العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
فيض من (بعض) غيض..!
السلام عليكم.. اعضائنا بما انكم اعضاء شديدين ووتحبون تسوون حفله بنقاشاتكم.. قلت ابطرح لكم مشكلات مالها حلووول بصراحه.. لكن نشوف وش عندكم.. منها اهرب من دراستي ومنها ننقش جروحنــا..لعلها تعيد الالتآم من جديد.. () اعضائنا لما ادخل قصيمي نت..واشوف مواضيعنــا الحواريــه..تميل للسلبيه..او بالمعنى الاصح..(مشاكل× مشاكل) لااكترث الا قليلا.. ولكن عندما أفتح موقع جامعتي ..وملتقى الطلاب الجامعيين..تنتابني لحظة اكتئاب قاتله..وصرخات داخل الفؤاد..تكاد تطرحني أرضــا من قوتهــا.. السبب والله اعلم..(أني هنا اغلب المشاكل والنقاشات لاأعيشهــا..بعكس جامعتي الموقره ..التي أعيش تفاصيلهــا ولحظاتهــا الجميله والتعيســه) لاأعلم هل أطرح في هذا الموضوع مشكلة الفتيآت مع الاداره..او مع اعضاء هيئة التدريس او مع ..اومع ...الخ.. هموم نعايشهـا في كل لحظــه.. هل تصدق ..أن في جامعتي الموقره..((سجن طالبــات)) لابد وان هناك فتيات عشن أجواء غوانتانامو () اطرح لكم اوراق (مبعثره) على طاولة النقاش عن جامعاتنــا..همومهـا ومشاكلهــا..وتاخرهــا الفكري وايضا المعماري.. بادية من أدارات فاشلــه..حتى حارسات الامن..ولاننسى الكافتيريــا ومدينة (الدود)اعزكم الله.. اما الاسعــار في مكتباتهــا.. ثم انظرو الى نظام الساعات في محاضراتهــا..ولا ننسى الشؤون وافتقاره لاجهزة النت.. ثم ناتي للمكافأه..آآه يامكافأتي العزيزه..تاخر..قليلة..والاهم الـ10ريـال التي ـاخذ كل شهر ولانعلم اين تذهب.. ثم نأتي للحصاد..ونتفاجأ بجداول الامتحانات ..[عباره عن فترات...عليك الدخول لهم جميعــا حتى لو وصلت المواد المختبره في اليوم الى ثلاث..!] * ^ الجميع سيرد بان التعليم كله يتسم بالفوضى ..ولكن ابحثوا عن جامعة القصيم...ستجدو العجب العجاب من الفوضى مالله به عليم.. () شكرا لكم..شاي أزرق عندها اختبارات دعواتكم تالي هالليل..
|
#2
|
||||
|
||||
الله يذكر بالخير ياجامعه القصيم << أيام لاتنسى
كل ماقلتي واكثر حااااصل ولا حلول لها
|
#3
|
|||||||||||||||||||||||||
|
|||||||||||||||||||||||||
فرحه انك تخرجتي.. الصراحه تنرفز..ياختي قلوبهم فيها حقد تحلفين اننا بساحة مصارعه موب ساحة تعليم وبنــاء .. نورتي فديتش..
|
#4
|
|||
|
|||
جامعة القصيم ، جااااااامعه كل انواااااع التخلف فيها ،
لكن اللي يبي التعليم الراقي والحضاري يرووح لجامعة الملك عبدالله بجده ، وجامعة نووره بالرياض ، فعلا هذي الجامعات والا بلاش ،
|
#5
|
|||||||||||||||||||||||||
|
|||||||||||||||||||||||||
اكيييييييييييييييييد فرحه ومتشققه لا وذل تقولين يصرفون علينا وش عليه تذليننا وانتي حارسه امن مدري وشي بالضبط
|
#6
|
||||
|
||||
تخلف بالانظمه والا هم يخرجون اجيال بالصميم
|
#7
|
||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||
الاميره نوره.. والدليل مظاهراتهن.. والله ان بناتهم كفو..
الله يتمم عليك ويلحقنا فيك على خير.. هين الامن..طبعا انا بكلية التربيه حقات الامن بتوعنــا ارحم من بتوع الشريعه..حقات الشريعه..لو قتل بالسيف قدامي ماتاخذني فيهن اي رحمه..
|
#8
|
||||
|
||||
بالتوفيق يالشاية الزرقاء
وانتِ ساحبة على المذاكرة وجايه تدورين دعواتنا لا بالله افلحتي يمكن فينا اشعث اغبر مطعمه حرام وملبسه حرام يدعي لك بالنجاح ثمن يعطونك ملفك خلي اعتمادك على الله وخلي الناس توفر دعواتها لأنفسها وخلي البابا يدعي لك دعوة الوالد مستجابة وجامعاتنا في تطور بس العقول متنحه والدليل تسذا انا كل سنة اقول ابحضر ماجستير بس يوم احس بالمعاناة والإرتباط والمشاكل الي ذكرتيها من تأمين كتب وبحوث اقول ايه ان شاء الله السنة الجاية فخلوكم ذاكروا وآ منوا مستقبلكم واخذوا البقر والتيوس الي ماعاد تجيب فلوس وحنا ماراح ندعي لكم الا بالتوفيق
|
#9
|
|||||||||||||||||||||||||
|
|||||||||||||||||||||||||
حلف ماتدعي لي انت ولا الميسم.. وبعدين ماجيت ادور دعوات ابي تتحطم عشان ماتقدم ماستر.. والله ان بابا مايقصر قصدي دادي>>اوه فتنه وينها من زمان عنها.. وشو تطور والله انه غبيه..اجل ماعندنا نت..؟؟ تخيل يوم الاربعاء اروح للجامعه عشان ساعه ...من بيقعد يوديني ويجيبني بوقت المحاضره.. لو هم يجمعون الساعات كان ماقعدنا كذا..لاحنا اللي نقدر نضيف مواد ولا نترك هالماده.. <وين موضوعك حق صالح اليماني..؟
|
#10
|
||||
|
||||
وعليكم السلام وحمة الله وبركاته ياااااااااه مشتته حالك وشتتينا معاك جامعة القصيم مير مدري وش هي عليه كليتنا أحسها غير عن الكليات مدري ليش انا ماودي أرقيها الأثل وأقول أنها أحسن كلية لا .. لأنها أكيد يصير فيها مثل الباقين لكن بالنسبة لي ومن وجهة نظري ما أحس اني تعقدت فيها لذيك الدرجة اللي أنا اسمعها من البنات أنا قبل سنة تقريبا عرفت عن الوضع بكلية التربية والأدبية بصراحه صعقت بنات بويات وحركات جبنيز مدري ربع كم ربي لا تبلانا عكس كليتنا البنات فيها الغالبية إن لم يكن الكل راقيات وربي اللي رفع السماء وبسط الأرض حركات المياعة والبويات ماهي عندنا كمان الأمن جدا تعاملهم راقي معانا إلا اللي تلف وتدور أكيد بيجيها حقها حتى عميدتنا عسل لما تسوي اجتماع معانا وتأخذ آراء الطالبات وتتقبل أي انتقاد حتى حقوقنا حفظتها لنا دكتوراتنا الفاضلات عندهم روح التشجيع وحركات التدليع وايه ياسوسو وبسبوسة ويا كوكي وياحلاوة وعادي بكرا اجيك صايرة كيكة مافيه مشكلة وطبعا مستحيل أمشي على كيفها وأسوي العمل على مزاجها طبعا كل هذا وتقول اعملي اللي عايزاه أما التربيويات جونا ثنتين طيروا لنا عقولنا مدري من هالبلا اللي يدرسنه علم نفس واجتماع الله العالم وش اللي بهم واتحداك اذا ما ارسلنا خطاب وموقع من جميع الطالبات يطالب بتبديلهن لكن لاحياة لمن ينادي أما الشؤون ما أحتكيت فيهم لكن على ماقالوا انهم ما يلقون وجه اما الكافتيريا والتصوير أووووووووف ياسلام أسعار خيالية مدري هي على الخدمة الخونفشارية اللي يقدمونها أو في سر ما نعرفه لحد الآن هههههه المكافأة دايما كاملة بس هم اول مانزلوها مزودين مدري كم عشرة اثرهم يسحبون منها هههههههههه معلومة جديدة ربي يوفقك ويسهل أمرك يارب يلا قومي توكلي على الله وسمي بالرحمن وذاكري وخلي عنك النت مع تحية خريجة حبيت أفضفض حتى وأنا متخرجة مع أنو لي معرف بموقع الجامعة مالي ولا رد فيه أو أي نقاش عساي أخلص شغلي تقبلي شخطتي يابنت بلدي
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |