السلام عليكم ورحمه الله وبركاته
مساكم الله بالخير
المكونات
صدور دجاج
ملح وبهارات للتتبيل وليمون
جزر وفلفل رومي وبصل وطماطم وصلصه
ملعقه صغيره نشأ
بيضه ودقيق
زيت للقلي
الطريقه
تقطعين صدور الدجاج حسب الرغبه وتتبلينها بالبهارات والليمون وتدخلينها الثلاجه نص ساعه
وبعدين تطلعين الدجاج وتاخذين على قطعه قطعه وتقلبينهم ببيض وبعدين بالدقيق
وعقب تقلينهم بالزيت لين يتحمر وتطلعينه
تقطعين البصل شرائح وتقلبينه على الزيت وبعدين الجزر والفلفل رومي والطماطم
وتحطين بهارات وملعقه صغيره صلصه وملح وفلفل وتقلبينهم شوي مع بعض وبعدين تضيفين الدجاج
وتاخذين ملعقه النشأ وتذوبينها بربع كوب ماي وتحطينها على الدجاج واذا احتاج تضيفين ماي ضيفي عليه..وخليه تقريبا 7دقايق وصكي عليه
والرز >>اذا تبين تسوينه صيني ..أسلقي الرز عادي
وتاخذين بصل وثوم وبازلاء وذره وتقلبينهم على زيت
وتضيفينه على الرز ..وقبل تصكين عليه اذا تبين تضيفين بقدونس وشبت
>>طبعا انا بالرز الصيني اللي سويته أكتفيت بالبصل والبازلاء والثوم بشرته وبعدين سويت بقدونس بس
وهذا شكله
وسلامتكم