|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
19-10-06, 06:47 PM
|
||||
|
||||
من سيربح الشباصة (( شباصة قصيمية ضيفة البرنامج ))
زعيم اونطه يحييكم من محطة ( أرفع صوتك يرزقك الله )
 ويسرني أن أقدم لكم برنامجنا البايخ (( من سيربح الشباصه )) جاءت بداية هذا البرنامج متوافقة مع أفراح جيبوتي بعيد الإستقلال  برنامج منكم واليكم .. ويا عيني عليكم .. نستضيف فيه الناس الداجين واللي مهوب داجين يعني ماتفرق عندنا .. ضيفتنا في هذه الحلقة .. جاءتنا من وسط الصحراء .. من فوق الرمال الذهبية أصرت وهي قادمه ان تلتزم بزيها البدوي وهي ترتدي عبائتها وبرقعها الاسودين وزنوبتها الخضراء يعني طالعه وكأنها بيدجانه ضيفتنا هي فلتة زمانها ونابغة عصرها ( شباصه قصيمية )  ============================== موسيقى ترحيبية سريعه وزعيم اونطه المقدم يقوم من كرسية ويبدا يهز على انغام الموسيقى ( ) ( ) ( ( ================================== تدخل الاستوديو شباصه قصيمية ونسمع قرع زنوبتها وعبايتها تسحب وراها وهي تمشي وتوقف وتلف يمين وتلف يسار وتقشم فصفص (( على بالها في عرض ازياء  ))زعيم اونطه // نرحب فيك شباصه قصيمية .. وممتنين لك هذا الحضور زعيم اونطه // ممتنين بدينا في التمنن من الحين هذا وانا ما اخذت ولاجايزة تمنون علي  زعيم اونطه / لا اقصد شباصه قصيمية ان نشكرك على قبول الدعوة شباصه قصيمية / طيب خلاص الكاميرا على وجه شباصه قصيمية ... الكاميرا تقرب على وجهها .. وشباصه تسوي حولا  زعيم اونطه / طيب شباصه هل لكي تعليق قبل بداية المسابقة شباصه // ايه لازم تساعدني وكلك نظر لازم اطلع بجايزة وحده على الاقل ولا ليه تجيبنا من آخر الدنيا .. وتقرب شباصه من زعيم اونطه وبصوت حفيف وش رايك تغششني اهيق اهيق اهق اهق ابو اونطه / وووااا نرحب مرة أخرى بشباصه.. وينظر لها بعين الغضب الشرهه على اللي عزمتس انتي وهالزيت اللي يقوطر من فرقة شعرك <== مسعبل على فرقة الشعر والزيت  امامكي ثلاث وسائل مساعده 1 حذف جميع الاجابات 2 تدقين بيجر على صديق 3 الاستعانة بالجمهور السوال الأول اديب سعودي شاعر معاصر له عدة روايات منها العصفورية وشقة الحرية يعمل بالسلك السياسي تولى الوزارة في عدة وازرات من هو : 1- ابو شدق 2- حكيم 3- ارسطو 4- غازي القصيبي شباصه مبققة عيونها توهقت تناظر  ثم قالت ما فيه اختياراتابو اونطه / وهاللي قدامك وشي صينية جرابيع ولا كبسة ضفادع شباصه / من ناحية ابو شدق مهوب هو لانك تقول معاصر وابو شدق مشرف يعني العب غيرها تغلطني وحكيم مهوب هو لاني اعرف حكيم خياط جنبنا وديت له تنورتي يوسع فيها امس وهو باكستاني وانت تقول سعودي يعني العب غيرها يعني محتارة بين ارسطو وغازي القصيبي .. بس ارسطو خابرته لاعب مهوب اديب .. اكيد هو مافيه غيره ابو قصيبي  ابو اونطه / يطلع مسدس مويه من جيبه ويوجه لشباصه جوااب نهائي  شباصه / جواب نهائي ابو اونطه / تطلع اسنانه من الضحكه بس مسوي نفسه زعلان ويقعد يناظر فيها 15 دقيقة والمخرج يصيح عليه لعنبووا دااارك اخلص يا ظلال قرداحي زعيم اونطه // امممم عموما لازم تجاوبين ( قل قسم) واجابتك صحيحه هههييييييييي وتربحين االجائزة الاولى عباارة عن شبشب بني اللون مقدم من بسطة ( مون ) وزعيم اونطه يمد على شباصه الجائزة وهي تناظر في الكاميرا فاقة خشتها مبسوطه نجي للسوال الثاني ما هو نوع عطر الرئيس السوداني عمر البشير شباصه قصيميه // معمول معمول يتعطر بالمعمول ويكمل زعيم اونطه 1 كنتاكي 2 سوبر شل موبيل 3 بيربيكان بالتوت 4 ميربت مان <====== كح كحشباصه قصيمية تدقق في الاجوبة .. كنتاكي هذا حلوة ريحته بس ما يوجد الا في عنيزة وهذا في السودان .. سوبر شل موبيل هذا يجنن بس يبطي الزول يتعطر به محتااارة بين بيربيكان بالتوت وميربت مان .. وتفكر وتفكر وتفكر وتقولوشي يبي زعيم اونطه هو وهالاسئلة وش عطوراته والله لو انا في عمان ابو اونطه سمع عمان = مان = ميربت مان صح صح صح اجابة صحيحة ميربت مان شباصه وهي مفهيه // هاه ولكي الجائزة الثانية عبارة عن برقع ماركة مقدم من الجمعية اليمنية العدنية السودانية ( انواع الريحة البرقع ) شباصه تفرح وتنزل برقعها وتقيس البرقع الجديد قدام الكاميرا تسال ابو اونطه / ما معك مراية زعيم اونطه / يطلع براية صغيره فيها مراية اخذتها شباصه ولا رجعتها ( رجعيها ) السوال الثالث فيه حوطي لابس اربع فنايل واربع سراويل ليش ؟؟؟؟ 1 ولد نعمة 2 حوطي 3 مشتريهن مع بعض 4 بايع الدولاب شباصه قصيمية .. تمقل في الاجابات وتطيل النظر .. وابو اونطه مطير عييناته فيها ثم ترفع راسها ... ضايع لكم شي بوجهي .. مسالة انه ولد نعمه هذي صعبة مافيه حوطي اسم امه نعمة .. مشتريهن مع بعض ما اظن مافيه محل اسمه بعض يوم تقول مشتريهن من بعض ( أعذروها قرايتها على قدها ) بايع الدولاب .. مدري نشوف راي الجمهور زعيم اونطه يقعد يصفر يالله يا جمهور نا المهبل لكم الان فرصة المساعدة لشباصه قصيمية وتسان تبون تغلطونها تراه ازين بعد راي الجمهور 5% يقولون بايع الدولاب 95% يقولون حوطي شباصه قصيمية معاند لهن بقووول بايع الدولاب  صحيح صحيح وابو اونطه يعطي لشبااصه قصيمية الجائزة الثالثة عباارة عن علبة فكس وهو ماسك الفكس وهي ماسكته ويناظر للشاشه ابو اونطه وفاك هالضحكه وشباصه قصيمية تلتفت للجمهور توريهم كيف تحك جبتها بخشمها والان المرحلة الاصعب والمنعطف الهام الجائزة الكبرى ( الشبـاصة ) فهل تفوز شباصه قصيمية بالشباصة وتذكري امامك وسيلتين مساعده السوال الرابع وش اسم خالة بوش 1 حصيصة ام قصيصة 2 منيرة الرفلا 3 مزنة الحقنه 4 اوالبرايت شباصه قصيمية // حصيصة مهيب حصيصة الله ياخذها اللي أخذت الراديو حقي ولا رجعته اعرفها نذله والباقيات ما اعرفهن محتارة فيهن موسيقى قوية وابو اونطه يناظر بحده في شباصه قصيمية وهي تفكر وبعد فترة قالت دق بيجر على مدرعمه وابو اونطه يدق بيجر على مدرعمه ويدخل 99999999 وما امداه يحط السماعه الا مدرعمه تتصل الو فيه احد داق بيجر من تبي بيته ياخوي زعيم اونطه / اهلا مدرعمه معاكي زعيم اونطه من محطة ارفع صوتك يرزقك الله مدرعمه / ايوه وش استفدنا طيب زعيم اونطه / معانا صديئتك شباصه قصيمية محتارة فيه سوال عليه جائزة شباصة مدرعمه // ايييييييييه المسابقة , ياخي قل كذا من اول , طيب ابي اجي عندكم , ورا ما أخترتوني ,,, زعيم اونطه / يالله شباصه قصيمية متوهقه ومعاكم 30ثانية من بداية الكلام 30 ثانية شباصه قصيمية /هلا مدرعمه ,,, يله يسالون من خالة بوش ,,, واخبرك مافيه احد الا تعرفين خواله ,,,, قولي لي بسرعه تكفين 25 ثانية مدرعمه / والله ما اقولك ,,,, ليش ماخذتيني معك يالنجسه للندن ,,, اوريك ,,,, ذيك الايام احل لك الواجب حق الاملاء يومك ماتعرفين تكتبين والحين تجحديني ,,, 20 ثانية شباصه قصيمية / والله دقيت عليك بيجر مرتين ولا رديتي ,,, 5 ثواني مدرعمه / باعلمك بس اول شيء احلفي انك تعطيني البرقع ,, اطوط طوط طوط انتهى الوقت زعيم اونطه / يالله شباصه قصيمية لازم ( هلاّ ) تعطينا جواب شباصه قصيمية // والله اني محتاره ,,, بس مخربتها مخربتها ,,,, الاجابة ,,, هي مزنة الحقنه زعيم اونطه / جواب نهائي شباصه قصيمية / فاينل زعيم اونطه / كان معك الشبشب ثم البرقع ثم الفكس وو زعيم اونطه // انتي مافكرتي في هالسوال قلتي الاجابة عشوائية شباصه قصيمية / ايه عشوائة اخلص علينا تراها قفلت من جد زعيم اونطه // طيب طيب للاسف إجابتك خطا وما تاخذين الشباصة شبشب وفكس وبرقع وتخب عليك THE END
|
|
#2
19-10-06, 07:00 PM
|
||||
|
||||
|
زعيم اونطه مشبهة عليك انا واقول مين
 مين ياربي مارنا هالاسم علي وهالخشه مو غريبة علي مين ويوم فكرت ZZZZZZZZZZZZZZZZZ  جاري التفكيرعرفتك يالمزعج انت راعي المسابقات  ياعليك اسئلة شينه مثلك ماادري وشو له مستمر بالاذاعة الا بسالك متى تعتزل التلفزيون خخخخخخخخخخخخخخخخ اقول اما مسابقة روعة والجوائز حلوووة بس ايشلون نشترك
|
|
#4
19-10-06, 07:28 PM
|
||||
|
||||
|
هلا بـــــك زعيم أونطــــه ..... مر على هالحكـــــــــــي .......
^ ^ ^ بصراحــــــــــه أسلوبك مهو غريــــــــــب علي لكن .......................... بنرقبك باللادار
|
|
#5
19-10-06, 07:36 PM
|
|||||||||||||||||||||||||||
|
|||||||||||||||||||||||||||
|
وين فرقة طنقا طنقا
الله يخلف على امن جابتن  الحين وش باسوي بالعييييييييد ابي شبااااااااااصه حتى ابوريالين شريت منهم وانكسرت
|
|
#6
19-10-06, 10:58 PM
|
|||||||||||||||||||||||||||
|
|||||||||||||||||||||||||||
مسالة اعتزل التليفزيون معصي منيب معتزل <==== اخس يا نور الشريف على غفله وشلووون تشتركين (( ادهن السير يسير )) <-------- خوالي مصارية
|
|
#7
19-10-06, 11:03 PM
|
|||||||||||||||||||||||||||
|
|||||||||||||||||||||||||||
والله انا نفر على باب الله اول مره اسجل معكم وبعدين تعااالي وش يوديك المشغل هذا انتم يالسعوديات لو تقفل المشااغل تسان ترتفع نسبة العنوسه في السعودية <------------------- ترفق يالاطخم
|
|
#8
19-10-06, 11:05 PM
|
|||||||||||||||||||||||||||
|
|||||||||||||||||||||||||||
يخييي وش جاااكم على اسلووووووووووووووووووبي <========= خاااف يمكن شفتني بمنتدى ثاااني الله اعلم
|
|
#9
19-10-06, 11:07 PM
|
|||||||||||||||||||||||||||
|
|||||||||||||||||||||||||||
خالتي شبيبيصه وشوووووله شباصه مغااااااااااااط ويمشي الموضوع اوكي من زينك عاد الحين يا ظلال اليساا هق هق هق هق هقه ق هق
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
