العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#261
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
لا مو بحري بس فيه بحري واكلات شعبيه وخليجيه احس انك ياغريب من رواد الشرقيه وتجيها باستمرار مادام تعرف ليالينا اكيد باخص فيها
|
#262
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
ما أعرف المطاعم كثير صراحة تخبر الشيبان حدهم الفوال
|
#263
|
|||
|
|||
رد: سكري بعد التقاعد شغال مشاوير في اوبر وكريم
البارح جاني طلب من حي الزهور .التقينا والقاء قسمه مقدر.. وصلت للزبون في المكان المحدد وبصحبته مجموعه من الحريم وقفت عندهم وبصوت واحد انت اوبرااااا حسسوني أني قائد اركوسترا قلت علي وين قالو نبي نروح نعزي علي
ناسس في حي البديع بس قالوا نبي نقعد ساعه وبنكلمك وارجع علينا شفتهم في متوسط عمرهم ورايحين يعزون قلت مايخالف ناخذ اجرهم عقب ماوديتهم كلموني بعد ساعه اوبرااا قلت نعم أنا قائد الاركوسترا جيتهم ولما اركبوا السياره وبدأ الكلام مع بعض شفتم لطيفه خانت حيلي هدها المرض وكبرت وهي توها صغيره الله يهد حيل زوجها من عقب ما تزوج المغربيه . وحده تقول لهم تصدقون اول ماجاب المغربيه دخلها عليها في بيتها وهي ماتدري وناداها مسكينه قال تعالى سلمي علي زوجتي تقول تفاجئت وجاتها رعشه ومن ذاك اليوم وهي مهيب طيبه وجاتها الأمراض من كل جهه. وقالت استولت المغربيه علي البيت وتقول مره من المرات كانت المغربيه مهيب موجوده والعيال مافيه احد وراحت لطيفه عند زوجها شافته لحاله وقالت اروح اسولف معه اسليه. اسلي خاطري عن حب خلي غريب الدار ... يقولون يوم شافها طردها. وحده منهم قالت هاذا الي يجرون وراء رجاجيلهم هاذي كانت أول قبل مايعرس علي المغربيه كانت لازقه في زوجها من مايروح وهي وراه ماتخليه يتنفس . المفروض الحرمه تخلي زوجها علي راحته يسافر يروح يجي ماتصير خفيفه عليه والرجال مايحب الحرمه الي تراكض وراه يبغي وحده تلعن خيره وتخليه يهجول الين يحتاج لها ويجي يركع عندها عاد أنا مادري ويش اتصرف وانا اسمعهم . كاني لأسمع لاار لاتكلم أنا في نفسي ايد كلامهم أن الزوجات يخلون الرجال علي راحته يسافر يروح. هاذا الي تبغاه ياسكري وكل ماراح مشوار بسيط تلفون يرن وينك متي بتجي هاذي اعتبرها تقييد للحريه قبل مانوصل للمكان دقت وحده علي زوجها وهي تتغنج بكلامها لو سمحت يابو محمد يجلس عند جيراني نتقهوي ونسمر عندهم بس مانيب متاخره عليك وتقعد تكرر كلمه مانيب متاخره عليك قالوا الي معها والله انه يبغا الفكه منك عاد هاذي الحرمه تبين لهم الرومنسيه وماندري ويش وضعها في البيت . وصلنا نهايه مشوارنا في ركن المشاوير. الي اللقاء
|
#265
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
اي والله يخوي غريب تبي تحر قلوبهم يعنني رومنسيه وغير عنكم. حتي أنا متعاطف مع لطيفه لاكن برضه المغربيات يقولون السحر الحلال الطيبه والجاذبيه بعدين حريمنا عندهم طبع التملك يبغونك تمشي حافي وكل دقيقه وساعه وينك مين الي معك متي بتجي . تقول احتكار نقل مباريات
|
#266
|
||||
|
||||
رد: سكري بعد التقاعد شغال مشاوير في اوبر وكريم
يابن الحلال عندنا هيله مسميه نفسها ريما المغربية وهي من القصيعة ولسانها متبري منها ، بس والله انها جنيية سكري حالي معجب بهذا.
|
#267
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
القصيعه هاذي وين باغادير طيب وينهي هيله المغربيه خليها تجي هنا وتدافع عن نفسها . أما لو تطلع جنيه وتجينا مسرعه ترااا انا مالي خص تفاهم معها
|
#268
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
لا تجي هنا تخرب الموضوع خلها بالحوار تتهاوش مع هذا وتفقع وجه هذا
|
#269
|
|||
|
|||
رد: سكري بعد التقاعد شغال مشاوير في اوبر وكريم
أغديك موصلن مجاني هههههه
الله يوفقك يا شيخ سكري
|
#270
|
|||||||||||||||||||||||||
|
|||||||||||||||||||||||||
رد: سكري بعد التقاعد شغال مشاوير في اوبر وكريم
علا طريا مجاني . جاني طلب ورحت لمووه وعلي طول جاني اتصال منها قالت معليش ترا ماعندي فلوس توصلني قلت يمكن فعلا ماعندها فلووس وداني اللوكيش علي كافي في االفيصليه تقريبا بعد الظهر ويوم اشوف لهم خمس طالبات ركبوا وقالت وحده روح لحي الندي وعقب ماوديتهم نزلت وحده بيتها والباقي مانزلوا قلت يالله انزلوا قالوا باقي ودينا لجامعه اصاله . بعدها عرفت انهم يلعبون ويضحكون علي معقول خمس بنات ماعندهم فلووس أفكرها بس وحده لو تقاطوا من خمسه ريال جابت قيمه المشوار .. قلت لهم. أنا مشغول الان والجامعة بعيده افكر مشواركم بسيط وقلت معليش ماقدر اوديكم الا تعطوني فلووس وتبوني اوديكم للجامعه وبلاش بعد . قلت اسف انزلوا . قالت الي نزلتها خلاص انزلوا يابنات معي في البيت وبشوف السواق أو أحد ابوي يوصلكم للجامعه . بس انت ياعشق لو تبيني اوديك للنفوذ بلاش ابشر ولايهمك
|
مواقع النشر (المفضلة) |
الذين يشاهدون محتوى الموضوع الآن : 4 ( الأعضاء 0 والزوار 4) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |