خبالك ..  وإلا ليش حاطه هالوجه الاخضر ..هونت مو ماشي على الوعد تذكرين يوم اقولتس ابي اجيب لتس نظاره خضراء .. تراني هونت .. عشان هالوجه الاخضر اللي كنه زاري علي وعلى قصة حبي بسوق الغنم .. صح يا تفاصيل تحسفتي انك قلتي بخ .... راحت عليك النظاره خخخخخخخخخخخخخخخخخخخخخخخخخـ
|
|
#850
03-02-11, 03:23 AM
|
||||
|
||||
|
متابع ..
|
|
| مواقع النشر (المفضلة) |
| الذين يشاهدون محتوى الموضوع الآن : 17 ( الأعضاء 0 والزوار 17) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
