العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
النوم ياحارم عيني النوم....عتاب لطيف للزوجات (!)
سرقت النوم من داخل عيونى*** وخليت السهرفيها مؤبد أقاسى الشوق ماتغمض جفونى*** ونار الصبر فى قلبى توقد نجوم الليل عنك خبرونى*** حبيبك بالهوى مثلك و أزيد وأنا حبيت حبك ياجنونى*** على حبى جميع الناس تشهد غرامك حل فى كنى وكونى*** وقيدنى وأنا إللى ماتقيد خلاص إرحم وخفف لى شجونى*** فموتى صار فى حكم المؤكد أنا أخوكم أبو لمى والرزق على الله
السلام عليكم واحد من أعز أعز أعز أخوياي.. يتقدم لبنت هاليومين..وقد نصحته بها لأني أعرف أهلها عسى الله يجمع بينهم على خير طبعا عطيته طريقة التنسيقات من وإلى وقلت له حافظ على السرية التامة حتى مخدتك لاتقول لها يمكن تعلم عليك الحمد لله موضوعه على وشك الإنتهاء..ولكنه دق علي نفس اليوم الي بيروح لهم فيه هو وأبوه وقال لي تكفى يابو لمى ماجاني النوم من البارح ووجهي شاحب قلت له رح للحلاق وسلمي لي عليه واغمزه بـ 70 ريال يصنفر وجهك ويزين العوارض ثم ارجع اشرب لك موكا بلكريم كراميل عشان تصحصح لاتروح للعرب تتثاوب تفشلنا يالأثول ... عندها تذكرت أيام الخطوبة وزواجي الأول الله يسامحها بس ...أرسلت لها مرسوله من قرايبنا وقالت لها. ..ويوم جاني الخبر انها موافقه بغيت اسوي دبل كيك في الصاله من الوناسه ومسكت قريبتي وقلت لها أسألك بالله وش شعورها لما كلمتيها. .قالت والله انها بغت تطير من الفرحه بس ماتبي تبين...يالهوي ياخرابي ماني مصدق تذكرت الي يقول أم ذاك شأن الغيد يبدين الجفا ...وفؤادهن من الصبابة دامي طبعا انا بغيت اتشقق من الوناسه..وراح أحاول اوصف لكم احساسي ولاتضحكون... للي يلعبون ملاهي تعرفون لعبة الشوّايه..الي تنزل وتطلع بسرعه ..هماهو يدخل هوى في اجسامنا يدغدغنا صح؟؟ نفس الشعور وللي مايلعبون ملاهي...نفس شعورك اذا لعبت بالمرجيحه حقت الكورنيش والا الحديقه أو الحبل المربوط عندكم بالسقف واحاول انام ذاك اليوم والله ثم والله ماطب عيني النوم واني اتقلب تقول ضب جاه طلقة ساكتون في راسه وأدمنت اغنيتين وحده لطلال مداح اسمها (سيدي قم لاتنام وفي السما باقي نجوم) والثانيه ورده الجزائرية شعوري نحيتك..شعور كبير كبير شعور بمحبتك مليان احاسيس كتير أما ليلة الزواج....هذي الي من جد نسيت النوم وش هو..وش لون يجي ومتى يجي ووش يسوي بالادمي ... وعلى فكره كثير من الي اعرفهم صار لهم ماصار لي وراح تتذكر كلامي يالشيعوف الخبل مانقول الا سامح الله من حرم عيوننا النوم
|
#2
|
||||
|
||||
مشاء الله عليك يابولمى
تشتغل خطابه هاليومين وماعلمتني اسمع حنا اتفقنا النص بالنص واجيبلك زباين ...... ذكرتني بزوجي ايام الخطبه تصدق انه ماعرف يلبسن الخاتم جت اخته تساعده والعصير ... حدث ولا حرج تقول راكب ونيت... قلت عساه ماينكب علي بس خخخخخ بس عوافي سويت خير بس ترى ابرسلك واحد من طرفي وهالله هالله بالحرمه الزينه
|
#3
|
||||
|
||||
هههههه
موضوع رهيب خذ هالموقف انا يوم الملكه من شدة الفرحه قمت اخبص اول ما دخلت حبيت جبهتها لا شعوريا ههههههههه عوافي
|
#4
|
||||
|
||||
والله وصرت خطابه ياعذب
اقول صاحبك يدري ان لها معرف بقصيمي نت او جاحد عليه خايف ما يعطيك المقسوم
|
#5
|
|||||||||||||||||||||||||
|
|||||||||||||||||||||||||
ههههههههههه اختبصت وحبيت جبهته ياليتك كل يوم تختبص
|
#6
|
|||
|
|||
باب النجّار مخلوع .. أنفع الناس ولا أنفع نفسي شفتي شلون مره جلست مع واحد راعي زواج مسيار في جّده ....انا وواحد من الشباب قلنا نبي نشوف وش عنده وش الي ماعندهـ عاد مابقول لكم القصه كامله المهم انه من كثر العروض الي عنده ..قلت له على طول انت ياشيخ كم مزوج؟؟ قال وحدهـ... على طول قلت لخويي...كبّه ماعليك منه....لو فيه خير نفع نفسه انا بالنسبة لي في النضرة الشرعيه ...ماشفت الي قدامي ولاعرفتها ولاميزت ملامحها ودايم استفزها .أقول ترى تزوجتك وانا ماشفت خشتك....!! ... استنتجت من ردك ان اصبعك منتفخه ماشاء الله تبارك الله عشان كذا استلزم الأمر تدخل خواته وامه
|
#7
|
|||||||||||||||||||||||||
|
|||||||||||||||||||||||||
هذا مايسمى اختباص هذي هي الدرعمة على أصولها بالله عليك كيف النوم معك ...جاك والا جحدك !!! أصدقني القول فديت خشمك
|
#8
|
|||||||||||||||||||||||||
|
|||||||||||||||||||||||||
ياخي أوما انتم مايسولف معكم الرجال استشارني قال تعرف البيت الفلاني قلت أنشهد قال توصيني ...قلت ابتل هل هذا يعني اني خطابه ليتك قلت خطّاب عالأقل يابو أروى مهيب الهقوه تكفى
|
#9
|
|||||||||||||||||||||||||
|
|||||||||||||||||||||||||
ههههههههههه اصبعي منتفخ ... حتى لو اصابعي مليانه مايعرف يقوسون قبل مايلبسونن إلا والله من الرجه والخوف.. كان ياماكان ذكريات كانه صايره امس
|
#10
|
|||||||||||||||||||||||||
|
|||||||||||||||||||||||||
ماتلاحضين يابسمه اننا نحن للماضي كثيييييييييييييير أتذكر قبل الزواج يوم اني مثل الطير الحرّ اطلع على كيفي واتمشى على كيفي واسافر على كيفي مهوب زي هلحين لازم استئذان وتوقيع ومن هالقبيل لا...وحتى مع الاستئذان وحب الخشوم في زعل بعد الله يرحم زمان أول
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |