العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
انحاش السواق والشغالة .. وتوهقت ..!!
السلام عليكم
اخواتي ابي نصايحكم لاني من جد متوهقه ولا أدري وش اسوي ... انا متزوجه لي 4 شهور الحين .. زوجي قبل الزواج خبر اهلي اني ابسكن مع امه الكبيره بالسن بالبيت لانه وحيد امه وابوه متوفي ولا عندها احد بالبيت ... انا ماعندي مشكله لان امه بالدور السفلي وانا بالدور العلوي لحالي ورجلي فاصل البيت بيننا عشان كلن ياخذ راحته ... الوضع كان طبيعي الا قبل شهر تقريباً انحاشت شغاله خالتي وسواقها جميع الله لا يوفقهم .. زوجي قدم على شغاله وسواق ثانين لخالتي بس بيجون بعد شهرين ... معضلتي ان خالتي اجتماعيه ومعارفها كثير .. ودايماً تروح لصديقاتها وتروح لتحفيظ القرأن وتروح لمراجعاتها في المستشفي واللي يوديها رجلي بشكل شبه يومي وما يقعد عندي الا قليل .. يجي من الدوام العصر يقعد ساعه ثم يروح يجيب امه من التحفيظ .. يقعد ساعه او ساعتين معي ما يمدي اسولف معه الا ورايح يوديها لاحد من صديقاتها .. ما يمدي يرجع الا والساعه 9 تدق امه عشان يجيبها .. المشكله خالتي ترفض تروح بعض الاحيان عشان يرتاح ويجلس عندي بس يصر انها يوديها للي تبي .. صرت ما اقدر اشوفه الا قليل .. ما ادري وش اقوله او وش اسوي .. لمحت له مره وقلت له اني متضايقه ناظرني نظره وما رد على .. لان امه كبيره بالسن .. رجلي صار يسوي كلش ببيت امه.. يغسل الحوش ..بعض الاحيان يغسل مواعين امه اللي تحت.. ينظف الارضيات والاثاث لان امه ما تقدر تمشي زين رجلها توجعها .. ان بصراحه توني جديده مع واستحي كثير وما ادري هل اقوله لا يسوي شي وانا اشتغل عنه بس اخاف يكثر الشغل على بالبيت .. وما ادري وش اسوي ..؟؟ رجاء ساعدوني
|
#2
|
||||
|
||||
هديل الله يكون بعونك
اسكني معهااااااااااااا احسن حتى تجي الشغالة
|
#3
|
||||
|
||||
السلام عليكم والله اني مستغرب استفسارك عن الوضع والغريب انك ماسألتي كيف اقدر اساعدة يكمل وفاءة مع امة نصيحة لوجة الله وانتي توك متزوجه اذا تبين تكسبين رضا زوجك وافتخارة بأنك زوجة لة فساعدية على الوفاء ببر امة شوفي مادام هذا فعلة مع امة فتطمني بأنك تزوجتي رجل نادر راح تكون سعادتك على يدية انا اقترح عليك المبادرة والنزول معة لبيت امة وتجلسين وياهم وتحاولي تقديم اي شيء ولو بسيط حتى تحس امة انك قريبة منها ويكون لزوجك حضور واهتمام منك لمساعدتة على الوفاء باحتياجات امة ماراح ينسى لك هذا الصنيع ابدا فحاولي ولن تخسري متمنيا لك حياة جميلة واكثر استقرارا دمتي بود
|
#4
|
||||
|
||||
سبحان الله ليت ربي يرزقني بواحد مثله
كسرتي خاطري لما قلتي متزوجه من 4 شهور قلت مسكينه يمكن اكتشفت ان زوجها مدمن مخدرات او يشرب خمر او يتركها بالليل وعنده صديقات ويرتكب حرام قلت الله يعينها بس لما كملت موضوعك وقسم دمعت عيوني سبحاااااااااااااااان الله يعني ماتقدرين تغسلين انتي الحوش وتغسلين مواعين امه وتطبخين لها وتاكلين وتسولفين معها اعتبريها أمك الثانيه هالحين صار زوجس هو اللي يغسل ويشتغل لامه وانتي المستحيه ماتعرفين وش تسوين ..ياشيخه تستحين اول شهر اول اسبوعين لانس ماتعرفين شي عن بيتهم ونظام اكلهم وحياتهم بس لو كنتي ذكيه اسبوع بالكثير تعرفين طباع بيتهم وتقلديهم وتسوين مثلهم وتساعدينهم عش رجبا ترى عجبا نصيحه زوجس فيه خير واللي فيه خير لامه فيه خير لزوجته وعياله فاحمدي ربس عليه تراة عمله ناااااااااااادرة وصعب تلاقين شاب مثله هالزمن الا من رحم ربي.. الله يوفقس ..
|
#5
|
||||
|
||||
انتي مشكلتك انهم ماصار يقعد معك كثير
وتشتاقين له.... يحق لك والله....مدام انه مقدم على سواق وشغاله يعني المسأله شهر ولا شهرين... مافيها شي لو ساعدتيها وقفتي معاها.... وشي رائع انه كذا مع امه...ماشاء الله عليه الله يخليهم لبعض المفروض تفتخرين فيه... وتعززين هالشي فيه وتقولين له بر بأمك عجبني كثير وتساعدينه عليها منها تاخذين اجر ومنها يحس انه شي كبير بعين زوجته ويفخر بنفسه ومافي مانع تقولين له انك مشتاقه له ... وحاولي تقولين له صحيح اني مشتاقه لك وصاير تنشغل كثير عني بس ماعليه كله كم شهر وتجي الشغاله والسواق>عشان ماينسى ويفهم فهمتي ههههههههه وربي يخليكم لبعض ويسعدكم... تحياتي لك واحلى صباح يارب
|
#6
|
||||
|
||||
ماكو مشكله يا ماما
خليه يخدم امه بعيونه ولاحقه عليه بتملين منه وبعدين سالفة يخدم امه كيفه ولو انتي سنعه ماتنطرين راي منا انا نقولج روحي وشيلي الحمل عن خالتج السنعه تبادر وتقدم اول وتالي اهلج وعزوتج منها أجر وتاخذين مكانه بقلب الأثنين الزوج وأمه وتعلمين ادارة المنزل صح بما انج توج بأول حياتج الزوجية والله يعين الخالات
|
#7
|
|||
|
|||
يعني أنا ما ادري انتي معترضه على انه يودي امه مشاويرها ؟
والله عيب هذي أمه ولها حق عليه بعدين ظرف طارئ لا زم تصبرين والمفروض شغل البيت عليك انتي سواء بيتها اوبيتك (عشان زوجك طبعاً) وأذا ماتقدرين جيبوا خدامه مؤقته وفترة وبتعدي بعدين لازم تفرحين أن زوجك بار بأمه هذا دليل أن فيه خير لها ولك
|
#8
|
|||
|
|||
عاد هذه امه حتى لو عاشت معاه بنفس الشقه وش المشكلة؟ يعني المفروض تتحملينها لانه في وحده مثلك راح تتحمل امك ايضا ، اقصد زوجة اخوك، طبعا رح تقولي لا امي تخدم نفسها او عندها خدامه او او او واخواتها وبنات عمة خالتها؟ لكن المهم فيه غيرك كثير والدنيا سلف ودين؟ يعني اخدم خيرك يخدمونك؟
بعدين الله وصى على الوالدين ومايحتاج نذكرك؟ والشي الاهم اشعر ان مشكلتك مؤقته يعني انت تقولي شهرين ويجي سواق وخدامه عاد تحملي غيرك تحملوا العمر كله يخدمون امهات ازواجهم؟ وغير كذا الحكاية كلها يوديها ويجيبها روحي معه بالسيارة وفرصه تتمشي وجيبوها سوى وش المشكلة؟ بس عاد الله يعينك اذا طلع مكتب استقدام الخادمة والسواق من مكاتب طاش ماطاش يبي لك سنه على مايوصلون هذا اذا وصلوا؟
|
#9
|
||||
|
||||
تبين الصراحه .. هنيئاً لك هذا الزوج لان اللي يبر بأمه بيحسن معاااك بس انتي وسعي الصدر عوااافي
|
#10
|
||||
|
||||
فاهمه احساسك ... "ومن اشد شوقا من عروس "
لكن يا قلبي الطيب الطيب لاأوصيك ابد مااحد قدم معروف وندم عليه هذا -ظرف- شي طارئ مو عاده دائمه لأم زوجك ايااااااك انك تقولين له انك متضايقه وانتي اصلا لو اشتغلتي شويه بالبيت بتنشغلين عن التفكير والفراغ (خير دواء للشوق الانشغال) لين ربك يفرجها ودوام الحال من الحال اعتقد انها فرصتك لكسب قلبه وقلب امه يعني لو انا مكانك ماتهون علي نفسي اهو يغسل ويكنس وانا واقفه اتفرج وفرصتك تلعبين معه بالحوش بالمويه هههههههه ** ومضه ... علمتني الحياه علامة الجودة في الرجل طيبه مع أمه مع شخصيه مستقله عنها بنفس الوقت
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |