~¤®§][©][ رمضانيات منطلدز * (9) رمضان * مـع المنسـم الأول * حياكم ][©][§®¤~

سارة هالزمن · #1 01-10-06, 02:29 PM

ونقووول لكم

ارحب بالجميع وخاصه الوجيه اللي تفد إلينا من خارج الترفيهي ياهلا وغلا والله
تو مايبرررق الموضووع

نجي لضيفنا اليوم الفتى الاشهب
المنطلدز بقووة .. الاول في تكسير مجاديف
السحالي

وجوده يعتبر قريب لكنه أبدع بسرعة فأثبت وجوديته بمواضيعه التي مصدرها دماغه فقط

رحبوو معي بالمنطلدز التاسع
9 \9
خوش موعد

مع

جنط السفينة

سلام يامنطلدز \ منطلدزة

وعليكم السلام

اسأل الله ان يبلغنا وياكم الشهر الفضيل

آمين

وتجهيزا للشهر بيكون فيه موضوع بعنوان
( رمضانيات منطلدز )

الناس تقول تجهيزا لرمضان دوكم ذوقوا هالسنبوسه وانت جاوب على هالاسئله

وياليت ياطويل \ طويلة .. العمر ترد على الاسئله اللاحقة < قوية

منهي لاحقه عسى ماهنا خلاف بس

ثمن ترسها لي بسرعه بالخاااااصه لان اللي يسبق ننزل رمضانياته الأول

ترى تأخر الرد بسب اني مصخن لي خامس الله يعافين بس

وعلى فكررره
اذا نزل الموضوع انتم تابعوه لاني بانشغل باللي بعده

وشو الي بعده

غير ان رمضان مع الدوام ياخذ الوقت

بسيطه ما يبي له تفكير

افصلي= تقاعدي او استقيلي

تمنياتي لكم برمضانيات رحمة ومغفرة وعتق من النار

آمين

كل هذا توه مابدأ الاجابات

بسم الله
* متى بديت تصوم رمضان .. ومن اللي أثر فيك ؟

الله مير يحرج عدوتس عاد ذا سؤال ماله بديل منا والا منا بس تسانتس ملزمه

نعلمتس الصراحه يوم كنا صغار قوة ما اذكر لكن مابديت اصوم رمضان كامل

الا وعمري يمكن 15 او 16 لأنه كان عندنا واحد من اخويانا مسوين نفسه

مفتي الحارة كان دايم يقول (صام الفقعسي ولا صلى ياليت الفقعسي صلى ولاصام)

وحنا عاد ماصدقنا خبر كل يوم سنكرس وفيمتو الله يحوم تسبد العدو

ماادري وشلون مايجينا (مر) وصرنا نتجمع الظهر بفيلا تبنى ولهم من هالبلاوي

الله يغفر لنا بس اما الي أثر فيني فهو علي ابورجل مسلوخه (حفظه الله) (q33)

جنط وشو q33

* كيف كانت سلوكياتك الرمضانيه بالبيت او المدرسة ؟

بالمدرسه نوم اما البيت فكنت انام الظهر طبعا هالحتسي يوم بديت الصوم

والعصر اتابع برنامج حروف ( ياقدمه) اما هالحين فلله الحمد صرت احاول استغل

رمضان بما ينفع

* هات لنا اطلق موقف حصل لك برمضان ؟

والله مايحضرني شي هالحين بس اذكر مرة ليلة تسع وعشرين كان هاك اليوم

ختمة المسجد الي اصلي فيه اخذت معي ولد اختي الصغير كان عمرة تقريبا سبع

سنوات المهم طول الامام قوة هاك اليوم ويوم جاء اخر ركعه الي هي الوتر

الي يدعي به الامام قال لي ولد اختي قبل مايكبر الامام خالي انا حسران

انا قعدت اناظره واقول والله ماهوب وقته هالحين لاطلعت منين لي مكان

المسجد مليان والناس خاشعه المهم قلت تقدر تصبر لما نخلص هو استحى وقال ايه

المهم يوم انتصف الامام بالدعاء واناظر الولد الاه يحك رجلينه ببعض ويحاول يمسك

نفسه يوم شفته كذا قلت لا يسويها بالمسجد واقطع صلاتي واطلع انا واياه

يوم رجعت الا فاتني الدعاء واقوم واقضي الركعه وللحين قافلتن معي اول

مرة اخشع وحاسنا الله يحوس بليسه

* هل صليت التراويح وانت صغير ؟ هات موقف جبت العيد فيه وانت تصلي ؟

كنا نروح نوذي نفتح بالسيارات ونحوس العالم اما الموقف فما اذكر شي

*كيف وإزاي يكون يومك برمضان حاليااا ؟

اجي من الجامعه وانام الظهر واقوم اصلي العصر واقعد بالمسجد اقرا قرآن

ثم ارجع وافطر وانا مسوي حمله برمضان بالبيت مخليهم يفطرون خفيف

المهم افطر خفيف ونقعد نسولف شوي بعدين نروح ندور لنا مسجد بعد التراويح

اذا كان فيه جلسه عائليه او طلعت استراحه او اي شي مفيد وباقي اليوم يروح

بالقراءة

* منهو اللي لازم ولا بد تشوف خشته على الفطور ؟

ماهنا احد بس تسان به احد فهو امي

* هل تحب طبق او مشروب معين برمضان . هات اسمه وطريقة اعداده

انا اروح خرخر مع اللقيمي خصوصا اذا كانت الشيرة خفيفه ومضبوطه اما الشي

الي اضيع قدامه فهو فطاير الجبن الصغيرة الي تسوى بعجينه

(بف باستري) وااااااااااو تضيع علومي لاشفته اما طريقه اعداده فسهله يجيبون

جبن وعجين ويخلطونه ويحطون معهن شوي زيت حشيش وشوي

حيزبون بارد همن يحطونهن على الدافور اربع ساعات همن يطلعونهن همن ياكلهن

الواحد همن ياخذون هالواحد ويودونه لمقابر النسيم همن يحفرون حفره ويحلتونه

ويرجعون اما المشروب فهو الفيمتو ( الشربيت) وبس مع انه يطحل التسبد

* واذا كنت تتسحر وش سحورك غالبااا < عشان ندري انت دب ولا عصقوول خخخخخ

ما ادقق واجد بهالامور بس الظاهر ان الرز اكثر شي

* ووش تتابع بالتلفزيون يالشين \ الشينه ؟

انا ولله الحمد ماتابع التلفزيون لي مده خصوصا هالكلاب الي ياخذون اجور الناس

برمضان ويروح رمضان بدل مايكون عبادة يصير فساد واستهزاء بالدين والمطاوعه

* وش رايك بنظام الامة السعودية من ناحية توقيت العمل برمضان ؟

زفت

اصلا هو عندنا شي منظم في ظل حكومتنا الرشيده

* هل تؤيد الازحام على الشوربة والمكرونه والفمتو برمضان ؟

لا

انا اؤيد حكومه حماس

* من تحب تختم القرآآن معه من المشايخ . هذا اذا كنت تصلي التروايح

الصراحه انا احب انوع بين القراء لكن اكثر شي القارئ ناصر القطامي

والقارئ ابراهيم الجليل والشيخ ياسر الدوسري وانا الصراحه رايحن وطي

مع الشيخ ياسر الدوسري حتى من قو ما انا رايحن معه خرخر قررت اذا

اعرست وجان ولد بسميه محمد على اسم الشيخ ياسر

الشيخ ياسر اعجوبه والي ماصلى معه تراه ماصلى <<< انواع الغلو
استغفر الله
* متى تشري ثياب العيد ومن ووين ؟

بيني وبينك ما اشري بس اذا كنت ناوين اشري شي اشريه بدري يعني اخر شعبان
او اول رمضان.

* فيه سؤال ودك لو اني سألتك ايااه ؟ وشو ؟ وهات جوابه

ايه والسؤال هو

وش تسوي مرة جاركم الجديد على الفطور برمضان ؟

الجواب

ما ادري لأنهم توهم ساكنين ولا تعرفنا عليهم

كذا حلو ياحلوين

اف تراي اصدق

وجع

اتمنى تكون الاجابات مليانه فكاهه وسعة صدر
ولكم مني كل المحبة ( وردة فيها شوك ) خخخخخ

يالحزة هذي المفروض تصير فوق ماهو لاخلص الواحد قلتي له هالحتسي
ملاحظة جيدة

ويقولكم الجنط مع كل هالهذره

والله ودي استهبل واستخف دمي بس والله اني مصخن والانفلونزا فقعت وجهي

وش اكثر من تسذا قصرت وانا انسخ لك

ووخ خلصنا من الجنط الله يعطيه ويعطيني العافية

ونشوفكم بكرا مع احلى الانااااااث في قصيمي نت
ابد

ااابد

اابد

ماحد يتوقعهاا

مشاركة هذا الرد في

Google	Facebook
Twitter	Digg

سلسبيل · #2 01-10-06, 02:38 PM

الله أن تحي غريب الماضي في شبه بالخط

الله يحي جنط السفينه

مشكوره ساره

أنت إبداع الموضوع بحد ذاته

مشاركة هذا الرد في

Google	Facebook
Twitter	Digg

وليد 1 · #3 01-10-06, 02:59 PM

ودي أقوله والله أنك رهيب

مشاركة هذا الرد في

Google	Facebook
Twitter	Digg

شباصة قصيمية · #4 01-10-06, 03:06 PM

اقتباس:

المشاركة الأصلية كتبت بواسطة سونونو


	ونقووول لكم ارحب بالجميع وخاصه الوجيه اللي تفد إلينا من خارج الترفيهي ياهلا وغلا والله تو مايبرررق الموضووع نجي لضيفنا اليوم الفتى الاشهب المنطلدز بقووة .. الاول في تكسير مجاديف السحالي وجوده يعتبر قريب لكنه أبدع بسرعة فأثبت وجوديته بمواضيعه التي مصدرها دماغه فقط رحبوو معي بالمنطلدز التاسع 9 \9 خوش موعد مع جنط السفينة هلا بجنطوطه <<تدليعه كووووشخه سلام يامنطلدز \ منطلدزة وعليكم السلام اسأل الله ان يبلغنا وياكم الشهر الفضيل آمين وتجهيزا للشهر بيكون فيه موضوع بعنوان ( رمضانيات منطلدز ) الناس تقول تجهيزا لرمضان دوكم ذوقوا هالسنبوسه وانت جاوب على هالاسئله وياليت ياطويل \ طويلة .. العمر ترد على الاسئله اللاحقة < قوية منهي لاحقه عسى ماهنا خلاف بس ثمن ترسها لي بسرعه بالخاااااصه لان اللي يسبق ننزل رمضانياته الأول ترى تأخر الرد بسب اني مصخن لي خامس الله يعافين بس وعلى فكررره اذا نزل الموضوع انتم تابعوه لاني بانشغل باللي بعده وشو الي بعده غير ان رمضان مع الدوام ياخذ الوقت بسيطه ما يبي له تفكير افصلي= تقاعدي او استقيلي تمنياتي لكم برمضانيات رحمة ومغفرة وعتق من النار آمين كل هذا توه مابدأ الاجابات بسم الله * متى بديت تصوم رمضان .. ومن اللي أثر فيك ؟ الله مير يحرج عدوتس عاد ذا سؤال ماله بديل منا والا منا بس تسانتس ملزمه نعلمتس الصراحه يوم كنا صغار قوة ما اذكر لكن مابديت اصوم رمضان كامل الا وعمري يمكن 15 او 16 لأنه كان عندنا واحد من اخويانا مسوين نفسه مفتي الحارة كان دايم يقول (صام الفقعسي ولا صلى ياليت الفقعسي صلى ولاصام) وحنا عاد ماصدقنا خبر كل يوم سنكرس وفيمتو الله يحوم تسبد العدو ماادري وشلون مايجينا (مر) وصرنا نتجمع الظهر بفيلا تبنى ولهم من هالبلاوي الله يغفر لنا بس اما الي أثر فيني فهو علي ابورجل مسلوخه (حفظه الله) (q33) جنط وشو q33 * كيف كانت سلوكياتك الرمضانيه بالبيت او المدرسة ؟ بالمدرسه نوم اما البيت فكنت انام الظهر طبعا هالحتسي يوم بديت الصوم والعصر اتابع برنامج حروف ( ياقدمه) اما هالحين فلله الحمد صرت احاول استغل رمضان بما ينفع * هات لنا اطلق موقف حصل لك برمضان ؟ والله مايحضرني شي هالحين بس اذكر مرة ليلة تسع وعشرين كان هاك اليوم ختمة المسجد الي اصلي فيه اخذت معي ولد اختي الصغير كان عمرة تقريبا سبع سنوات المهم طول الامام قوة هاك اليوم ويوم جاء اخر ركعه الي هي الوتر الي يدعي به الامام قال لي ولد اختي قبل مايكبر الامام خالي انا حسران انا قعدت اناظره واقول والله ماهوب وقته هالحين لاطلعت منين لي مكان المسجد مليان والناس خاشعه المهم قلت تقدر تصبر لما نخلص هو استحى وقال ايه المهم يوم انتصف الامام بالدعاء واناظر الولد الاه يحك رجلينه ببعض ويحاول يمسك نفسه يوم شفته كذا قلت لا يسويها بالمسجد واقطع صلاتي واطلع انا واياه يوم رجعت الا فاتني الدعاء واقوم واقضي الركعه وللحين قافلتن معي اول مرة اخشع وحاسنا الله يحوس بليسه ايه عشان تخشع مره ثانيه ولا عمرك تاخذ مبزره معك صدق توهيييييييقه <<دايم تطيح بهم أو هم يطيحون به والله مدري * هل صليت التراويح وانت صغير ؟ هات موقف جبت العيد فيه وانت تصلي ؟ كنا نروح نوذي نفتح بالسيارات ونحوس العالم اما الموقف فما اذكر شي كيف وإزاي يكون يومك برمضان حاليااا ؟ اجي من الجامعه وانام الظهر واقوم اصلي العصر واقعد بالمسجد اقرا قرآن ثم ارجع وافطر وانا مسوي حمله برمضان بالبيت مخليهم يفطرون خفيف المهم افطر خفيف ونقعد نسولف شوي بعدين نروح ندور لنا مسجد بعد التراويح اذا كان فيه جلسه عائليه او طلعت استراحه او اي شي مفيد وباقي اليوم يروح بالقراءة منهو اللي لازم ولا بد تشوف خشته على الفطور ؟ ماهنا احد بس تسان به احد فهو امي * هل تحب طبق او مشروب معين برمضان . هات اسمه وطريقة اعداده انا اروح خرخر مع اللقيمي خصوصا اذا كانت الشيرة خفيفه ومضبوطه اما الشي الي اضيع قدامه فهو فطاير الجبن الصغيرة الي تسوى بعجينه (بف باستري) وااااااااااو تضيع علومي لاشفته اما طريقه اعداده فسهله يجيبون جبن وعجين ويخلطونه ويحطون معهن شوي زيت حشيش وشوي حيزبون بارد همن يحطونهن على الدافور اربع ساعات همن يطلعونهن همن ياكلهن الواحد همن ياخذون هالواحد ويودونه لمقابر النسيم همن يحفرون حفره ويحلتونه ويرجعون اما المشروب فهو الفيمتو ( الشربيت) وبس مع انه يطحل التسبد ممكن ترسلي من هالطبخه بس مب الحين متى ما بغيت انتحر استغفرالله لو تدري امي اني كاتبه هالكلام <<دايم تهوشن على هالكلمه * واذا كنت تتسحر وش سحورك غالبااا < عشان ندري انت دب ولا عصقوول خخخخخ ما ادقق واجد بهالامور بس الظاهر ان الرز اكثر شي * ووش تتابع بالتلفزيون يالشين \ الشينه ؟ انا ولله الحمد ماتابع التلفزيون لي مده خصوصا هالكلاب الي ياخذون اجور الناس برمضان ويروح رمضان بدل مايكون عبادة يصير فساد واستهزاء بالدين والمطاوعه * وش رايك بنظام الامة السعودية من ناحية توقيت العمل برمضان ؟ زفت اصلا هو عندنا شي منظم في ظل حكومتنا الرشيده * هل تؤيد الازحام على الشوربة والمكرونه والفمتو برمضان ؟ لا انا اؤيد حكومه حماس * من تحب تختم القرآآن معه من المشايخ . هذا اذا كنت تصلي التروايح الصراحه انا احب انوع بين القراء لكن اكثر شي القارئ ناصر القطامي والقارئ ابراهيم الجليل والشيخ ياسر الدوسري وانا الصراحه رايحن وطي مع الشيخ ياسر الدوسري حتى من قو ما انا رايحن معه خرخر قررت اذا اعرست وجان ولد بسميه محمد على اسم الشيخ ياسر الشيخ ياسر اعجوبه والي ماصلى معه تراه ماصلى <<< انواع الغلو عشان اسموه ياسر استغفر الله * متى تشري ثياب العيد ومن ووين ؟ بيني وبينك ما اشري بس اذا كنت ناوين اشري شي اشريه بدري يعني اخر شعبان او اول رمضان. * فيه سؤال ودك لو اني سألتك ايااه ؟ وشو ؟ وهات جوابه ايه والسؤال هو وش تسوي مرة جاركم الجديد على الفطور برمضان ؟ الجواب ما ادري لأنهم توهم ساكنين ولا تعرفنا عليهم ههههههههههههههههههههههههه سؤال وجيه واجابه صريحه كذا حلو ياحلوين اف تراي اصدق وجع اتمنى تكون الاجابات مليانه فكاهه وسعة صدر ولكم مني كل المحبة ( وردة فيها شوك ) خخخخخ يالحزة هذي المفروض تصير فوق ماهو لاخلص الواحد قلتي له هالحتسي ملاحظة جيدة ويقولكم الجنط مع كل هالهذره والله ودي استهبل واستخف دمي بس والله اني مصخن والانفلونزا فقعت وجهي وش اكثر من تسذا قصرت وانا انسخ لك ووخ خلصنا من الجنط الله يعطيه ويعطيني العافية ونشوفكم بكرا مع احلى الانااااااث في قصيمي نت ابد ااابد اابد ماحد يتوقعهاا

وين جنططوه

<<طايحه تدليع باسمه

مشاركة هذا الرد في

Google	Facebook
Twitter	Digg

شباصة قصيمية · #5 01-10-06, 03:08 PM

الذين يشاهدون محتوى الموضوع الآن : 5 ( الأعضاء 4 والزوار 1)
شباصه قصيميه, دمعه قمر, جنط السفينة

طلع جنيطوه<<عاد هذي معياره

مشاركة هذا الرد في

Google	Facebook
Twitter	Digg

ام أيمن · #6 01-10-06, 03:11 PM

* هات لنا اطلق موقف حصل لك برمضان ؟

والله مايحضرني شي هالحين بس اذكر مرة ليلة تسع وعشرين كان هاك اليوم

ختمة المسجد الي اصلي فيه اخذت معي ولد اختي الصغير كان عمرة تقريبا سبع

سنوات المهم طول الامام قوة هاك اليوم ويوم جاء اخر ركعه الي هي الوتر

الي يدعي به الامام قال لي ولد اختي قبل مايكبر الامام خالي انا حسران

انا قعدت اناظره واقول والله ماهوب وقته هالحين لاطلعت منين لي مكان

المسجد مليان والناس خاشعه المهم قلت تقدر تصبر لما نخلص هو استحى وقال ايه

المهم يوم انتصف الامام بالدعاء واناظر الولد الاه يحك رجلينه ببعض ويحاول يمسك

نفسه يوم شفته كذا قلت لا يسويها بالمسجد واقطع صلاتي واطلع انا واياه

يوم رجعت الا فاتني الدعاء واقوم واقضي الركعه وللحين قافلتن معي اول

مرة اخشع وحاسنا الله يحوس بليسه

خخخخخخخخخخخخخخخخخخخخ

بطني عورني من الضحك

والله مواقف الاطفال تفشل بالمساجد

جنط السفيرة اسم لمع كالبرق بهذا القسم

منسم بقووووووة

مشاركة هذا الرد في

Google	Facebook
Twitter	Digg

ام أيمن · #7 01-10-06, 03:12 PM

سنسوسنسوسنسوسنسوسنسو

حوووووووول

متى تذيعين حلقتي لانه في قنوات طلبوها مني ناوين يشتروها

اذا ما ودك تذيعنها بكره اعطيني الحلقة والله يعينا

مشاركة هذا الرد في

Google	Facebook
Twitter	Digg

د. جنط السفينة · #8 01-10-06, 04:03 PM

بسم الله الرحمن الرحيم

اولا

اشكر اختي سونونو

على اختيارها لي والثقه الممنوحه لشخصي << ذويقه البنت تعرف تختار

ثانيا

جنط وشو q33

هذا عدد الكوكاوات الي اكلتهن بظهر رمضان الله لايعاقبنا

33 كيوي

كيوي ترمز للكوكاو << تحسون انه قروي من جد

ثالثا

الي يشوف ابوهتون اليوناني

يقول له يقول الجنط تسانك صادز الوعد بالماسنجر

ابوهتون في شوارع اثينا بعد الصياعه الله يحفظنا

رابعا

كلكم معزومين اليوم ولا حنا سامحين لاحد مايجي

المتسان

بمسجد الحديثي الي فوق مخرج عشرة

حياكم الله لا تخلوننا

.

.

مشاركة هذا الرد في

Google	Facebook
Twitter	Digg

وليد 1 · #9 01-10-06, 04:07 PM

اقتباس:

المشاركة الأصلية كتبت بواسطة جنط السفينة


	بسم الله الرحمن الرحيم اولا اشكر اختي سونونو على اختيارها لي والثقه الممنوحه لشخصي << ذويقه البنت تعرف تختار ثانيا جنط وشو q33 هذا عدد الكوكاوات الي اكلتهن بظهر رمضان الله لايعاقبنا 33 كيوي كيوي ترمز للكوكاو << تحسون انه قروي من جد ثالثا الي يشوف ابوهتون اليوناني يقول له يقول الجنط تسانك صادز الوعد بالماسنجر ابوهتون في شوارع اثينا بعد الصياعه الله يحفظنا رابعا كلكم معزومين اليوم ولا حنا سامحين لاحد مايجي المتسان بمسجد الحديثي الي فوق مخرج عشرة حياكم الله لا تخلوننا . .

أجل جارنا أنت

أبطلع على الزاوية وأناظر كل اللي يدخلون من البوابة الشمالية وأبعرف شبهك من الصورة

مشاركة هذا الرد في

Google	Facebook
Twitter	Digg

د. جنط السفينة · #10 01-10-06, 04:11 PM

اقتباس:

المشاركة الأصلية كتبت بواسطة أخـت الجميع


	الله أن تحي غريب الماضي في شبه بالخط الله يحي جنط السفينه مشكوره ساره أنت إبداع الموضوع بحد ذاته

ياهلا تحيين وتدومين

وشلونتس

وشلون اخوتس الجميع عساه طيب

يقولون انه مصخن بهالفايت

سلمي لي عليه

.

مشاركة هذا الرد في

Google	Facebook
Twitter	Digg

الذين يشاهدون محتوى الموضوع الآن : 1 ( الأعضاء 0 والزوار 1)