العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
قصة وقصيدة (التشرط في المـــهــر )
كيف الحال يا أخوان ويا أخوات وكيفكم مع الاجازة الصيفيه وكيف الحر معكم التمر والخراف (هذي ابرز معالم الصيف )
يقول الراوي يا ساده يا كرام 7 7 7 7 هذا واحد من الناس جاء من قرية وعاش في مدينة ولد فلاليح ما شاء الله عليه جسمه ضخم وكبير أول ما جاء يشتغل في الاعمال الثقيلة كان قبل يبيع ويشتري وتعلم الصنعه وراح اشتغل لين صار مساعد ميكانيكي ودايم ينزل حديد ويشيل حديد ويديه في الديزل والبنزين وتنظيف الحديد إلين صار كل شي فيه خشن يديه حرش ورجليه وهو بعد ما عليه مسحه جمال بالحيل مرة لكنه رجال ذرب ( هذا أهم شي , الجمال جمال الروح !! هذي حيلة العاجز ) . عاد تقدم به السن شوي وهو كل ما حصل من خير روحه لأهله إلين طالت المدة عليه وما تزوج ما كتب الله له عرس ومضت عليه سنين أول ما عنده نيه يتزوج يقول ابصبر كان ناوي يتزوج من أقاربه أو من بنات عمه ولا كتب الله شي وكبر الحاصل طولت المسأله معه وكبر بالحيل صار عمره حول الاربعين ما تزوج وفي هذا السن كل ما بغى يتقدم لأحد قالوا والله كبير ما يصلح ما عاد بغاه أحد (هاه هذا ياعيال اذا قنا لكم تزوجو بدري نخاف يحصل لكم ما حصل الولد هالاجواد ) وإلى عنده بيت فيه كل شي من الاثاث ومن لوازم البيت معاميل ومراكي وفرشة وزل وإلى جاء أيام العيد يكشخ ويلبس مجلد وفرد حاطه معه للزينه ولا هو مهوب راعي مشاكل ولا شي . عاد له رفيق حليل و شيطاني دايم يوكله مقالب وهو واياه يسوون مقالب وضحك على بعض فمرة من المرات قال له أنت يوم أن كبرت وتقدم بك السن ليه ما تتزوج باكر يجيك عيال ويذكرونك بهم قال على يدك أنا لاقي احد قال رفيقه هو لازم تتزوج بكر؟؟ قال لا قال فيه وحدة هنا ميت زوجها وعندها بيت وأنا ما أدري البيت لها أو لزوجها اصبر خلنا نشوف قال البيت ما همني بس هي حرمة قال أبد حرمة سنعة عاد هو يحب الحريم الراهيات وخاصة اذا كانت مليانة ومعزله .. المهم يالربع ما لكم بطويله راحوا يدورون يمين ويسار الين لقوا لهم وحدة عمرها 38 أو أنها داخله الأربعين بعد بشوي ولها بنتين كبار وحدة منهن معرسة والثانية صغيرة ولها بعد ولدين هذولا عيالها من المرحوم المهم رفيقه راح وكلمهم وقالت ما يخالف ونبي نشوفه قيبل قال طيب إلى جاء العصر حاولوا تمرون عند السوق وأنا أبجيبه معي , وفعلاَ جابه ووقفه وقاله شفها هذيك اللي تمشي عليها عباة شاف يدها وشاف ذرعانها وشاف ممشاها وجازت له ( الله يخلف عليه لوله من عيال الحين كان ما يرضى يشوفها ويتمقل فيها إلا وهو مرتز في المجلس ) قال توكل على الله وكلمهم راح وخطبها له وقالت له ما يصير إلا خير ورجع له بسرعة وقال له ترا كلمتهم وموافقة بس أنت وش عندك من الجهاز اللي بتدفع لها قال ما عندي شي حاضر إلا في يدي قال له بع كل اللي عندك هالزل والمراكي والدلال والفرد كلهم بعهم وبيرزقك الله غيرهم بعهم بس وخلهم مع الجهاز يبي لك عزيمة وذبايح وبتعزم ربعك . المهم راح وباع المراكي والدلال والقش والفرد باعه وكل شي وراح تقدموا لها يوم تقدم لها وجاب الجهاز قالت وش اللي أنت جايب قال هذا اللي هو يقدر عليه وأنتي وش تبين بعد احمدي الله أن حنا لقينا لك رجال يدخل ويظهر عليكم ويوسع صدوركم ويحفظ العيال قالت والعيال ضايعين ما ضاعوا العيال عسى الله يخلي لهم عمانهم وأهلهم قال هو يبي يأخذك ويوسع صدرك ورجال بدال ما تقعدين لحالك قالت قم بس شل قشك ابي بيت يحطه لي وأبي كذا وكذا ( والله لوها أم خمس طعش كان ما تشرط هالتشرط ) وإلى توها طالعه السيارات قالت وأبي سيارة تجيبني وتروح بي وحاول معها انها تخفض من هالشروط وقالت : أبد وراح عاد علمه بالكلام هذا ويوم شاف المسألة مهيب في يده ما يقدر على هذا وفي النهاية هون ( احسن الله يعوضه بالحور العين الزين من هالعجوز ) عاد هالقصه يا اخوان تذكرنا بقصيدة بنفس الطريقة ونفس الترتيب وهي لشاعر فيصل بن عبدالله بن لذيذ الرويلي الله يرحمه ويقول في القصيدة ..
قــال الرويلـــــي بـــادي بالجذيبــــة = أبديت من جاش الحشا ما طرا لي
ومصيبتــي يا ويــــها من مصيبــــة = البيت من بعض المصاريف خالي ويقـال خذ لك يا الرويلـــي حبيبــــة = يقولهــا اللي ما درى ويش حالـــي وأنا معاشـــي كـل مـا رحت أجيبــه = ثلث أجــــار وثلث قطــة كمالــــي وثلث على عيون الرجال اكتسي به = وأدرج الأيــــام تدريجهـــا لــــــي قامـوا يقـــولون العــرب فيـه ريبــه = أظن مابه من مثل ما بالرجالـــي وهميت ابعــرس في ليــــالي قريبــة = وبعت المراكي والنجر والدلالـــي والفـرد بعتــه قايــل ويش أبـــي بــه = وبيعت كل الفرش وأحصيت مالي وحصلت مقـدار العجـــوز المشيبــة = خمسمية تنقص قميـــن الريالـــــي وأرسلت من يخطب عجــوز هليبــه = حدبا كما قوس حناها الشمالــــــي رقبا وعضبـــا والــرجل به خشيبــة = وحتى حنكهـا صاير به ميا لــــي وجــاب الخبــر منه فــرى الله جيبــه = تطلب ثلاث بشوت والشئ غالـي مع دوشــــق ضمنه شـــرايـا تعيبـــه = منهن شـــراشيف وطاقه شيالـــي وأربــع ذبأيــح وألف نقــد ضريبـــة = وأربع طوايـــق واللواحيق تالـــي وما يلحـــق الظيفــة وما يعتنــي بــه = حتــى الحطب ما عندنا للدلالــــي ومن عرض ما قالت أمـور عجيبـــة = كسوة بناتي قبل كســـوة عيالــــي وتقول أبي موتر وأبــــي له جنيبــــة = لا بنشر المـــوتر إلى ذا قبالــــي وبيت كبيـــر واســـــع نهتنــي بـــــه = حول المطار بمجرهد السهالــــي ومنظم بالكهــرباء وتخضـــــي بــــه = لونه خضر ومزخرف بالكمالــي قلت استخرنا ذي شــروط صعيبــــة = ما عاد نبي العــرس دب اليالـــي يا حيسفـــــا يا فــــرد ياللي غديبــــة = نمـر الثـــمان وبه فرايد كيالــــي من صنعتـــه ما غير خمس رمي بــه = يوم اشتريه مجربـــه يا حلالـــي نقلــه معـــــزة والليـــالــــي بغيبـــــة = ما تنومن صدفات سمر الليالـــي يا حيسفـــا ذيك المـــــراكي دويبــــه = وعشر الدلال ونجرهن والزوالي راحت علي سبة عجــــوز غضيبـــة = مجنــــونة غبـرا عليها ظلالــــي للي خطبهــــا لي ثمـــــانين خيبـــــة = لعل ما له عنـــد ربـــي سوالــــي قعودي عزب أبرك وهي ويش أبيبه = اخير وأبرك من عجــوز تلالـــي البنــت ما عنــــدي سيـــــاق ينيبــــه = الموجب أن الكف ما به نوالــــي قد لي ثمـان سنيـــن وأربــع قطيبــــة = ازهم ولا به من يــورد حبالـــي والــــذيب لامنـــــه تــزايــــد قنيبــــة = يعوي له الثاني على راس عالي وإلا فأنــــا حظـــــي ترادا نصيبــــة = إلا أن شاء الله عزيز الجلالــــي صلوا عدد نبت الفيـــاض العشيبــــة = وأعداد ما يذرى الهواء بالشالي على رســــول خيــر نقتــــدي بـــــه = وضح لنا السنة وضوح العدالي
|
#2
|
||||
|
||||
يعطيك العافية
|
#3
|
||||
|
||||
الله االله الله علييييك
يالنشمية... كما عهدناك.. ابداع واسلوب شيّق ولهجة مقربه للنفس.. بيض الله وجهك اخيه.. استمتعنا كثيرا بهذه القصة والقصيدة / انظري.؟! (( عاد هو يحب الحريم الراهيات وخاصة اذا كانت مليانة ومعزله ..)) الله يرحم حاله هو يحب اي شىء لكن نصيبه ماكتب.. بيّع قشيشه يوم شاف هالمعزّله.. ( معذور) طول عمر في الحديد والديزل..يبي الراهية. / / لاهنت يالنجدية.. تسجيل حضور وننتظر جديدك على كولة. تحية وتقدير
|
#4
|
||||
|
||||
ابو فهيد
* * الله يعافيك ياخوي مشكوور على هالمرور الطيب
|
#5
|
||||
|
||||
؛
اللهم صلّى وسلم عليه النجــدية صح لســان الشــاعر و لا هنتى يا الطيبة ،، وربي يعطيكـ العافية صباحكـ خزامـى ؛ عَذبةُ الأحساس
|
#6
|
||||||||||||||||||||||||||||||||||||||||
|
||||||||||||||||||||||||||||||||||||||||
7 7 حظه الاقشر اللي ذبه في هالعجوز هههههههههههههههههه
هههههههههههههههههههههههههههههههههههههههههههه ابشر به تسلم اخوي كاتم على هالمرور الرائع
|
#7
|
||||
|
||||
مشكووووووووووور
|
#8
|
||||
|
||||
( الله يخلف عليه لوله من عيال الحين كان ما يرضى يشوفها ويتمقل فيها إلا وهو مرتز في المجلس ) ايه هين .. الا هالايام البنت هي اللي تخزه وتمقل فيه ويمكن هو اللي يستحي .. وهي ما نزلت عينها .. هههههههه أختي النجديه .. الله يمسيك بالخير طبعا قصة رهيبة مرة .. واللي أحلى هالقصيدة .. الحين عجوز خيبر عقب هالعمر جاية تشرط حسبي الله عليها.. بس يمكنها معذورة .. هاك الوقت البيوت ما هي مليانة بنات مثل هالحين .. الله المستعان وتقول أبي موتر وأبي لـه جنيبـة لا بنشـر الموتـر إلـى ذا قبالـي واثقة من نفسها مرة .. ************************ تسلم يمينك أختي .. دائما مذهلة
|
#9
|
|||||||||||||||||||||
|
|||||||||||||||||||||
8
8 على شمسك غيوم يا ابو شق وين الغيبه عسى ما شر ياخوي ؟
7 7 لا حرام عليك لحد الان وفينا حياء بس لازم نسترق النظر عاد نخاف نتوهق فيكم هههههههههههههههه عاد على قول المصاريه دخول الحمام مش زي خروجه ( وانت بكرامه ) مشكوور ياخوي على هالمرور الرائع والتعليق الجميل يعطيك العافيه وما قصرت
|
#10
|
||||
|
||||
تسلمين يالنجدية على جهدك المتميز وبارك الله فيك
لي عودة على الموضوع يبيله فلفلة اخوك جهام
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |