العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
يوميات طالبـة جامعيـة الجزء الـثــالــث @ قصيمي نت
بسم الله الرحمن الرحيم السلام عليكم ورحمة الله وبركاته ياهلا ومرحبا باللي لفانـا وحيّانا بعد نجاح الجزء الأول والثاني من يومياتي الجامعية قررت أني أستمر وها أنا أعود إليكم بالجزء الثالث وعساه مايكون الأخير - إن شالله - بعطيكم فكرة موجزة عن موضوعي هذا وأسبابه طبعاً هالموضوع راح يتضمن يومياتي الجامعية مثل ماهو مبين من العنوان وبما إني طالبة جامعية راح ادخل يومياً وأضع لكم الأحداث اللي صارت معاي سواءً فكاهية - احراجات - وإلخ راح أدعم الموضوع كذلك بالصور والتعليقات وبتكون حصرية لمنتديات قصيمي نت وموضوعي هذا غير محتكر لشيخة العز بل هو مفتوح لكل الطالبات أنهم يحطون يومياتهم ونستفيد كلنا من بعض وهذا شي يسعدني حقيقة كوب نسكافيه مقدماً تحيات : طالبة جامعية شيخة العز
|
#2
|
||||
|
||||
كحال أي بنيـة مخربتنها كانت تواصل وتسهر بالاجازة فشي طبيعي أنه نظامي يكون لخطبة × لخطبة
وهالسهر خرب علي صرت انام وقت مايصحون الناس واصحى وقت ماينامون ههههه خفاااش !! وهذا اول اسبوع دراسي لي بعد اجازة الربيع طبعا بالسعودية والكويت وعمان ومادري عن بقية دول الخليج الحين عندهم اجازة اما نحن فعكسكم ههههه فصرت اقوم الساعه 2 أول 1 ليلاً ويكون هذا بداية يومي الجديد واروح الكلية بهالحال عاد مافيه داعي اشرح لكم كيف يكون الوضع العيون منفخة والحالة حاله ههههههه بس يالله مشووهـا .. بس اليوم الساعه 2 فليل شربت لي كوب نسكافيه وللحين مصحصحة والحمدلله نظامي اعتدل يعني بصلي العشا وبنخمد << دياية صح هههه ( دجاجة ) رحنا الكلية حاولت انام بالباص ماشي فايدة تقلبت وتقلبت عقيت ( رميت ) راسي على الكرسي تحت الكرسي فوق الكرسي ماشي فايدة أبى النوم ان يلامس جفوني خخخخ ورحنا الكلية ودرسنا كالعادة بس المحاضرة الأخيرة ضحكتني صراحة كان عندنـا مادة سيرة الرسول صلى الله عليه وسلم وعاد تدروون المحاضرات الاخيرة دايما تكون متعبة خاصة للناس المواصلين امثالي يالله اقدر اركز .. فالدكتور ماقصر شرح لنا كمية كبيرررررررره وهذا اول يوم يدرسنا فيييه لين بقت ربع ساعه وتخلص المحاضرة وسمعت البنات يقولن للدكتور : دكتور لو سمحت بس خلاص مانقدر نركز وياك خخخ اشوا كانهم حاسين فيني !! المهم قعد يتكلم ويسولف مادري والله شو يقولون لان عقلي مب وياي .. لين ضربتني ربيعتي ( صديقتي ) على كتفي وقالت لي شيخة انتبهي الدكتور بيقول نكتة ! << احين انتبهي هاه امحق طالبات والله ههههههههه المهم الدكتور قال نكته وضحكنا .. بعده سكت عاد انا حبيت الطف الجو << حبت اطير الرقاد يالله فقلت له دكتور نبا وحده ثانيه اذا عندك لو سمحت يعني <<<<< ضحك عليها الدكتور والبنات خخهخخخ بس المادة لذيذه على قولة اخوانا المصريين فعلا مادة راااااااائعة .. لانها تتكلم عن الرسولـ وبداية دعوته والعرب كيف كانوا في العصر الجاهلي .. بس نستكمل غداص مع مواقف أحلى أذن المغرب ..
|
#3
|
||||
|
||||
ذكرتيني بالذي مضى
بس الحمدلله ايام و انتهت على خير تدرين بالكليه كنت بالثلاث سنين الاولى ارسب الا بالسنه الاخير شديت حسلس نجحت بجيد جداً يعني لو اني بالجامعه ما كان تقديري طلع كذا بس وش الفايده كله واحد ـــــ الله يوفقك
|
#4
|
|||
|
|||
شيخه ذكرتيني بأيام الكليه الروووعه
يوووه كانت ونااااااااااااسه وفلة حجاج كنا كل يوم نجيب حلا وقهوه ......<< صدق حريم وتاركين الدروس انا لما اطفش او يضيق خلقي اهرِّب من المحاضره واجلس في الكفاتيريا والا نتمشى انا والمناحشين من المحاضره بالحوش صدق ايام ماتنسي
|
#5
|
||||
|
||||
برد عليكم واحدتن واااااااحدتن مستعجلة ما بقى شي عن الدوام
سلام
|
#6
|
||||
|
||||
ربي يوفقك يا شيخة
يوميات ممتعه ننتظرها بشوق ولهفة فلاتحرمينا تقريرك اليومي
|
#7
|
|||
|
|||
واوووووووووووووووووو ... موضوع يجنن شيختنا ...
تسلمين ... ياحبي للمواقف اللي تحصل في الجامعة ....! ههههههههههههههههههههه طلعتي اخس مني في الرقاد هههههههههههههههههههههههههههه!!! المهم ... انا بخبرك اخر موقف صار لي .. الموقف كان في المستشفى .... الله يسلمك كان عندي اول يوم تدريب لي في المستشفى .. فكان كل 10 بنات اة ميكس في قسم ... وربك رحمني وطاح لي قسم نساء وكله بنات .. المهم وصلنا من صباح الله الصابح والناااااااس راقده .. المهم ... قالوا لي يانور هذه هي مريضتك وكملي شغلك معها .... في ذاك الحين انا ماني بقادرة ... ربي يشفي مريضتي ... المهم الحرمة يحليلها عجوز مرة ... وانا اول يوم تدريب كان عن كيفية التواصل مع المريض وتشخيص المرض .. فقلت للميس ... كيف انا اكلمها وهي مسكينة نايمة وماهي بقادرة تتكلم شكلها ... وش اسوي .... <<<<<<<<<<<< طبعا اتعلل ع شان شفت الشخص المقيم مع مريضيتي بنتين حليوات شبابات يعني اقدر اضرب معهن سوالف .. ههههههههه المهم قالت لي مو مشكلة بإمكانك تتناقشين مع الشخص المقيم ... المهم سويت شغلي وخلصته في ساعه .... وبعدها ماصار اني اسوي شئ.. لان اول يوم تدريب ولساتنا ماتعلمنا اشياء وايد ع شان نقدر نساعد الممرضات .. واللي يزيد الطين بله ... انه ممنوووووووووووووع تتطلعين من قسمك الا في وقت البريك .. (( الاستراحة )) المهم صارت احاوم ع القسم واضرب سوالف .. ولما تشوفني الميس ... اسوي عمري جالسه اكتب التقرير .. خلصت الشغل .. وعملت البرزنتيشن .... ومليت ... الميس طلعت من القسم ... قلت ياااااااااااخي انا محد يقص عليّ مو هنديات قاصات علينا يدورون وحدهم ويرمونا ..هههههههههههه قلت خلني اروح ازور صديقاتي في الاقسام الثانية ... المهم قلت لصديقتي اللي بالقسم تسيري معايا ... ندور شوي .... قالت نور بيمسكونا ويبهدلونا ويحرمونا من التدريب ... قلت ياااااخي خلي عنك ... انا عندي خطط جهنمية .. ووافقت البنية .. وسرنا مثل الحراميه ... طلعت القسم اللي فيه صديقاتي ... ودخلت ... وطبعا كل قسم فيه دكتورة مسؤولة .. المهم لما دخلت ... على ايدي اليمين في غرفة خاصه لنا نعمل فيها البرزنتيشن ... وكانت الدكتورة مع احد الطالبات تعمل البرزنتيشن .. والباب مال الغرفة فيه زجاجة طويله يعني يبين منو اللي يدخل ويطلع القسم المهم دخلنا بكل ثقة ... ورحت عند صديقتي ... وضرب ماتضرب سوووووووووالف .. المهم بعد شوي جت البنت اللي كانت عند الدكتورة ... قالت لنا ... بسررررررررررررعه طلعوا من القسم لان الدكتورة قالت لي فيه بنات غريبات داخلات القسم بروح اشوفهم واكتب اساميهم .. عااااااااااااااااااد هنا الزين .. كيف نطلع ... اذا طلعنا من المكان اللي داخلينه تمسكنا ... وشوو نسوي ............! قلت ماشئ حل غير نطلع من ورا غرف المرضى .. ومسكت صديقتي من ايدها وقلت لها بسرعه يالله .. شفت يميكن يسار... شفت مخرج طوارئ .. وررررررررررركضت ركض ..على مخرج الطوارئ المستشفى كبيررررررررررررررررر وايد ... ويتووووووووووووه.. عاد تدرون المستشفيات كل الاقسام بنفس الدزاين ... المهم طلعنا من مخرج الطوارئ الا ونوصل صالة العمليات .. يممممممممممممة ... وين نروح ... رحنا صوب العمليات .. شفت درج ... ونزززززززلت .. وهمممممممممممم تهت وووووووووووووين نروح رحت يمين يسار ركضت .. لحد ما وصلت القسم ... بعد شق الانفس وسلمت بسلاااااااااامة ... ولا كنت ارووووووووووووووووووح فيها .. ومن ذاج اليوم تبت اني ادور .. قلت خليني اخيس في القسم ولا اطلع منه ههههههههههه... المهم ... صديقاتي لما رجعنا الجامعه قالوا لي ..جت عندنا الدكتورة وطلبت منا اساميكم .. بس قلنا لها اول مرة نشوفهم وما نعرفهم خخخخخخخخخخخخخخخخخخخخخخخخ اووووووووووووووووووووووووووبس تعبت من كثر مااطبع.. ادري اني وايد ثرثارة بس عذروني .. فصلت لكم المشهد مرة بالتفصيل .. وان شاء الله ... بخبركم لما ادخل المنتدى مرة ثانية مواقف كثيرة عندي .. بااااااااايو شيختنا ... ومشكورة ع النسكافية وايد روعة ... تحياتي لكم نور اليقين
|
#8
|
||||
|
||||
هلا والله بالكل ماشالله شو هالتفاعل يا نور والله مواقفج روعة تصدقين اني عشت الحدث وياج وسرحت اتخيلج تربعين من مكان لي مكان ههههههههههههههههههه الله يرحم ايام الجامعة انا كنت شراتج تقريبا يوم كنت فالجامعة بس تراني طلعت وادرس فكلية الحين فالمواقف اهنييه شوووي اقل من الجامعة ..
طايرتن بوهتي .. مرحبا السااااااع خشمج فديتج .. عاد تدرين من زمان اترياج ( انتظرج ) تشاركين لانج شاركتي ويانا فالمنتتدى وفجأة انقطعتي .. والحمدلله انج افتكينتي من الجااااااامعة باقي فرح هههههههههههههه يا الشيطاااااانه ههههههههههه ترا نحن نقول الشيطانه بمعنى المصرفة القوية عين بهالطريقة حركاااات نور اليقين عاااد صدق موقفج وايد يضحك هههههههههههههه ... انتظر المواقف الثاااااااانيييييه فديتج
|
#9
|
|||
|
|||
ويلكم
هلا شيختنا ... ترى لازم اتفاعل .. اموت في هذه الحركات ..
الله يعينك حياتي .. مخلصة جامعة ... والحين كلية ماشاء الله عليك ... عنجد فيج باارض للدراسة .. مو شراااااااااتي على قولتكم .. ههههههههههه ربي يوفقك في دراستك حبيبتي ... المهم ... نرجع لسالفة المواقف ... الله يسلمكم اول اسابيع دخولي للجامعه طلبوا منا نشتري من عندهم ديكشنري اكسفورد ... وانا مااحب هالنوعية من الدكشنريات ... احب استخدم المعاجم الا لكترونية .. فانا اشتريت آلة الكترونية( اطلس ) ع شان اسهل لي واسرع اطلع المعنى بدال مما ادور في الكتاب .. وعندنا ممنوع تستخدميها ... لان يبونا نستخدم كله انجلش ... واذا استخدمنا هالالة فاكيد نطلع المعنى بالعربي .. بس على من علي انا .. المهم ... في يوم حددو لنا اياه انه يشوفوا جميع الدكشنريات طبعا الكتب .. واللي مايجيب ينقصون له درجاته .. لانه وااااااايد اجباري ... المهم فانا قلت استلف من ربيعاتي الثانيات في ذاك اليوم .. المهم انا العبقرية نسيت استلف دكشنري من عند ربيعاتي .. والميس تدور عند كل وحده وواحد تشوف الدكشنري عندهم ... يااااااااااااخراااااااابي .. وانا ماعندي ... وش سويت .. قلت حق اللي قدامي اول ماتمر من عندك وتخلص عطيني اياه ... ويحليله البنت ماهي بقادرة تعطيني .. خيفاااااااانه .. بس وش تسوي مااهون عليها المهم .. نجيت من هالمشكلة ... ووصلت لي الدكشنري ... وجت الميس مرت من عندي والحمد لله ..حسم الامر ورجعته من دون ماتشوف الميس للي قدامي .. اللي زااااااااااااااد الطين بله الميس قالت يالله ... بعطيكم الحين كلمات وطلعوا معانيهم .. ووانا ماعندي دكشنري ... وااذا شافتني استخدم اطلس بتذبحني وتقولي وين اللي كان بكرسيك ؟ فأطورت انا وربيعتي ... قلت ياالله يانور ... شغلي مخك شوي .... وعاااااااااد انا شااااااااااااااطرة في التمثيل ... سويت نفسي تعبانة وماني قادرة اتكلم من الالم .. رحت للميس قلت لها لو سمحتي ابغي اروح الحمام .... هي طبعا شافتني غلبااااااااااانة قالت روحي ... المهم طرت الحمام ... وقمت ادور بين الكلاسات .. وبنات اول مرة اشوفهن .. قلت لهم بسرعه ابغي دكشنري .. البنات ماقصورا عطوني .. الطاااااااااااامة الكبرى ... وين احطه .. رحت الحمام .. والحمد لله كانت بدايات الايام وما كان عندنا يوني فورم .. قلت ادخله ورا العباية ... بس يبين لما امشي .... قلت ادخله داخل التنورة بيطيح .. يااااااااااااي وش اسوي ... قالت لي البنت انتي دخليه ورا العباية فما يبان ... واول ماتدخلين الكلاس .. عطيه الاولاد لان هم قريبين من الباب .. وخليهم يوصلون لك اياه بعدين .. قلت شورك .. قالت ايوووووووووووووو !! المهم رحت الكلاس ... ومسوية طبعا عمري غلبانة ومريضة والااااااااااااااااااااااا اشوف الميس مرتصه ع الباب ... وشووووووووي ويطيح الدكشنري واروح فيها شو سويت ... دخلت شوي من الباب .. وشافتني الميس .. قلت آآآآآآآآآآآآآآآآآآآآآآآآآآآآآآآآآآآآي ... ومسكت على بطني هههههههههههه وركضت ركض الحمام .. وقلت لصديقتي مانفعت الخطة .. خذي ماابي شئ من الدكشنريات خليها تنقصني عشر درجات تغيب المهم رجعت المحاضرة ... ودقيت الباب ... وطبعا كله تمثيل قالت الميس وش فيك .. قلت لها بطني وايد يعورني .. قالت لي حصلتي دكشنري انا تعصبت .. قلت لها .. ميس انا قلت لك رايحة الحمام مو رايحه اجيب دكشنري .. هههههههههههههههههههه المهم الميس قالت اوكي اوكي تفضلي ههههههههههههههه وانا ساعه كاملة تمثيل في تمثيل ... وربيعاتي كلهم يفتكروني صح مريضة ... واسوي عمري انام ا\ع الطاولة هههههههههههه لحد ماخلصت المحاضرة .. وافتكيت هههههههههههههههههه وصديقاتي يقولوا لي خفنا عليك شكلك محمر ومريضة صح يعني افتكرناك .. طلعتي عفرررررررريته وتوتة توتة ... خلصت الحتوته باااااااااايوااااا... وننتظر مواقفك الثانية شيختنا
|
#10
|
||||
|
||||
هههههههههههههههههههههههههههههههههههه
حسبي الله على عدوج يانور والله انج شيطاااااااااااانه بس كشششششخة والله حبيبتي انا ماخلصت جامعة انا طلعت من الجامعة وادرس بكلية منو قال لي بارض للدراسه ماشي شغل ههههههههه انا ابا افتك منها اليوم قبل باجر بس الشكوى لله ...... مواقفج واااايد كشششششخة .. عاد اصبري عليّه لين يوم السبت هههههه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |