العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
يالبرد تكفى ماخلصنا المعازيم...نوّخ ركابك تو مازان جـــوّك
أغلب الناس يحبون البرد ليـــه؟؟ ماندري!!
الحب من ربي يجي ماله أسباب <<مثل ماقال المريخي>> جوه يخليك نشيط وفرحااان دايم أنا من دخلت البرد وأنا فاكتن هالكشرة عكس القيظ _ولاأعتراض على أقدار الله_ أحس أن نفسي على راس خشمي ويمكن البعض مثل حالتي وشايلة هم للصيف والحر والأشياء المصاحبة له<<مايحتاج تفصيل>> طبعا شكيت لاقرب حبيبة على قلبي أميمتي قالت :ياخلف العربان لاتشيلين همّ أدق على أخوتس هالحين أخليه يحجزلتس يوم الخميس على جنيف قلت: لاماما مليت منها قالت: وين تبين أنتي تآمرين أمر قلت: أبي أسكتلندة <<مشوار مع هالكلمة>> قالت: تـــــمّ وتلحق هالكلمة رشاش مزرعة من أمي دخلت معه جو وحلمت اني بين ربوع ورياض أسكتلندة البرد وقصة عشقي وغرامي المفعم له.. بس المشكلة أنه ماأعطانن وجه ..ترجيته..طلبته..قلطّته..لكنه أبــــى.. وفي لحظة الرحيل وبينما البرد يلملم عفشة ويقشع خيامه ويطوي زهابه سالت دمعة من عيني فالتفت البرد على صوت شهيقي ثم نظرتُ إليه نظرة مودع وقلت له: تكفــى لاتطول علينا قال: وش أسوي بالقيظ مايعطينن فرصة أحبابه اكتير امنيح وبعد مدة من العنااااق والتقبيل والدموع والتي لم تستعطف روح البرد قال : توصون شي قلت: أيـــه بالله قال:تامرون أمر قلت: تمرح عندنا هالأسبوع قال: تمرح عندكم العافية مانقدر ورانا سفر وقطعة طريق عندها نكّست رأسي وحاولت أن تخنقني العبرة لكنني انا من خنقتها ..نعم أنا من خنقتهاوقلت لها ياسود ليلتس أن نزلتي انتي عندك كرامة وهالمخلوق مايبيك أفهميه لاتلزقين <<كناية عن اللي يتلزقون>> انخرشت العبرة وقالت على رسلك يالدمعة استجمعت قواي ورفعت بصري الى هذا المخلوق وقلت له : بطريقك راح تقابل القيظ قله يترفّق علينا شوي قال: الله يعينكم عليه هو متوعدكم بسموم يبي يخليكم تمصلخون تمصلخ قلت: يادافع البلا الناس متمصلخين بليا أمر قال: وشلون حتى يوم أنا بوه <<البرد قصيمي >> قلت: أيه فيه فئة أستملدت جلودهم على الجو ماعاد تفرق عندهم قيظ ولابرد قال: تقصدين جلود البهايم قلت: لاياحبيبي البهايم بعضهن متسترات عليهن صوف قال: أها فهمتك ذا الحين لكن خبريهم برحلتي اللي تجي راح اصحب معي رفيدزي زمهرير قلت: من هو هذا؟؟ قال: أعرفكم عليه لاجاء قلت: الله يستر أدار البرد ظهره دون أية تعليق ومشى كنت أحاول جاهدة أن ألحق به ولكن دون جدوى فتفجرت القريحة الشعرية بهذة الأبيااات <<قريحة محمد بن الذيب>> البرد قفّـى وانتشل نشوة الغيم ***** وأقّفـت سحايب ريحته مع هدومة عتّـب وفارق دارنا وأوّقظ النيم ***** وقمنا نراقب خطوته يــاعلومه وجّدي على جبال سلمى مع الدّيـم**** والسيل يطرب بأم سالم تحومـه والنار تضوي مع دلال مداهيـم **** و(هايدي) مع الغنيمات تسرح جزومة والنوق (مـون) تسوقها هالمجاهيم ***** تهيّجن وراها كل لحظة خـدومة و(الشـدق) أعطى الشاص هزّة وترنيم**** كدّة بسـاقِة نوق شعلٍ سلومة و(أبو نديمٍ) راح عمره مع الضيّـم**** يجلد ورى الثيران بنفس رحومة و(علوش) على الريضان يمشي تقاديم**** (زعبور) يمّه في سوالف علومه و(الجنط) شارد بالفكر والتعاليم **** خيّم عليه الصمت وارخى عزومة و(المهرة)و(سوسو) بنات القصاصيم **** على الغداء شبّنْ قدورٍ قدومـه <<سوسو= سكون>> اللــه عليها أيام راحت تساليم ***** شقّت بوسط الذاكرة في حلـــومة القيـــظ أقبل وسافرت نشوة الغيم ***** واقّفت سحايب ريحته مع هدومه وسلامتكــم..
|
#2
|
||||
|
||||
جوه يخليك نشيط وفرحااان دايم أنا من دخلت البرد وأنا فاكتن هالكشرة
ياجعل هالكشرة دوووووم مفكوكة
|
#3
|
|||
|
|||
خمن عبيكن والبرد ما راح
للحين لابسه جاكيتي لاتصيرن مثل بياع الخبل عباته الا اللي بالأبيات حيين ولا ميتين الله يغفر لنا ولهم
|
#4
|
|||
|
|||
صح لسنانك على هالابيات
انشهد انه موضوع يستحق خمس نجيمات وش بلاكن بالقصيميات انهبلتن وحده تحاكي الليل وحده تحاكي البرد اجل بكرى بدق على القمر بحاكيه>>> اقصد زوجي >> وجه مستحي
|
#5
|
|||||||||||||||||||||||||
|
|||||||||||||||||||||||||
واياتس يالمملوحة اموااااااااااا ثانية على التثبيت <<الاولى على الخاص>> ادري ازعجتس بسعابيلي
|
#6
|
|||||||||||||||||||||||||
|
|||||||||||||||||||||||||
ياعمري انتي وين انتي عايشة خلاص قفّى بياع الخبل عباتوه..أبد على ذمتي انا جلست مع البرد جلسة مصارحة وقال مالي رجعة الا السنة الجاية أجدعي ثيابتس
|
#7
|
||||
|
||||
وأنت سالمة سقراطة الي هيضت بالترانيم ... فكر الذي فارق دياره وقومه يامرحبا به عد مايلسب الديم ... وعداد مارفرف طيورن بحومه البرد خيرٍ للرجال الشغاميم ... خصوص من طابت بعينك سلومه لاخذت لك سجة معه بالتخاييم ... ياخذ علومك وأنت تاخذ علومه تنسى العنا والهم والضيق والضيم ... ويسلى فؤادك عن بقايا همومه ومبروك النك الجديد
|
#8
|
|||||||||||||||||||||
|
|||||||||||||||||||||
اكيد معطر بعبير الورد والياسمين تبين البرد اجل انت تعالي عندنا عيا لايقضي بردنا دبل كبودنا والله اكلمك والدفاية مشغلة برد مو هين هالسنة اكلوه اهل السراميك>>>>>>>>>>>وجه يهز راسة موضوعك فللللللللللللللللللة ياسقراطة تشكرات
|
#9
|
||||
|
||||
احمدو ربكم ماتحسون بالبر
لاكن ها المساكين الفقراء هم اللى والله يحسون ولايجدون مايتدفون به يالله ان ترزقنا وياهم بعدين تعالى يقولون بياع الخبل مات بالمربعانيه كاشتن مع العقارب والشبط يمال البرد على ها الموضوع
|
#10
|
|||
|
|||
يسلموا على الموضوع الحلو يستاهل النجوم والتثبيت...
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |