الموضوع
:
جارالله عبدالله عز للخوي اسلاح
عرض مشاركة واحدة
#
1
30-11-20, 11:47 PM
احترافي غير
من نجوم المنتدى
جارالله عبدالله عز للخوي اسلاح
جارالله عبدالله عز للخوي اسلاح
يامحمد لامن ضاق صدرك من الناس
لايضيق إلا من رفيقٍ شريته
تشريه بالخوه وطيبٍ ونوماس
ثم يخلف الهقوه على ماهقيته
حنا تربينا على رفعة الراس
ونذود دون الجار واطناب بيته
ما حاشنا حوش الردي شين الأجناس
تشوف في وجهه نكد لا رأيته
يغريك بالضحكه وضحكه لك افلاس
ولاشال همك يوم حالك بريته
ولاتنفعل وتطيح في صدمة الياس
إنسه مثل أغلى فقيدٍ نسيته
وأغنم بخوة من ورث طيبة الساس
ياقف معك بالضيق لامن نصيته
جارالله عبدالله عز للخوي اسلاح
ماطفت ناره رفع الله صيته
ماورد الصاحب على درب الأتعاس
يعجبك بالفزعه ولو ما احتميته
هذاك فزعاته كما ضربة الفاس
عكس الردي ماينفعك لو نخيته
ماتجدي الشرهه على قول بلاس
الي يضد العيب لامن نهيته
لو صرخه أبو ادباس ردت له ادباس
ماقال ياوجدي عليه احتريته
ولو المراجل جت على كيف الانجاس
يشيب راسي دون شيٍ بغيته
لكنها عند الطحاطيح تنقاس
والطيب من وجه الردي مارجيته
مشاركة هذا الرد في
Google
Facebook
Twitter
Digg
أنت معجب بهذا.
التوقيع
احترافي غير
مشاهدة ملفه الشخصي
إرسال رسالة خاصة إلى احترافي غير
البحث عن المشاركات التي كتبها احترافي غير