العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
كيف تقهرين اخوك للبناااااااااااااات بس
السلام عليكم والرحمه
حبيباتي البنوتات الحلوات المشاكسات ،، حبيت افرفش معاكم شويه بهذا الموضوع الحلو ^^... موضوعي اليوم عن ((اخوانا التماسيح))للي عندها اخو وحابة اتخبل فيه وتقهره ،، لكم مني أحلى الدرووووس مع التعديلات >> وان شاالله الكل يستفيد من هالدروس وتطلع النتايج الحلوة من الضرب وانتفاخات والتكسير والترفيس من اخونا المقهور ،، وانا مالي شغل بالنتايج لا اتقولون كله من احساس انثى هذي مجرد تعليمات ونصايح لووووووول كيف تقهرين اخوج ؟؟؟!!!!!! تعالي بخبرج كيف شوفوا اللي مقهوره من اخوها, واللي تبي تنتقم منه , واللي تبي ترفع ضغط اخوها تتبع هالخطوات والله يقويكن *** عند التلفزيون *** إذا كان في مباراة ولأخ متحمس اقطعي هالحماس كيف؟؟! انا اقولج كيف ،، شوفي اذا صار مبقق عيونه وماهو عند حد يعني لو اتييبين صاروخ تفجرينه جدامه مالتفت لج اعرفي انه منسجم ,هني بس تقومين بشغلج.. وتسوين نفسج بنت سنعه ،، وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين , اذا قال: ابعدي. قولي مو فاضتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين جدام التلفزيون وغطي عليه.. ولا يهمج حد.. واذا قال: ابعدي لااصفعج على ويهج بالكاس قولي معصي بييونا ضيوف . . العبي عليه حتى لو ما كان في ضيوف , ولا سوي نفسج يالسه وتذكرتي ان الكيك بالفرن احترق ناقزي وناقزي وناقزي لين توصلين للواير مال التلفزيون وجريه برجولج ولا تلتفتين وراج أونج ما انتبهتي للواير .. >>> وانا مايخصني باللي بييج منه فهالوقت ((تصرفي خخخخ)) *** عند النوم *** لا صار اخوج التمساح يشاخر نكدي عليه نومه كيف؟؟! دخلي عليه اليهال وعيال الجيران وصكي الباب عليهم وخليهم يلعبون بغرفته ويناقزون على راسه ..(( تدرين انتي عاد الاطفال احباب الله ههههههه)) والا تعالي وهو في سابع نومه وارفسيه ذيج الرفسه اللي يفز مايدري عن نفسه الا وهو يالس وبكل برود قوليله نبي نطلع .. ((عاد مايخصني فيج وانتي فهالموقف لوووول)) *** اذا المزاج صفر *** اذا شفتيه ماله خلق ومو رايق وخلاص مقفل عالآخر لا تخافين بالعكس هذي فرصتج تنتقمين منه ،،يعني تحرشين فيه خلي دمج ثقيييييييييل بالمزح بس انتبهي في هاللحظه راقبي حركات ايده لان ممكن يصك أي شيء جدامه بويهج ،،ولازم اتكونين مجهزه مفتاح الغرفه ((ماتدرين السالفه ياذابح يامذبوح هههههههههههههه))المهم.. اضحكي على شكله والا على يلسته والا على لبسه .. هو بيقول ترى مالي خلق اذلفي عن ويهي , انتي لا تسكتين قوليله واذا ماذلفت عن ويهك شو بيصير؟!!!! عاد هو بيقوم وبراويج شو بيصير على اصولهانتي في هالوقت اقضبي اول درجتين توصلج لغرفتج وطلي عليه من فوق وقوليله ههههههههههههاااااي اهم شيء رفعت ضغطك وقومتك من يلستك خخخخخخ *** وقت الهواش *** اذا جا يوم وبراسج تتحرشين وتبين تتهاوشين انتي واخوج التمساح لازم اتجهزين نفسج من كل النواحي: 1/ الكشه لازم تلمينها وتسوين حفله براسج فهاليوم لازم تحطين انواع الشباصات وانتبهي ولا خصله تنزل منج, وياليت يكون فهاليوم حاطه براسج حنة علشان مايتجرأ ويلمس شعرج <==== الصراحة خووش تفكير 2/ خذي مفتاح الغرفه وخليه عندج <====== الاحتياط واجب اذا بدت المعركه حطي راسج براسه ولا تبينين له انج خايفه وبققي عيونج عليه وقوليله شو براسك؟؟!! عاد هو هني بيقولج هذا اللي براسي طراااااااااااخ الا والا بصفعه على ويهج لا تستسلمين عطيه بووووووكككككككس على عيونه الثنتين علشان مايشوف الدرب زين وعلى طووووووووول لغرفتج اللي مجهزة مفتاحها من قبل واقفلي عليج .. ويادار مادخلج شر بس نصيحه اقعدي يومين لايشوفج ولا تشوفينه لانه يبي ينتقم لكرامته وبراويج النجوم في عز الظهر طبقي هالتعليمات وهذا ويهي ان تحداج اي احد على وجه الارض ومالي دخل واتمنى ان مايكون فيه انتفاخات والا طلع بعيونج الوان الطيف والا ماسلم فيج ضلع هههههههههههههههههههه بس مالي شغل فيكم إذا صار فيكم شي يالله بنوتات سووها وردوا علي الخبر وبشروني بالنتايج السنعة وكل وحدة اتخبرنا شو بيكون ردة فعل اخوها لو سوتله هالحركات
|
مواقع النشر (المفضلة) |
الكلمات الدلالية (Tags) |
كيف تقهرين |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |