العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
|
#1
|
|||
|
|||
رد: فساتين الحفلات والطقاقات واشياء اخرى متفرقه
اقتباس:المشاركة الأصلية كتبت بواسطة عذبة الإحساس .
لن أتناول مجمل الموضوع لانه حقيقي وان اختلف القياس وهذا موجود في اغلب المجتمعات ولا يقتصر على دول الخليج .. لكن .. فكرة ان الأجانب لا يصرفون على مناسباتهم هذه غير حقيقة وان اختلف القياس .. في النهاية لكل الثقافات والشعوب طرقها الخاصة في الاحتفال الذي قد يبدو في نظر غيرها مستغرب ومستهجن .. فقط لا تصدقوا القشرة الخارجية التى تبدو لكم .. شقيان ياهلا بعذبة الاحساس سيدة نساء الدوحه والريان والوكره الاجانب في العائلات الاستقراطيه .. هذولا امرهم مختلف حالهم حال باقي العوائل في جميع انحاء العالم مالنا شغل فيهم احنا علينا من عامة الشعب .. المرأه البريطانيه متواضعه ولا تتكلف كما تتكلف العربيات في الحفلات والشي ذا شفناه بعيونا مو بس بحفلات الزواج بكل شي ماعندهم التكلفه اللي عندنا ماعلينا منهم انا ودي اعرف انتم في قطر يحصل عندكم نفس اللي يحصل عندنا ولا لا فيه عندكم التبذير في المناسبات انا اقصد عامة الشعب .. وليس العوائل الغنيه تصدقين عذبه قطر هي الوحيده من دول الخليج اللي ماشفتها ودي اشوفها والله ... يقولون عندكم جزيرة البنانا عجيبه يالله ان شاء الله ازورها عن قريب شكرا لكِ المتحد معجب بهذا.
|
#3
|
|||
|
|||
رد: فساتين الحفلات والطقاقات واشياء اخرى متفرقه
اقتباس:المشاركة الأصلية كتبت بواسطة الميسم الله يسعدك ضحكت على اللي طبت من طيب اهلها ههههههههه
موضوع يبي له عودة ومخمخه راجعه بإذن الله الساعه المباركه تشرفينا يالميسم يلا مخمخي وعطينا الحاصل ونبي نعرف فيه تذمر في الوسط النسائي من الذي يحصل ولا جايز لهم الوضع ؟
|
#5
|
|||
|
|||
رد: فساتين الحفلات والطقاقات واشياء اخرى متفرقه
لا انا اعجبك ماعندي بيع برد .. انا اصلا اذا طيرت عيوني البيت تهتز اركانه والله يالنادل اللي قاعد يصير مو كل على حسب دخله قاعدين نشوف ناس يحملون انفسهم ديون عشان كماليات وبهرجه في عوائل اغنياء مايسوون اللي يسوونه عامة الشعب ماهو بخل ولكنه قناعات وكلن بعقله راضي ع قولة المثل
|
#6
|
||||
|
||||
رد: فساتين الحفلات والطقاقات واشياء اخرى متفرقه
ماننكر الي انكتب فوق
شي مؤسف ومحرج بعض الحريم الله يهديهن عقولهن تودي وتجيب ما تثق في نفسها وما تقتنع ب لي عندها تحاول جاهده لو على حساب بيتها ان تواكب التخلف الي هي عايشه وسطه بالنسبه لي احضر زواجات ولي كم سنه ما الزمت نفسي بفساتين الاعراس ابد كسرة القاعده مو من قله لا والله الى من قناعه عادي لو تنوره وبلوزه اهم شي مناسب ومريح ومحتشم اما الولاده والبهرجه الزايده لو فيها شدة تتصدق بسلامتها وسلامة مولودها مادري وين بنوصل !!! خويك هذا لازم ياخذ موقف رسمي من زوجته ويعطيها درس لا تنساه شقيان معجب بهذا.
|
#7
|
|||||||||||||||||||||||||
|
|||||||||||||||||||||||||
رد: فساتين الحفلات والطقاقات واشياء اخرى متفرقه
يا هلا بكلمات سيدة النساء والله انج بطله وعجبني ردج ياليت كل الحريم يكونون مثل عقلج هي مو مسألة قله .. القناعه والثقه بالنفس اهم من مظاهر خداعه والمرأه ماراح يجملها فستان غالي الثمن وبالعكس اي شي يكون بسيط يكون افضل الولاده وحجز جناح لستقبال المهنئين صار موضه الحين شكرا لكِ
|
#8
|
||||
|
||||
رد: فساتين الحفلات والطقاقات واشياء اخرى متفرقه
الناس ما عليها من هل يعقل هالشي أو لا يعقل
اهم ما عليها التنافس يتنافسون في كل شي بداية من الفستان ونهاية إلى أطباق الحلى بكل صراحة البهرجه في تزايد وترى النساء ما تدخل في شي إلا وأفسدته يعني لو تلغي النساء هالبهرجه كلها راح يوفر الزوج والزوجة عليهم مبالغ كبيرة تنفعهم في أمور ثانيه أهم لكن كل وحده وقناعتها يعني مثلا فيه وحده تقول أنا إذا ما أحط زفة وأطلع قدام الناس وأتبختر ما اعتبر أني تزوجت ولا يهناني زواجي وشي طبيعي أنه مع كل مرة تتجدد الأفكار من الزفة إلى المطربة كل مرة لهم طريقة جديدة والحسابة بتحسب ولا همهم أهم شي يفوزون بلقب أفضل زواج طبعًا من ناحية انه جايز لهم هو موب جايز ولا يتذمرون لانه اللي موب جايز لها محد راح يرغمها وهالشي يرجع للمرأة نفسها يعني بعضهم ما يهنى لها إلا لما تلبس الغالي وبعضهم لأ يمكن ما تكرر الفستان لكن ما تبالغ في القيمة وترى احنا مضطرين نخسر موب على كيفنا احنا كذا طبيعتنا لا تقيسون على احد خلونا من الغرب هذولا لهم عادات وتقاليد وكل شي كل شي مختلف عنا لكن احنا مثلا وحده تبي لها لبس ومكياج وتسريحه والله حتى لو حاولت تقتصد ما تقدر صحيح فيه أسعار معقوله لكن لو جمعناها مع الفستان والمكياج والتسريحه بتطلع مبلغ وقدره شوف انا عندي قاعده انه العالم اللي عندها فلوس غصب بتطغى لا تقولون ليه وليه غصب الإنسان بطبيعته يحب الجمال يحب يكون كل شي يخصه على سنقة عشره وإذا كان مقتدر راح يحط اللي يبيه من و إلى وترى موب شرط أن البهرجه تمنعهم من الأمور الثانية ممكن يكونوا من الناس اللي تبالغ في مناسباتها لكنها من أهل الخير خيرها مغطي على ناس كثيره أنا ضد اللي يسعون للبهرجه وهم ما يملكون اللي يهيء لهم هالشي أتذكر كنا في سنه من السنوات وهالسنه برضو تجمعت عندنا ثلاث زواجات ورا بعض كان هم أهل الزواجات مين يكون الأفضل وبرضو همهم أنه الزواجات اللي ورا بعض يكون فيها مقارنة ومصيبة طبعا يكون زواجك الدرجة الأخيره وتعال شوف إذا وصل الكلام لهم أنه زواجهم أروع زواج تقول حازوا على شي محد يقدر يوصله لكن أنا أقول هذي فترة وراح تتغير العالم ما راح يستمرون كذا هم من أنفسهم بيرجعون للزواجات المختصره كل شي يجي طفره ويروح ما فيه شي يستمر انتم لو تدرون عن المعاناة اللي تصير للمرأة عشان بس يكتمل فستانها كان تحمدون الله ليل نهار انه لبسكم موحّد وأحيانًا تكون مضطر على كذا ماهو على كيفك لازم تساير المجتمع وخاصة لما يكون الزواج قريب لك مررره لكني ضد أنه يلبس مره وحده وخلاص الواثقه من نفسها بجد تكرر الفستان وعادة ما يكرر الفستان الا الناس المطنوخه الناس الي على قد حالها تحس أن الناس بتنتقدها مع ان الناس ما جابت خبرها فتنشب بحلق زوجها الا تبي فستان جديد وضد برضو المطربة فيه بدائل كثيرة موب لازم اجيب وحده تغني لي وصوتها الله بالخير واعطيها 17.000 أو 20.000 عشان كم بنت وحرمه تهز خصرها !! عنها ما رقصت ان شاء الله فيه بدائل ارخص واحلى وعلى الاقل ما تحس انه ملعوب عليك على أن بعض النساء ما تحرص تحضر للزواج الا إذا عرفت انه القاعه الفلانية والمطربه الفلانيه يعني موب شرط تجي تقدير للناس اللي عزمتها عندهم قاعده " قل لي في أي مكان زواجكم أقل لكم من أنتم " ههههههه ترى الحرمه عبارة عن خارطة معقده تجي تحلحلها تفكفكها ما تقدر موضوع خفيف طريف جميل كان ودي استرسل زياده بس خلاص خلصت الصفحه ^_^
|
#9
|
|||||||||||||||||||||||||
|
|||||||||||||||||||||||||
رد: فساتين الحفلات والطقاقات واشياء اخرى متفرقه
ياهلا بسيدة النساء الميسم والله فعلا كلامج صحيح .. اهم شي عندهم التنافس ولا يغلبونا عايلة فلان ههه وكأنهم داخلين مباريات النساء هن اللي افسدن عادات وتقاليد اهل الخليج قبل كم سنه ماكان عندنا كثير من العادات الدخيله علينا الآن انتم وضعكم نفس الوضع اللي عندنا بالتمام والكمال .. اهم شي عندهم انهم يفوزون بلقب افضل زواج والله اللي مقتدر هو حر ولكن اللي يتسلفون عشان يسوون كماليات مثل الزفه وما ادري شنو هذولا اللي عليهم اللوم يعني لو ان الزوج وزوجته وفروا المبلغ اللي اندفع من اجل كماليات واشتروا فيه اثاث لبيتهم لكان افضل لهم او ع الاقل ينبسطون بالمبلغ اللي اندفع للكماليات بالمطاعم والتسوق او سفر اما تدفع مبلغ لأم عايض عشان تقول العب العب العب فهذا والله هو الجنون بعينه اكلف اي وحده من قريبات العروس وتقول العب العب وانتهى الامر تقولين هناك من النساء لا يهنا لها بال الا لما تلبس الغالي هنا السؤال وش الفايده اذا كانت امرأه متزوجه وعندها اولاد .. ليش تضيق ع زوجها ؟ هالفستان الغالي ذا بتلبسه لمده ساعتين ثلاث وينتهي امره .. تقولين مانقدر نقتصد .. ليش ماتقدرون ؟ ماهو ضروري اشتري فستان قيمته عشر الاف ريال تقدر تشتري بالف ريال بس ويمشي حالها .. ماهو لازم الفخفخه الزايده وحده من زميلات المدام تقول لها عندنا زواج وطلبت من زوجي يجيبلي ثمن الفستان وكان بحدود 6 الاف ريال .. 500 دينار بعملتنا قالت لها المدام ليش تضيقين ع زوجج .. اخذي فستان ارخص من هذا قالت والله الا يجيبه ورجله فوق رقبته شفتي اشلون وصل الامر انها تنفذ طلبها حتى واهم مو مقتدرين اهم شي عندها تلبس فستان غالي حتى لو اضر زوجها اللي عندهم فلوس ممكن نعذرهم ونقول هم احرار بأموالهم ولو ان الامر لايقبله الدين فهو من التبذير المنهي عنه ولكن في النهايه هم لم يقترضوا اموال ولم يكلفوا على انفسهم بطاقه اعلى من طاقتهم اللي مقتدرين كيفهم عندنا تصير حفلات زواج يتعاقدون مع فنانين معروفين مثل نبيل شعيل واحلام وباقي الفنانين ولكن هذيلا ناس مقتدرين والمليون عندهم كأنه الف اما اللي على قد حاله ويفعل كما يفعل المقتدر هنا انا اعتبره غبي .. راح تركبه الديون لسنين طويله عشان اشياء مالها داعي المناسبات صار فيها منافسات وكل عائله تبي يكون زواجهم افضل شي طيب هل انت مقتدر .. اذا كانت الاجابه نعم .. على بركة الله مافيه مشكله اما اذا لا .. ليش اضحك ع نفسي واركب نفسي ديون انا في غنى عنها افضل شي ترجع الامور مثل اول وتنتهي ياليت .. احس اللي يسوونه الحريم شيء يغضب الله فساتين غالية الثمن وتسريحات غاليه ومكياج غالي .. واخرتها ماراح يتغير منها شي الزين زين والشين شين .. تقولين لو تدرون عن المعاناه اللي تصير للمرأه عشان يكتمل فستانها طيب وش حادكم ؟ وارد واكرر المرأه المتزوجه اللي عدت سن الاربعين وش حادج ع الغثاء هذا كله ؟ بالنسبه للفستان انه يلبس مره وحده بس ... هذا دارج عندنا ومن تلبسه للمره الثانيه فهي بنظرهم مستواها متدني هههههه المطربات الحين صاروا يتنافسون بالاسعار .. بس مو بالخصم .. بالزياده كل وحده حاطه في مخها انها افضل ويجب ان يكون سعرها اغلى ولازم تحجزها قبل اشهر عديده ولما تجي .. طقت طارها وتقعد تغني .. تميم اهل الدم الحمر .. ذباحةٍ مايرحمون تميم العز والفخر ... من شافهم عوّد ورى وطبعا كل عرس مجرد انها تغير اسم القبيله او العائله ويرتفع اجرها لأنها تغني مثل هذه الاغاني الحماسيه اللتي يكون فيها مفاخره طبعا الفنانات عودوهم الحين بالاضافه لأجرها .. عودوهم ع النقطه شغلات دخيله علينا والا النقطه ماكنا نسمع فيها الا بالكبريهات ... الحين صارت بحفلات الاعراس الحريم بأمكانهم الاتفاق فيما بينهم بنبذ العادات الدخيله على مجتمعاتنا والعوده الى البساطه حتى تحل البركه على الزواج شكرا لكِ الميسم معجب بهذا.
|
#10
|
|||||||||||||||||||||||||
|
|||||||||||||||||||||||||
رد: فساتين الحفلات والطقاقات واشياء اخرى متفرقه
معليش ميسم مو شرط ان كل راعي حلال يطغى لاهو ولا رعيته انا اعرف ناس اصحاب ملايين ومع هذا زواجتهم مثل بقية جماعتهم العاديين بل انه احيان يكون زواج فقير حافي منتف زواجه صارف فيه مبالغ اعلى حضرت زوجات لبعض اللي اقولك عنهم حتى صحون العشاء موضوع فيها اللحم والزر بقانون وهذا الصح برايي الزواج قد تنزع بركته بسبب مظاهر البهرجه وياكم وكم زوجات انتهت بالفشل الذريع بسبه مثل المظاهر الشيطانيه .. شقيان معجب بهذا.
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |