العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
قرب نفط السعودية ينتهي وبعدين
كلنا نعرف ان المملكه العربيه السعوديه واغلبية دول الخليج تعتمد على البترول كمصدر دخل اساسي للدوله وفي شرح لاحد الخبراء لتفاصيل الميزانيه الاخيره اعلنو ان المخرجات البتروليه نسبتها 93% من الميزانيه ! << تضارب اعلانه مع اعلان مسؤولينا والبترول يعتبر من اغلى الكنوز الي توجد تحت الارض ومن اكبرها قيمه في وقتنا الحالي لانها تعتبر عصب الصناعات بمختلف انواعها واشكالها ! ولهالسبب اغلب الدول تستورد النفط من دول الخليج بكميات مهوله وبمبالغ ايضاً مهوله وشفنا فالسنتين الي راحو ان النفط كان يوصل لفوق المية دولار للبرميل الواحد ! وفي بعض المواقع حسبولنا اياها حسبه رياضيه متقنه وطلع ان مردود المملكه من البترول وصل ل ترليون و مئة مليار وشوية كسور هههه لاحد يسالني ويقولي كيف وان الميزانيه المعلنه باكملها اضافةً للمرور والمخالفات والجوازات والجمارك والسياحه والسياحه الدينيه ( مكه والمدينه ) و و و الخ طلعت اقل من هالمبلغ بكثير ! لاني ماعرف الجواب ولااحد يعرفه !! لكن اعتقد انها لاسباب في مصلحة الوطن والمواطن عموما , كنت اقرى من فتره عن ابحاث وغيرها , تقول هالابحاث ان النفط اذا استمر استهلاكه على النحو الي صاير الان فراح يستمر لعدة سنوات وسينتهي !! ينتهي !! ينتهي !! ينتهي!! انتو فاهمين وش معنى هالمصطلح ؟؟ مستوعبين قد ايش وقعه على الاذن قاسي جدا جداً ! النفط << الي صار مرادف لاسم المملكه ينتهي فيها ! هالشي معناها بكل اختصار , تمر ومويه! والي يشوف ان 93% من الميزانيه تختفي يعرف وش معنى تمر ومويه!! بنرجع زي زمان الدول الاجنبيه حتى ماراح تحتل السعوديه وبيقولون ليه نحتلها وهي مافيها شي ! طبعا الى ظهور النفط وتغير نظرتهم ونيتهم لهالشي والي وقفها الملك فيصل بتهديده الشهير !! طبعا طلعت تصريحات مسؤولين تكذب هالتقارير وتقول ان النفط على الاقل راح يستمر لخمسين سنه قادمه ! طيب نقول ان تصريحات المسؤولين صحيحه وان دراساتهم تتفوق على دراسات الاجانب الي هم نفسهم الي استخرجو النفط اول ماطلع وخصوصا امريكا الي متقدمه اكثر من 20 سنه في مجال استخراج النفط والي حتى الصين والسويد ماوصلت لمواصيلهم ! طيب بما اننا صدقنا تصريحات المسؤولين في هالمجال ! نفس الخبراء الاجانب طلعو تصريحات قبل سنوات ان استخراج النفط بهالطريقه الغريبه راح يؤدي الى زلازل راح ترتفع مقاييسها مع كثرة الاستخراج ! وطبعا هالشي ماحد صدقه فالبدايه لكن فالنهايه زلازل خفيفه في بعض المناطق القريبه من الآبار وصلت بعضها ل 4 درجات بمقياس ريختر وطبعا تعتيم اعلامي رهيب جدا وعلى فكره السعوديه متقدمه في مجال التعتيم 20 سنه عن الدول الثانيه والان بعد هالزلازل السعوديه بدات في نقل مياه الشرقيه لهالابار ووضعها مكان البترول المستخرج ولكن كالعاده الابحاث الاجنبيه ماتخلي احد فحاله لانها اعلنت ان هالحل راح يكون حل جيد للفتره الحاليه لكن اذا استمرو على هالوضع كم سنه قدام راح يكون هالحل مامنه فايده وراح تكون في زلازل قويه جدا! طيب والحل ؟؟ تتوقعون بيستمر استخراج النفط وقتها ؟؟ وهم عارفين ان اي استخراج للنفط = زلازل وهدم ودفن احياء في اماكنهم ؟! الشاهد !! ليه مايكون عندنا عمل للمستقبل ؟! ليه نظرتنا فقط ليومنا ومافي نظره لبعد سنوات! النفط هذا موب من حقك انت يالمواطن بس !! حقك وحق عيالك وعيال عيالك ! ولازم تسوي كل شي لضمان استمراره لسنوات وسنوات ! او الاستفاده منه بشكل يخليه اول مايخلص يكون شي عادي ومايكون كارثه على المجتمع !! عندك دول زي السويد والنرويج ! النفط عندها كثير جداً لكنها ماهي دول مصدره للنفط بشكل كبير زي السعوديه ! هل لانها غبيه او ماعندها القدره او او او ؟!؟ او لان كل استخراج وتصدير للنفط مدروس بعنايه ودراسات لعشرين وثلاثين سنه قدام للاستفاده منه بافضل شكل ممكن لانه فالنهايه هذي كنوز تحت ارضك ماصنعتها لاانت ولاغيرك ! انت فقط كنت محظووظ بانها كانت تحت ارضك وكل كنز فالدنيا ومصيره ينتهي ! طيب خلونا من السويد والنرويج باعتبارهم دول متطوره و و و الخ قبل فتره كنت في الدوحه وطول الطريق فالشوارع اشوف لوح كبير مكتوب عليها ! رؤيه , vision , نظرتنا للمستقبل ! 2030 << وهالرقم منتشر فالشوارع بشكل يخليك تحس ان نهاية العالم بهالتاريخ ! فالنهايه تلقاهم كاتبينلك ان رؤيتهم انهم في 2030 يوصل مدخول النفط لاقل من 30% من مدخول الدوله ! << ماني متاكد من الرقم !! يفكرون ببعد سنيييين من الان ويعملون لها بجهد ! رحت لمدينة مسيعيد , مدينه مثل الجبيل عندنا ! ولقيتهم فاتحينلك اكبر مصنع الومنيوم في العالم ! يصدر كميات مهوله وخلال كم سنه راح تكون المصدّر الاول للالمنيوم ! ومصانع ومنشئات اشياء تخليك تعرف انهم شغّالين للمستقبل وماهي مجرد شعارات تعلق في الشوارع ! وصلت لارض مسوّره وعليها حراسات وامتدادها كبير جدا ! هالارض هي مكان الابحاث في كيفية الاستفاده من الطاقه الشمسيه والي وصل دعم الحكومه لهالمشروع والابحاث لاكثر من 10% من ميزانيتهم ! للاستفاده منها لان الشرق الاوسط غني جدا بهالطاقه واكتشفو طرق كثيره جداً للاستفاده منها لدرجة انهم بدؤو يمدون بعض مصانعهم بالطاقه من خلال الطاقه الشمسيه الي مابقى من عيوبها الا ان طرق الاستفاده منها مكلفه جداً للدوله والابحاث الموجوده الان هي لدراسة كيفية الاستفاده منها بابسط تكلفه وراح تكون قطر السبّاقه للاعلان عنها متى ماوجدت الحل لهالشي !! مشيت في اغلب شوارعها ! تكاد تخلو من شارع مافيه مشروع ! المدينه التعليميه , هذا شارع على امتداد سبعه كيلو ! على اليمين جامعات عالميه في طور البناء وخلال اقل من سنه بتخلص ! جامعات هولنديه امريكيه فرنسيه من كبرى الجامعات العالميه! وعلى اليسار على نفس الامتداد سكن طلابي مهول يمتد على نفس المسافه !! من سنتين كانت فيه ازمه عاصفه في السكن فيها ! خلال سنتين فقط انتهت شركة مقاولات من بناء اكثر من 39 كامباوند عملاق يحتوي الواحد فيها على الاف الاف الشقق ! بايجارات رخيصه جدا جدا لدرجة ان فالبدايه سوو قرعه على المتقدمين للسكن والان في طور الانتهاء من بناء مساكن تمتد على مسافه مخيفه ! وغيرها وغيرها من مشاريع الاسكان ! وهذا غير الاعلان الي كنت اشوفه في الشوارع وكنت انغبن منه !! الان , لاقوائم إنتظار ! استلم قرضك السكني فوراً ! وبيجيك واحد الحين ويقولك شوف سكانهم وشوف سكاننا والكلام المستهلك! واقوله شوف ميزانيتنا وشوف ميزانيتهم ! شوف هم وش يصدّرون وحنا وش نصدّر ! هم يصدرون الغاز ! انتم عارفين ان الغاز السعوديه زمان كانت تحرقه فالجو ! ههههه وقطر الان قاعده تعتمد عليه اعتماد شبه كلي وقاعده ترفع دولتها فوووووق من خلاله !! إقتباس »أعلنت دولة قطر رسميًا عن الموازنة العامة الأكبر في تاريخها للعام (2011-2012) مع إيرادات بقيمة 162.474 مليار ريال قطريليه دوله زي قطر ايام ابو حمد كانت الولد المطيع للسعوديه لدرجة ان السعوديه كانت ترمي بعض القبائل عندهم ! وهم لاحس ولااي اعتراض! كانو بعضهم يجون السعوديه يشتغلون ! كانت جدا جدا عاديه ومبانيها تحسها من مئة سنه ماهي من عشرين سنه ! مافيها صناعات مافيها جامعات مافيها شيء واذا احد يبي يشرح موقع قطر على الخريطه يقول للاجنبي ,, بجانب السعوديه ! والان بدؤو يتعدونا وبمراحل !! بمراااااحل !! وحنا إلى الان مكانك سر وشارع واحد نقعد خمس سنين نبني فيه !! |
#2
|
||||
|
||||
الميزانيه البترواليه المعلنه هي في الواقع غير صحيحه بتاتآ
ولعلك تتذكرين عندما اعلنت المملكه عن ميزانيتها والمخجل اعلنت بعدها الإمارات وكانت اكبر من ميزانيتنا واصبحت فضيحتنا بجلاجل !! كيف دوله كالامارات وهي اقل من المملكه تصدير للبترول تكون ميزانيتها اكبر !!! يوجد عندنا شح بالاراضي والاراضي فارغه لمن كل هذا الفراغ !! المستشفيات رديئه الشوارع رديئه التعليم رديء كل شي ء اصبح رديء ولاتجد جواب لسؤوالك !!
|
#3
|
||||
|
||||
للأسف نحن لم نستفد من البترول كما ينبغي وسنندم إذا استمر الوضع على ما هو عليه حيث أن المستهلك إذا نفذ ماله أصبح عالةً على غيره ..
|
#4
|
|||
|
|||
ام سكره امة
ينتهي بلي مايردة ونرتاح وش لقينى منه غير الفقر والدليل
|
#5
|
||||
|
||||
احاديث غامضة حول البترول
|
#6
|
||||
|
||||
أجدادي ماكانو يعرفون البترول
وكانو عايشين على البلاد يذرون ويحرثون ويدمسون ويسقون والنتاج يأكلون منه.. ماقعدو يطالعون لأحد يعينهم إلا الله وماتدرون يمكن ربي يجعل بعد غنى فقرا وبعدها يحس اللي كان يكذب صدق بالفقر الحقيقي اللهم أرزقنا وأرزق منا .. الله يعطينا خير ذا الدنيا ويكفينا شرها وشكرا
|
#7
|
|||
|
|||
مشكوووووور والله يعطيك الف عافيه
|
#8
|
||||
|
||||
أول شيء..هالنفط وش شفنا منه الله واكبر..
ماراح نحس بالفرق..إذا مستشفياتنا الحكوميه كلها صراصير.. والمبنى مو ذاك الزود..والخدمات الله يرحم الحال.. وثانيا..مو كله تكذيب للخبر..خيرته بيخلص بيخلص.. بس إيش معنى بترول السعوديه هو اللي بيخلص...والكويت طيب هم بعدنا من حيث كمية الإستخراج.. ثالثا..من قال لك إننا بنرجع على البعارين ياكــــــــــــاااااافي.. روحي لافيقيا تشوفين سيارات وبيوت وفلل.. مع إنهم فقر في فقر..وماعندهم اللي عندنا.. مو لهدرجه عاد..صحيح بيتغير أمور كثيره بس مو لدرجة نرجع للبعارين..
|
#9
|
||||
|
||||
رزقكم في السماء وما توعدون
اللي رزقك بالبترول اكيد بيرزقك بغيرة ومامن دابة على الارض الا على الله رزقها بعدين تقريرك عن قطر واضح انة اعلامي بحت وقطر بتسير اكبر مصدر المنيوم في العالم طيب وخام الالمنيوم من وين بيجيبوة ياحضي بستوردوة ويصهروة ويعيدو تصديرة يعني تخبيط مش تخطيط مهما ارتفعنا وارتقينا يالعرب تضل نضرتنا بستوى سطح الارض انسي اي هرطقات اعلامية حول اي تخطيط لأي عربي قطر خادمها حقل الشمال للغاز وعدم استغلالة من قبل ايران باسباب الحضر ايران ميب غبية ومش فاهمة ان الاستغلال القطري للحقل بلغ حدة ولاتنسين ان عدد سكان قطر لايتجاوز عدد سكان مدينة الخرج احد اضغر محاقظات المملكة يعني ريحونا شوي من النفخ الاعلامي هريتوووووووونا
|
#10
|
||||
|
||||
والي يشوف ان 93% من الميزانيه تختفي يعرف وش معنى تمر ومويه!!
وش فيه التمر والمويه ..! يكون بعلمكم التمر يحتوي على عناصر غذائية كفيلة بأنها تغنينا عن أصناف الطعام مما لذ منه وطاب .. والمويه ..الا يكفينا قول الله تعالى ( وجعلنا من الماء كل شيء حي ) يعني احنا نحيا بوجود الماء ...وليس بوجود النفط ..! لو أضمن أنه بالفعل راح يتواجد عندنا التمر والماء راح اقولك كل شي بعده يهون ..! وبعدين أنا عندي فكرتين متى ما كنا نستعرضها دائمًا راح نرتاح في أشياء كثيرة؟؟ الفكرتين هي : 1_ لا تفكر وتتعمق في التفكير في أمر ربما يصير وربما لا يصير , واهنأ بما بين يديك من أي شيء تملكه من الأكل والشرب وكذلك الوقت , عش يومك والي هيأه الله لك ولا تحاول أن تتطاول بالتفكير لتصل لأمور غيبيه , قد يأخذنا الموت ولا نصل لها فلا نحن طلنا عنب اليمن ولا بلح الشام ..! 2_ تجنبوا قدر المستطاع عملية المقارنة ..! المقارنة في شيء لا تملك فيه حيلة ..تعتبر طريقة قاتلة ..ولا تكثر من قول كنا وأصبحنا لان الدنيا دواره .. يوم لك ويوم عليك ...وقطر كانت بالأمس ولا شيء ..واليوم كل شيء .. وهكذا هي الحياة ..!! تحياتي ..
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |